Xadiis: Sayidka istiqfaartu

عَنْ شَدَّادِ بْنِ أَوْسٍ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ:
«سَيِّدُ الِاسْتِغْفَارِ أَنْ تَقُولَ: اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي، فَإِنَّهُ لاَ يَغْفِرُ الذُّنُوبَ إِلَّا أَنْتَ» قَالَ: «وَمَنْ قَالَهَا مِنَ النَّهَارِ مُوقِنًا بِهَا، فَمَاتَ مِنْ يَوْمِهِ قَبْلَ أَنْ يُمْسِيَ، فَهُوَ مِنْ أَهْلِ الجَنَّةِ، وَمَنْ قَالَهَا مِنَ اللَّيْلِ وَهُوَ مُوقِنٌ بِهَا، فَمَاتَ قَبْلَ أَنْ يُصْبِحَ، فَهُوَ مِنْ أَهْلِ الجَنَّةِ».
[صحيح] - [رواه البخاري]

Shaddaad Binu Aws-Allaha ka ralli ahaadee- wuxuu Nabiga ka wariyey-naxariis iyo nabadi korkiisa ha ahaatee- inuu yiri:
" Sayidka istiqfaartu waa inaad tiraahdo: Allahayow adigaa Rabigay ah Ilaah aan adiga ahayn ma jiro, adigaa i abuuray ana adoonkaagii ayaan ahay waxaan ku taagnahay balantaada iyo balan qaadkaaga intaan awoodo, waxaan kaa magan galayaa wixii aan sameeyey shartooda, waan qirsanahay nicmooyinka aad i siisay, waan kaaga towbadkeenay danbigayga ee ii dhaaf, adiga maahee cid kale danbiyada ma dhaaftee" wuxuu yiri: " qofkii yiraahda maalintii isagoo yaqiinsan, oo dhinta maalintaas galabtii ka hor waa Ehlu Jano, qofkii yiraahda habeenkii isagoo yaqiinsan, oo dhinta habeenkaas inta aan waagu baryin, waa Ehlu Jano".
Xadiis Saxiix ah. - Waxa wariyay Albukhaari.

Sharaxaad

Nabigu-naxariis iyo nabadi korkiisa ha ahaatee-wuxuu sheegay in istiqfaartu ay leedahay Ereyo, kuwa ugu fadliga badana ay yihiin inuu Addoonku dhoho: ''Allahayow, adaa Rabigay ah, ilaah aan adiga ahayni majiro, waad i abuurtay ana addoonkaagaan ahay, waxaanan ku jiraa ballankaagii iyo ballan qaadkaagii inta aan awoodo, waxaan kaa magan galayaa sharka aan sameeyo dhibkiisa, waxaan kuu ogsoonahay oo qiraya nicmooyinka aad i siisay, waxaan qirsanahay dambigayga, Allahayow ii dambi dhaaf, mid aan Adiga ahayn oo dambiga dhaafi karaa majiree'' Marka hore addoonku wuxuu u qirayaa towxiidka, iyo in Ilaahay abuuray oo uu caabudayo isagoon cidna la wadaajin, oo addoonku ku kusugan yahay wixii uu Ilaahay kula ballamay ee iimaan iyo u hoggaansan Ilaahay ah kolba inta Awooddiisu tahay, waayo addoonku sikasta oo uu u cibaadaysto haddana lama iman karo dhamaan wixii Ilaahay faray ee cibaado ah, iyo inuu guto mahadnaqii looga baahnaa ee nicmooyinka Ilaahay, addoonku llaahay buu cuskadaa, diintiisana qabsadaa, Isaguuna addoonku ka hoos galaa sharka ay naftiisu samayso Ilaahay ayuu u qirayaa nicmada uu siiyey, wuxuu naftiisa ula noqonayaa inuu qirto oo citiraafo gafkiisa iyo dambigiisa. Codsigaa uu Ilaahay u jeediyey ka dib, Addoonku wuxuu Ilaahay ka baryayaa inuu u dambi dhaafo, oo uu u asturo dambiyadiisii oo kaga nadiifiyo dembiyada cafiskiisa, fadligiisa iyo naxariistiisa, waayo cid aan Ilaahay wayne kor ahaaye ahayn oo dambiyada addoomada dhaafi karta majirto. Nabigu -naxariis iyo nabadi korkiisa ha ahaatee wuxuu sheegay inay ka mid tahay wardiga subaxa iyo habeenka, qofka akhriya bilawga maalinta isagoo yaqiinsan macneheedana dhadhan sanaya rumaysana, inta u dhaxaysa qorax soo baxa ilaa sawaalka -oo ah markay bartamaha samada u yara dhaafto wax yar qorraxdu xagga qorrax dhaca-, waana waqtiga maalinimada ah ee sidaa ku dhinta janaduu galayaa. Qofka habeenka akhriyana, waana qorax dhaca ilaa soo bixitaanka fajarka, oo sidaa ku dhinta intaanu waabariisan janaduu galayaa.