1. Li jiitu
  2. Ràññetle yi
  3. Dégg diine ak i cosaanam

Hadiis Yónente bi -yal na ko Yàlla dolli xéewal ak mucc- daa na ko tudde Yàlla ginnaaw julli gu ne

عَنْ ‌أَبِي الزُّبَيْرِ قَالَ:
كَانَ ‌ابْنُ الزُّبَيْرِ يَقُولُ فِي دُبُرِ كُلِّ صَلَاةٍ حِينَ يُسَلِّمُ: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، لَا حَوْلَ وَلَا قُوَّةَ إِلَّا بِاللهِ، لَا إِلَهَ إِلَّا اللهُ، ‌وَلَا ‌نَعْبُدُ ‌إِلَّا إِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لَا إِلَهَ إِلَّا اللهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ» وَقَالَ: «كَانَ رَسُولُ اللهِ صَلَّى اللهُ عَلَيْهِ وَسَلَّمَ يُهَلِّلُ بِهِنَّ دُبُرَ كُلِّ صَلَاةٍ».

Jële na ñu ci Abis Subayri mu wax ne :
Ibn Subayri bu jullee ba sëlmal da daan wax: «laa ilaaha illal laahu wahdahu laa sariika lahu lahul mulku wa lahul hamdu wa Huwa halaa kulli say in Xadiirun, laa hawla wa laa xuwwata illaa bil Laahi, laa ilaaha illal Laahu, wa laa nahbudu illa iyyaahu, lahun nihmatu wa lahul fadlu wa lahus sanaa ul hasanu, laa iLaaha illal Laahu muxlisiina lahud diina wa law karihal kaafiruuna» mu wax ne: «Yónente bi -yal na ko Yàlla dolli xéewal ak mucc- daa na ko tudde Yàlla ginnaaw julli gu ne».

Wér na Muslim soloo na ko Téere Muslim bi gën a wér - 594

Leeral gi

Yónente bi -yal na ko Yàlla dolli xéewal ak mucc- daa na tudd Yàlla ci sikar sii ginnaaw bu sëlmalee ci jullig farata yépp, maanaam mooy:
"laa ilaaha illal laahu": manaam amul kenn ku ñuy jaamu cig dëgg ku dul Yàlla.
"wahdahu laa sariika lahu" maanaam: moom Yàlla amul bokkaale cig warug jaamu ak cig moomeelam ak ci ay turam ak i meloom.
"lahul mulku" maanaam: moo moom nguur ga matale te yaatu, nguurug asamaan yi ak suuf si ak li nekk séen diggante.
"wa lahul hamdu" maanaam: mooy ki melowoo lépp i mat, ki ñuy sant cig mat ngir bëgg ko ak màggal ko ci gépp anam ci mbégte ak ciw tiis.
"wa Huwa halaa kulli say in Xadiirun" kàttanam lu mat sëkk la ci gépp anam, dara tëwu ko, te menn mbir ci bir yi tëwu ko.
"laa hawla wa laa xuwwata illaa bil Laahi" maanaam: deesul juge ci wenn melo jëm ci weneen melo, ak cig moy Yàlla jëm ci topp Yàlla, amul it genn kàttan ndare ci ndimbalul Yàlla ndax mooy Dimbalaakoon ba te ci moom la ñuy wakkiirlu.
"laa ilaaha illal Laahu wa laa nahbudu illa iyyaahu": ak feddali la ci maanaam jaamu ak dàq bokkaale, ak ne kenn yayoowul ag jaamu ku dul moom.
"lahun nihmatu wa lahul fadlu": moom moo bind xéewal yi te moo ko moom, dana ci may ci ngëneelam ku ko soob ci ay jaamam.
"wa lahus sanaa-ul hasanu": moo yayoo tagg wu rafet ci jëmmam ak ci ay meloom ak ci ay jëfam ak ay xéewalam, ci képp anam nag.
"laa ilaaha Laaha illal Laahu, muxlisiina lahud diina": maanaam kennal ko ci lu dul ngistal mbaa ndéggtal ci jaamu Yàlla.
"wa law karihal kaafiruuna" maanaam sax ci wéetal Yàlla ak di ko jaamu donte neexul yéefar yi.

Bokk na ci njariñi hadiis bi

  1. Sopp nañu ñu sàmmoonte ak sikar sii ginnaaw julli farata gu ne.
  2. Jullit day tiitaroo diineem di fésal ay mbaaxam, doonte neexul yéefar yi.
  3. Baatub "duburas salaati" bu rotee cib hadiis: bu dee hadiis bi day wax ci sikar, la cay cosaan mooy mu nekk ginnaaw ug sëlmal, bu dee ñaan la nag kon mu nekk lu jiitu sëlmal ga.

Gaaral firi yi

64 Làkk wi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
BG Български البلغارية
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
YAO Yao الياو
KMR Kurmancî الكرمنجية