Hadiis: Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu

عَنْ أَبِي هُرَيْرَةَ رضي الله عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ:
«مَنْ سَبَّحَ اللهَ فِي دُبُرِ كُلِّ صَلَاةٍ ثَلَاثًا وَثَلَاثِينَ، وَحَمِدَ اللهَ ثَلَاثًا وَثَلَاثِينَ، وَكَبَّرَ اللهَ ثَلَاثًا وَثَلَاثِينَ، فَتْلِكَ تِسْعَةٌ وَتِسْعُونَ، وَقَالَ: تَمَامَ الْمِائَةِ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ غُفِرَتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ».
[صحيح] - [رواه مسلم] - [صحيح مسلم: 597]

Yii ɑ Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ yii Wẽnd Tẽn-tʋʋmã nengẽ, (Wẽnd pʋʋsg la A tɩlgr be a yĩnga) a yeelame:
«Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 597]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegame n wilgi, tɩ ned ning sẽn yeelɑ Farilã Pʋʋsg sεεb poorẽ:
noor pis-tã la a tãabo: "sʋbhaanallaah" yẽ me yaa f sẽn na n yɩlg Wẽnd n yi boogr fãɑ.
La noor pis-tã la a tãabo: "Alhamdu lillaah" yẽnda yaa pẽg Wẽnd ne sɩf-rãmb sẽn pidi, n lagem ne A nonglem la A zɩsgre.
La noor pis-tã la a tãabo: "Allaahʋ Akbarʋ" yẽnda me yaa tɩ Wẽnd n yɩɩd bũmbã fãa ne zɩslem la bedrem.
La sõorã pita koabga ne a sẽn na n yeele: "laa ɩlaaha ɩllaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr", la a maanã wã: b sẽn tũud a soab sɩd-sɩd ka be, rẽnda Wẽnd A Yembre, lagem-n-taag ka be ne-A ye, la Yẽnda (A Naam yɩlgame) n welg ne Naam sẽn pidi, la sẽn sõmb ne Pẽgb la Soeesgo, n lagem ne nonglem la Zɩsgre, n yɩɩd zẽng sẽn ka Yẽ, la ad Yẽnda yaa Tõoda, bũmb ka be n komsd-A ye.
Rẽnd ned ning sẽn yeela woto, b yẽesda a zũnuub-rãmbã n yaaf-a baa b yaa wʋsg wala puud ning sẽn zẽkd mogrã zugã, a sẽn wat n wẽed ko-wĩig n wukã.