Ab Adiis: bul bàyyi mukk di wax ginnaaw julli gu ne: Allaahuma ahinnii halaa sikrika wa sukrika wa husni hibaadatika

عَنْ مُعَاذِ بْنِ جَبَلٍ رضي الله عنه:
أَنَّ رَسُولَ صَلَّى عَلَيْهِ وَسَلَّمَ أَخَذَ بِيَدِهِ، وَقَالَ: «يَا مُعَاذُ، وَاللَّهِ إِنِّي لَأُحِبُّكَ»، فَقَالَ: «أُوصِيكَ يَا مُعَاذُ لَا تَدَعَنَّ فِي دُبُرِ كُلِّ صَلَاةٍ تَقُولُ: اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ».
[صحيح] - [رواه أبو داود والنسائي وأحمد] - [سنن أبي داود: 1522]

Jële ci Muhaas ibn Jabal yal na ko Yàlla dollee gërëm mu wax ne:
Yonnente Yàlla bi yal na ko Yàlla dolli xéewal ak mucc dafa téye ci loxoom, ne ko: "yaw Muhaas, waat naa ci Yàlla ne dama laa bëgg", mu ne ko: "maa ngi lay dénk yaw Muhaas bul bàyyi mukk di wax ginnaaw julli gu ne: Allaahuma ahinnii halaa sikrika wa sukrika wa husni hibaadatika".
[Wér na] - - [Téere Sunna yi bu Abóo Daawuda - 1522]

Leeral

Yonnente bi yal na ko Yàlla dolli xéewal ak mucc dafa jàpp ci loxob Muhaas yal na ko Yàlla dollee gërëm, ne ko: giñ naa ci Yàlla ne dama laa bëgg, te maa ngi lay dénk yaw Muhaas bul bàyyi di wax ginnaaw julli gu nekk: (Allaahuma ahinnii halaa sikrika) ci jépp wax ak jëf juy jëme ci jaamu la, (wa sukrika) ci amug xéewal ak deñug naqar, (wa husni hibaadatika) ci ag sellal ñeel Yàlla ak topp Yonnente bi yal na ko Yàlla dolli xéewal ak mucc.

Bokk na ci njariñi Adiis bi

1. Yoonalees na xibaar nit ki ne danga ko a bëgg ci Yàlla.
2. Sopp nañu ñaan gii ginnaaw julli gu ne farata ak naafila.
3. Ñaan ci kàddu yu néew yii bépp càkkuteefu àdduna ak allaaxira a ngi ci.
4. Bokk na ci njariñi bëgg ci Yàlla dénkante dëgg ak laabirante ak dimbalante ci lu baax ak ragal Yàlla.
5. At-Tiibii nee na: tudd Yàlla mooy njëlbeenu ubbiteg dënn, sant ko mooy jumtukaayu xéewal gu nangu, rafetug jaamu gi ñu sàkku ci moom mooy deñ ci lu koy soxlaal wolif Yàlla mu kawe mi.