Ned ning sẽn wa n kẽng hagiimdu, n ka maan kẽed-n-taare, n ka maan dĩin-yiib tʋʋma, a yita a zunuubã pʋgẽ, n lebg wala a ma wã sẽn rog-a raar ningã m pa na n kõ-y kibar ne zũnuub bεdã sẽn yɩɩd bedrem? Ned sã n nong ɑ to, bɩ ɑ togs-ɑ t'ɑ nong-ɑ lɑme Zũnuub bεda: yaa lagem-n-taar ne Wẽnde la roagdb a yiibã namsgo la yõor kʋʋbo la wẽen bõrdga Tõnd balma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) tɩ d na n wʋmame la d tũ, keelem la yol-yol sasa, d yĩn-wɩsgr la d sẽn ka nong sasa, la d na n leb n yɩɩsa yẽnda d mensã Pʋʋsg ka be tɩ rɩɩb sã n rɩgl ye, pa we-kεεng me sẽn na sẽk-a ye Fo sã n yeel f yaka, arzũmã raare: "sĩndi", tɩ limaamã maand hʋtbã, sɩd la hakɩɩka f reemame Ned sẽn yãs ne pʋg-kõor rɩlgre la nimbãan nedã, a yaa wala ned sẽn zabd gɩhaadɩ Wẽnd sorã pʋgẽ, maa a yaa wala ned sẽn yãs yʋngo ne Pʋʋsgo n loet noor wĩntoogo Lɩslaangã rog-n-mikã yaa nu, yaa bõng kõom, la pend põmbo, la no-kõbd wõrsgo, la nɑ-yẽes wõrsgo, la bãgd võobo m wẽena ne a Mʋhammad yõorã sẽn be Naab ning Nugẽ wã, ned pa wʋmd mam kibare sẽn be zamã-kãngã pʋgẽ, tɩ yaa Yahʋʋda tɩ yaa Nasaara, rẽ poorẽ t'a ki n ka kõ sɩd ne b sẽn tʋms maam ne bũmb ningã, rẽndame t'a yɩ Bugum biiga Wõrs-y no-kõbdo la y bas toeemse Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore Wẽnd kãab beed bee ne Yahuud-rãmb la Nasaar-rãmbɑ, b rɩka b nabiyaam-rãmbã yaado, n maan misa Zoe-y n zãag-y yel-halkds a yopoe wã M Soɑbɑ Wẽnde rɑ mɑɑn m Kɑbrã tɩ yɑɑ rʋbg ye Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã Rɑ mɑɑn-y y rotã tɩ yɑɑ yɑɑd ye, lɑ y rɑ rɩk mɑm yɑoogã tɩ yɑɑ tigr bob n kẽng ye, lɑ y pʋʋs-mɑ; tɩ yãmb pʋʋsgã tɑtɑ mɑɑm y sẽn beẽ fãɑ Ad Wẽnd zabda ra-taare, la muumim me zabda ra-taare, la Wẽnd ra-taarã zabre yaa muumim sẽn wat n maan Wẽnd sẽn gɩdgã ned ning sẽn wẽena, tɩ pa yɩ ne Wẽnde, a soab kɩflame maa a maana lagm-n-taare Ad Pʋʋsg sẽn yɩɩd toog munaafɩgsã zutu, yaa Sãaf la Fagiri, la b sã n dag n mi sẽn be b yiibã pʋgẽ, b rag n na wa n pʋʋs-ba, baa b na n vũnumame Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ ra kils-y maam wala nasaar-rãmbã sẽn kils a Maryam biig a Iisa wã ye, ad mam yaa A yamba, bɩ y yeel-y tɩ Wẽnd yamba la A Tẽn-tʋʋma ɑd nebã sẽn yɩɩd zu-noog ne mɑm sugsgã Dũni yikr rɑɑrã, yɑɑ ned ning sẽn yeelɑ tɩ lɑɑ ɩlɑɑhɑ ɩllɑl-Allɑh, n yɩlg-ɑ ɑ sũurẽ wã maɑ ɑ mengẽ wã , Wẽnd kẽed-a-la arzãna a sẽn tʋg n tʋm tɩ yaa a soab fãa gilli ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã Ned ning sẽn maana kaalem tɩ yẽ kota gees-n-taag zẽng sẽn ka yɩ Wẽnde, a kẽeda Bugmẽ Kεngdbã halkame ned ning sẽn kõ a maam bas-m-yam ne bũmb ning sẽn be a ye-peed a yiibã sʋka la a nao a yiibã sʋka, m kõt-a-la bas-m-yam ne arzẽnã Nɑnɑmbs n na n wa zĩndi, tɩ yãmb pẽgd b tʋʋmã sãnda la y kisg b tʋʋmã sãnda, la ned ning sẽn maana neerã a soab fãag a menga, la ned ning sẽn gɩdgɑ b tʋʋm wẽnsã a soab tɩlgame, la yellã yaa ned ning sẽn yara, n na n kell n pʋge Wẽnd pa reegd yãmb yem kãm fãa pʋʋsgo, t'a sã n rẽgme, halɩ t'a wa yõk koom yamb sã n bẽ maa a toga sore; b gʋlsdame n kõ-a a sẽn da tʋmdã t'a ra tar laafɩ n be yirã Wẽnd yʋʋrã tẽegr sẽn yɩɩdɑ, yɑɑ: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), lɑ kosg sẽn yɩɩdɑ, yɑɑ: Alhɑmdʋ lɩll-Lɑɑh, (Pẽgr be ne Wẽnde) Arzãnɑ pẽe ne yãmb ned fãɑ n yɩɩd ɑ neoodrã yʋlgɑ, lɑ Bugmã me yɑɑ wɑlɑ rẽ Rɑ-wãbdgã yaɑ yɩlgr ne noorã, n yɑɑ yɑrdɑ ne Soɑbã Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã Tɑɑs-y mɑm yĩngɑ, bɑɑ tɩ sã n yɑɑ Aɑyɑr ɑ yembre, lɑ y yẽs ɭsrɑɑɩɩl koɑmbã kibɑyã, tɩ tɑɑl kɑ be ye, lɑ ned ning sẽn yɑgɑ n rogl mɑɑm pʋ-toogo bɩ ɑ bɑo ɑ zĩndg zĩig Bugmẽ wã Bũmb ka paamd lɩslaamã sẽn yaa yaamse, la bãase, la yɩɩgre, la sũ-sãanga, la nango, la pakre, halɩ n tʋg n tãag gõaag sẽn kõsd-a, rẽndame tɩ Wẽnd yaaf a tʋʋm tuuti wã ne rẽ sabɑbo B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã Lɩslɑɑm hɑkε ɑ lɩslɑɑm tɑɑg zugu, yɑɑ nu: yɑɑ Sɑllem leokre, lɑ bãɑd kɑɑgre, lɑ kũ-rãmb yãɑgre, lɑ bool sɑkre; lɑ tĩsd leokre Wẽnd nɑ yols nedɑ, sẽn yɑɑ bɑs-tɩ-loog t'ɑ sã n nɑ n koose, lɑ ɑ sã n nɑ n dɑ, lɑ ɑ sã n nɑ n sok ɑ sɑmde Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do Ad rog tõkdɑ pɑ sẽn mɑɑndɑ neere n rondẽ wã ye, lɑ ɑd rog tõkdɑ yɑɑ b sẽn nɑ n wãɑg ɑ soɑb rogem, lɑ a sẽn tõkd-ɑ Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã Ned ning sẽn loe Ramadaanã, ne liimaoongo (sɩd kũuni) la yel-sõmd tẽebo, b yaafd-a lame, a zunuubã sẽn reng taoorã Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuub sẽn reng taoore Ned ning Wẽnd sẽn wa n rat-a ne sõma, A rogend-a-la yelle Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ Dĩinɑ yɑɑ mɑɑn pʋ-peelem Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ Ad Wẽnd maaname tɩ yaa tɩlae tɩ b maneg n tʋg bũmb fãa gilli Wẽnd pʋlmɑ tʋʋm sõmbsã lɑ tʋʋm wẽnsã, rẽ poorẽ t'A vẽneg rẽ, rẽnd ned ning sẽn sɑɑgɑ yel-sõmde lɑ ɑ Kɑ mɑɑne, Wẽnd gʋlsd-ɑ-lɑ A nengẽ n kõ-ɑ yel-sõmd sẽn pidi, lɑ ɑ sã n sɑɑg-ɑ lɑ a mɑɑn-ɑ Wẽnd gʋlsd-ɑ-lɑ A nengẽ n kõ-ɑ yel-sõmd piigɑ n tʋg n tãɑg fãoob kobs-yopoe, n tʋg n tãɑg fãoob wʋsgo, lɑ sẽn sɑɑgɑ ne tʋʋm wẽngɑ lɑ ɑ Kɑ tʋm-ɑ Wẽnd gʋlsd-ɑ-lɑ A nengẽ yel-sõmd sẽn pidi, lɑ ɑ sã n sɑɑg-ɑ n mɑɑn-ɑ, Wẽnd gʋlsdɑme n kõ-ɑ yel-wẽng ɑ yembre Ad Wẽnd ka get y naandã la y arzεkã ye, la ad A geta yãmb sũyã la y tʋʋmã Ad tʋʋmã yaa ne Anniy-rãmbã, la ninsaal fãa yaa a sẽn maan Anniy ningã n be ne-a lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ Ra gẽ ye Nɑmsg kɑ be, nams taab me ka be. La ned ning sẽn wa n bao n na n namse, Wẽnd namsd-a lame, la ned ning sẽn wa n bao n na n kenge, Wẽnd kengd-a lame Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye Biigɑ, ɑd mɑm nɑ n wilga foom gom-biisi, gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde Yamb maana zunuub tʋʋmde, n yeele: " Soaba Wẽnde yaaf m zunuubã Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaan Naabã rɩtg wεεngẽ, la A Nus a yiibã fãa rag n yaa rɩtgo Ned ning b sẽn mong yol-yole, b mong-a-la yel-sõmde Mam poorẽ rãmbã fãa kẽeda arzãna, sã n pa sẽn tõdga A Gibriil ka bak n sagend maam ne yaka, halɩ tɩ mam da tẽed t'a na n lagem-a-la fa-rɩtbẽ wã Ad Rʋƙɩyya (walem n fʋʋsã) la yoagã bobra la nonglemã tɩtã b yaa lagem-n-taare Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi m Soabã, ned ning sẽn wa n lʋɩ mam poorẽ rãmbã yell taoore, n weoog-ba bɩ F weoog a zugu, la ned ning sẽn wa n lʋɩ mam poorẽ rãmbã yell taoore, n zoe b nimbaanegã, bɩ F zoe a nimbaanega Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare Gũus-y y mens ne sãmbse, tɩ ad sãmbsã la gom sẽn tʋg n yɩɩd zĩri-beedo Ned ka be Wẽnd sẽn na n kõ-a bũmb taoore, t'a wa tʋg n ki raar ning a sẽn kiidã, t'a yaa sẽn zambd a sẽn gũud bũmb ningã, rẽndame tɩ Wẽnd haram-a arzãnã a zugu Maan neer buudã fãa yaa doaaga Ra wa tʋg n paoog manegr ye, baa tɩ fo na n sega f ma-bi taag ne neng sẽn yõgemde Ad raood ka yõk-n-lub ye, la ad pãng soaba yaa ned ning sẽn tõe n yõk a menga a gẽeg sasa Ned ning sẽn wa n tʋg n wõns a meng ne neba, yẽ me lebga bãmba Ned ning sẽn wa n wilg sõma zĩigã, a tara yel-sõmb wala sõmã wã maand bilgri M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã Rog wãas ka kẽed arzãn ye Gom rɩgsd ka kẽed arzãn ye Ned ning sẽn wa n tʋlla tɩ b yalg a rɩtlã la b yaool a vũunã, bɩ a tõk a