Hadiis: Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl

عَنْ أَبِي هُرَيْرَةَ رَضِيَ اللَّهُ عَنْهُ قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ يَدْعُو وَيَقُولُ: «اللَّهُمَّ إِنِّي أَعُوذُ بِكَ مِنْ عَذَابِ القَبْرِ، وَمِنْ عَذَابِ النَّارِ، وَمِنْ فِتْنَةِ المَحْيَا وَالمَمَاتِ، وَمِنْ فِتْنَةِ المَسِيحِ الدَّجَّالِ». وفِي لَفْظٍ لِمُسْلِمٍ: «إِذَا فَرَغَ أَحَدُكُمْ مِنَ التَّشَهُّدِ الْآخِرِ، فَلْيَتَعَوَّذْ بِاللهِ مِنْ أَرْبَعٍ: مِنْ عَذَابِ جَهَنَّمَ، وَمِنْ عَذَابِ الْقَبْرِ، وَمِنْ فِتْنَةِ الْمَحْيَا وَالْمَمَاتِ، وَمِنْ شَرِّ الْمَسِيحِ الدَّجَّالِ».
[صحيح] - [متفق عليه] - [صحيح البخاري: 1377]

Yii a Abɩɩ Hʋrayrat nengẽ, (Wẽnd yard be a yĩnga) a yeelame:
Wẽnd Tẽn-tʋʋmã ra yɩɩme (Wẽnd pʋʋsg la A tɩlgr be a yĩngɑ) n kot n yetẽ: «Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl».= (M Soab a Wẽnde, m kota Foom gũudum n yi yaoogã namsgã, la Bugmã mansgo, la vɩɩm la kũum zarb-n-gesgã (fɩtna), la ɑ-Masɩɩh ddaggεεl zarb-n-gesgã). La bee Muslim gom-biisã pʋgẽ: «yãmb yemb kɑm fãa sã n wa sε sahd baasdgã, bɩ a kos gũudum ne Wẽnde, n yi yεl a naase: n yi Gεhannem namsgã, la yi yaoogã namsgã, la vɩɩmã la kũumã namsgã, la ɑ Masɩɩhɩ addagεεlɩ wẽnga».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1377]

bilgrã

Nabiyaamã (Wẽnd pʋʋsg la A tɩlgr be a yĩngɑ) ra yɩɩme n kot gũudum ne Wẽnde n yi yεl a naase, sahd baasdgã poorẽ, la taoor t'a na n ka ning sallem Pʋʋsgẽ wã, la a sagla tõndo, tɩ d kos gũudum ne Wẽnde, n yi-ba,
Rẽenem: yaa yaoogã nango.
Yiib soaba: yaa Bugmã nango, la rẽ yaa Al-ƙiyaoom raarã.
Tãab soaba: yaa vɩɩmã zarb-n-gesgã, sẽn yaa dũni yamleood nins sẽn yaa haraamã, la dũni yel-gẽdgds nins sẽn menesd nedã. la yi kũum zarb-n-gesga, rat n yeel tɩ kũumã wakato, n yi kedgre n bas lɩslaango, maa Sunnah, maa yaoogã zarb-n-gesgã, wala malεgs a yiibã sokrã.
Naas soaba: yaa masɩɩhɩ addagεεlɩ zarb-n-gesgã, sẽn yit zãmaan yaoolem sasa, tɩ Wẽnd zarbd yembsã ne-a, la b welga yẽnda yellã n togse, a fitnã wã la a menengã sẽn tʋg n yaa bedr n yɩɩdã yĩnga.