rogmã Ned ning sẽn namsa nebã, Wẽnd namsd-a lame, ned ning sẽn kenga nebã, Wẽnd kengda a zugu Yamb sẽn tʋg n yɩɩd pẽnem ne a Soabã, yaa a sẽn wat n be suguudẽ wã, sã n yaa woto bɩ y wʋsg kosgã Ned ning sẽn wa n pʋʋsa fagirã, yẽ soab bee Wẽnd gũudum pʋgẽ Ned ning sẽn kõta sɩd ne Wẽnde la Yaoolem raarã bɩ a yeel sẽn be neere maa a sĩndi Ned ning sẽn ka yolsda nebã, Wẽnde, A Naam yɩ wagell n zẽka, A ka yolsd-a ye Ad nebã sẽn yɩɩd gẽeg Wẽnd nengẽ, yaa zab-to neda Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo Yãn-zoεεg bee liimaoong pʋgẽ Ad kosgã yẽnda la tũudmã Tabl-y sɩda, tɩ ad sɩd peegdame n tʋgd manegre, la manegr peegdame n tʋgd arzãna Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba Bũmb ka be n tar waoor Wẽnd nengẽ, A Naam yɩ wagell n zẽke, n leb n yɩɩd kosg ye Sara ka boogd arzεk ye, la Wẽnd ka paasd yamba ne a sẽn na n maan bas tɩ looge rẽndame tɩ yɩ zɩslem bala la ned ka yɩ n na n gãneg a meng Wẽnd yĩnga rẽndame tɩ Wẽnd zẽk-a Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã Ned ning sẽn yeela: (Sʋbhaana-llaah wa bihamdihii, yɩlgr be ne Wẽnd, la pẽgr be ne-A) raar pʋgẽ, noor koabga, b lubda a zũnuubã baa t'a sã n yaa wala mogr puudu Ned ning sẽn wa n yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr = soab sẽn na n tũ n tɩlg ka be, rẽnda Wẽnde, A yaa Yembre, lagem-n-taag ka be ne-A ye, Yẽ n so Naamã la A sõ Pẽgbã, ad Yẽnda yaa Tõogd ne bũmbã fãa gilli, noor piiga Ned ning Wẽnd sẽn tʋll a soab ne sõma, A fasemd-a-la dĩinã Ad Wẽnd nonga yamba, sẽn yaa Wẽnd zoεta, sẽn yaa sek-m-meng soaba, sẽn yaa gãneg-m-meng soaba Ad yãmb na n yãa y Soabã, wala yãmb sẽn ne kiu-kãngã wã, la yãmb ka maand sik a yãabã pʋgẽ Tɩ Nabiyaamã (Wẽnd pʋʋsg la A tɩlgr be a yĩnga) a yɩɩme n ka tõdgd parfẽ (yũ-noog) ye Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã Dũni wã yaa wʋm-noogo, la dũni wʋm-noog sẽn yɩɩda, yaa pʋg-sõngo Ad bʋg-bʋg ka zĩndid bũmb pʋgẽ rẽndame t'a nags-a, b ka kongd-a bũmb pʋgẽ me rẽndame t'a zang-a Ad Wẽnd yarda yamba, a sẽn na n rɩ n pẽg Wẽnde rɩɩbã yĩnga, maa a yũ bõn-yũudga n pẽg Wẽnd a yĩnga Ad muumin paamdame sẽn tũ ne a zʋg-sõngã, no-loεt dargε sẽn yãs ne Wẽnd tũudmã Ad sẽn be yãmb nin-tũusdsã pʋgẽ, yaa sẽn yɩɩd-b yãmb ne zʋg-sõngo Wẽnd yeelame: Adam biiga, yãk n nafe, tɩ M na kõ-fo Ad Wẽnd tõe n yaoolga wẽgdã, t'A sã n wa yõk-a a ka põsgd-A ye Mam ka bas m poorẽ wã fɩtna (zarb-n-gesg) sẽn namsd raopã n leb yɩɩd pagbã ye Yols-y la y ra keng ye, la y noog nebã sũy la y ra yεεs-b ye Tẽegd-y Alkʋrãan-kãngã, tɩ mam wẽenda ne a Mohammad yõorã sẽn be Naab ning nugẽ wã, ad Alkʋrãanã n yɩɩd fãagr ne yʋgemd sẽn be a baarẽ Yãmb sõma sẽn yɩɩda soaba, yaa ned ning sẽn karem Alkʋrãanã la a wilg-a Ned ning sẽn wa n tʋg siga sigb zĩigẽ, rẽ poorẽ t'a yeele: m kota gũudum ne Wẽnd goamã sẽn pidã, n yi A sẽn naan fãa wẽnga, bũmb ka namsd-a halɩ t'a wa tʋg n yik zĩ-kãngã M ka na n tʋms foom bũmb ning yĩnga, Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn tʋms maam ne bũmb ningã? Tɩ f ra bas nin-naande rẽndame tɩ f saram-a, la f ra bas yaoog sẽn zẽke, rẽndame tɩ f zẽms a taaba Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã, la nebã fãa gilli Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga Sart-rãmb nins sẽn sõmb ne yãmb pidsgã, yaa yãmb sẽn rɩk sart-rãmb nins tɩ tao wã lebg halaal ne yãmba Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) rag n yɩɩme n yɩɩd nebã ne zʋg-sõngo Wẽnd Tẽn-tʋʋma, (Wẽnd pʋʋsg la A tɩlgr be a yĩnga) rag n yɩɩme n yet bãmbã Pʋʋsg fãa poorẽ Ra rɩk-y y zagsã n maan tɩ yaa yaad ye, ad sʋɩɩtãanã zoetame n basd zak ning b sẽn karem Al-Baƙara a pʋgẽ Mam sẽn na n yeel (Sʋbhaana-llaah) la (Al-hamdu lillaah) la (Laa ɩlaaha ɩllallaah) la (Allaahʋ akbarʋ) yẽ n noom maam n yɩɩd bũmb fãa wĩndgã sẽn puk n miki Rasem-rãmb ka be tɩ tʋʋm sõmbs noom Wẽnd n yɩɩd rasem-kãensã ye» rat n yeel tɩ rasem piigã Ned ning sẽn basa Laasar Pʋʋsgo, a tʋʋm lʋɩɩme Ned ning sẽn yõka koom, n maneg a koomã yõkre, a tʋʋm tuuti wã yitame n bas-a a yĩngẽ wã, halɩ n wa tũ a nug-yẽesã tẽngrã n yi Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa Ned ning sẽn karema gʋls-biig a yembr Wẽnd Gafẽ wã, ad a tara yel-sõmd ne-a, la yel-sõmdã me fãoogda piig bilgri Rao sã n rɩlg a zak rãmbã n tẽed a yel-sõmde, yẽnda yaa sãra ne-a Lɩɩmaoong yaa kõbg pis-yopoe la zaka, maa pis-yoob la zaka, sẽn tʋg n zẽk n yɩɩde yaa Laa'ɩlaaha ɭllallaah» yeelgo, la sẽn tʋg n paood n yɩɩde, yaa fo sẽn na n rɩk bũmb sẽn namsd nebã n yiis sorã t'a ra bas bobr yʋgemd yublẽ, zem tɩ yaa tãpo maa yaa loore, rẽndame tɩ b tõsg-a Ned ning sẽn yeele: Laa'ɩlaaha ɭllallaah= soab sẽn na n tũ n tɩlg ka be rẽnda Wẽnde, la a kɩflg ne bũmb fãa sẽn tũudi zẽng tɩ ka Wẽnde, a arzεkã la a zɩɩmã lebga haraam ne nebã, la a geelgã bee ne ne Wẽnde Ad Wẽnd Nɑbiyɑɑmã zʋgdã (Wẽnd pʋʋsg la A tɩlgr be a yĩnga) ra yaa Alkʋrãana Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba Wẽnde (A Naam zẽk yã) A na n yeela Bugum koɑmbã nang sẽn yɩɩdɑ valeng dũni yikr raarã: rẽ yĩnga fo sã n rag n tarẽ bũmb ning sẽn be Tẽngã gilli, f rag n na n yaoome n põs bɩɩ? T'a yeele: n-yee Nɑbiyɑɑmã (Wẽnd pʋʋsg la A tɩlgr be a yĩnga) ra yɩɩme n tẽegd Wẽnd yʋʋrã yelle, a wakat-rãmbã fãa pʋgẽ Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a gɩdga som pok põngre Ad gomd ning sẽn zĩnda be n yaa sɩdã, zĩnã zεεgda sɩd-kãnga n rɩk-a n tʋg n ning a noangã tʋbrẽ, wala no-yãang põgbo, tɩ b rɩk-a n gẽdg ne zĩri-beed sẽn yɩɩd koabga Tõnd rag n bee d zu-soaba a ʿƲmar nengẽ t'a yeele: «B gɩdga tõnd n yi maan-tɩ-looge Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã Tõnd Soabã sigdame, -A Naam zẽkame- yʋng fãa, n wa dũni saasẽ wã, yʋngã sẽn pʋɩ tãab n yãk yembrã sã n wa ta a baasgã zĩigẽ Ra zĩnd-y yaadã zut ye, la y ra pʋʋs n togl-b ye Ad bãmbã yaa nebã tɩ yamb sõngo maa nin-sõng sã n ki b nengẽ la b sẽn met miisr B sagla maam tɩ m maan suguud kõb a yopoe zugu Nɑbiyɑɑmã rɑ yɩɩme (Wẽnd pʋʋsg la A tɩlgr be a yĩnga) n yet Suguud ɑ yiibã sʋkɑ: «Allɑhummɑ ɭgfɩr-lɩɩ, wɑrhɑm-nii, wɑ ʿɑɑfɩ-nii, wɑhdi-nii, wɑrzuƙ-nii Allɑhʋmmɑ Antɑ-Ssɑlɑɑm, wɑ minkɑ-ssɑlɑɑm, tɑbɑɑrɑktɑ zɑl-gεlɑɑlɩ wɑl-ɩkrɑɑm Pʋʋs tɩ f yaa sẽn yãse, f sã n pa tõe, bɩ f zĩndi, f sã n pa tõe, bɩ f kɩlle Fo wʋmdɑ lɑɑndãɑnã bɩɩ?» T'ɑ yeel tɩ n-ye. T'ɑ yeel-ɑ: «bɩ f sɑke Wẽnd Tẽn-tʋʋma (Wẽnd pʋʋsg la A tɩlgr be a yĩnga) wilgɑ tõnd tʋlsem doɑɑg kɑrengo (ẖʋtbatʋ alhaaǧa) Fur loees ka manegde, rẽndame tɩ tũ ne biig ba-rãmbã minim Biiga, f sã n na n rɩ bɩ f yeel bismillaah, la f rɩ ne f rɩtgo, la f rɩ f taoorã Yãmb ned fãa sã n na n rɩ, bɩ a rɩ ne a rɩtgo, a sã n na n yũ, bɩ a yũ ne a rɩtgo, bɑlɑ a sʋɩtãan rɩta ne a gobre, la a yũud ne a gobre Ned ning sẽn tõdg taoor soab pʋgbo, la a welg n bas zamã wã n maan kaalem, ad a kii zɩɩlem kũum Ned ning sẽn wa yãmb nengẽ tɩ yãmb zemsa taab ne naab a yembre, n rat n na n welg yãmb zamã wã, bɩ y kʋ-a Ned ning sẽn wa n kʋ lɩslaambã sẽn rɩk Alkaool ne a soaba, a kõn n wʋm arzãnã yũug ye, la a yũugã wʋmdɑ yɩta yʋʋm pis-naas kẽnd zĩigẽ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a kãaba zãmb soaba la sẽn reegd-a n na n maan zãmbã bʋʋd pʋgẽ B mee lɩslɑɑngã zeng-raad a nu zugu Ned ning sẽn wa n yã yel kitgɑ, bɩ a tedg-a ne a noorã, la a sã n ka tõe rẽnda, bɩ a tedg-a ne a zɩlemdã, la a sã n ka tõe rẽnda, bɩ a tedg-a ne a sũurã, la yẽnda n tʋg n yɩɩd ne lɩɩmaɑng sẽn yaa valanga. ned ning sẽn manega lɩslaoongã pʋgẽ, b ka yõkd-a ne bũmb ninga a sẽn tʋm Zɩɩlmã sasa ye, la ned ning sẽn wẽnga lɩslaoongã pʋgẽ, b yõkd-a la ne a rẽenem la a yaoolem tʋʋm fãa kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã Wɩɩbd be ne na-kẽsen-kayã sẽn yaa Bugum, yõk-y koomã tɩ ta , yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga Ad Wẽnd na n yiisa ned mam poorẽ rãmbẽ wã, bõn-naandsã taoore, yikrã raarã wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga Wẽnd gʋlsa bõn-naandsã pʋlenga, taoor t’A na n ka naan saasã la tẽngã, yʋʋm tus pis-nu M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah Laandãan boaal sã n yeele; "Allaah akbarʋ, Allaahʋ akbarʋ Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo Ad alkaool ning sẽn be tõnd ne b sʋka, yaa Pʋʋsgã, rẽnd ned ning sẽn bas-a, a kɩflame Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a ʿAbbaase, Wẽnd Tẽn-tʋʋmã saambɩba, kos Wẽnd laafɩ dũni la laagre Ad Wẽnd, (A Naam yɩ wagell n zẽke), A gɩdgda yãmb y yaab-rãmbã wẽenego Tɩ pag la b mik tɩ b kʋ-a lame Nabiyaamã Zabã sãnda pʋgẽ (Wẽnd pʋʋsg la A tɩlgr be a yĩnga), tɩ Nabiyaamã (Wẽnd pʋʋsg la A tɩlgr be a yĩnga) sãbs rẽnda, n tõdg tɩ b ra kʋ pagbã la kom-bãanegã ye a gɩdga pʋlenga, la a yeele: «Ad a ka wat ne sẽn yaa sõmã ye, la ad b yiisda pʋlengã beed soab nengẽ ad maam m wẽen ne Wẽnde, (Wẽnd sakr poorẽ) m ka wẽen wẽenego la m neẽ tɩ zẽng sẽn ka rẽnda sõma n yɩɩde, rẽndame tɩ mam yãk m wẽenegã maan-n-rolgã la m maan bũmb ning sẽn yaa sõmã n yɩɩdã Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã Ned ning sẽn zabda n rat tɩ Wẽnd yʋʋrã zẽk n yɩɩdã, yẽ soab bee Wẽnd sorã zugu Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare Ned ning sẽn yelga Harɩɩr fuug dũni kaanẽ, a ka na n yeelg-a yaoolem raarã ye ad mam ka kɩt tɩ y wẽene, tɩ m rõt-y lame yĩng ye, la a d Gibriil waa mam nengẽ, n togs maam, tɩ Wẽnde, (A Naam yɩ wagell n zẽke) A pugda malεgsã ne yãmba Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka Yãmb sã n wʋm boollã, bɩ y yeel wala laandãanã sẽn yet to-to wã Bas-ba tɩ mam wid-b lame tɩ b yaa yɩlma Nabiyaamã (Wẽnd pʋʋsg la A tɩlgr be a yĩnga) ra yɩɩme tɩ sɩng ne rɩtgã n noom-a, a neoodr widbẽ la a zug sãasgẽ, la a yɩlgrẽ, la a yεlã fãa pʋgẽ ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