Hadiis: M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka

عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ، إِذَا كَبَّرَ فِي الصَّلَاةِ، سَكَتَ هُنَيَّةً قَبْلَ أَنْ يَقْرَأَ، فَقُلْتُ: يَا رَسُولَ اللهِ بِأَبِي أَنْتَ وَأُمِّي أَرَأَيْتَ سُكُوتَكَ بَيْنَ التَّكْبِيرِ وَالْقِرَاءَةِ، مَا تَقُولُ؟ قَالَ «أَقُولُ: اللهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ، اللهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالْبَرَدِ».
[صحيح] - [متفق عليه] - [صحيح مسلم: 598]

Yii a Abɩɩ Hʋrayrat nengẽ, (Wẽnd yard be a yĩnga), a yeelame:
Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n yeel Allaahʋ akbarʋ Pʋʋsgẽ, a sĩndida bilfu, taoor t'a na n ka sɩng karengã ye, tɩ mam yeele: Wẽnd Tẽn-tʋʋmã, m na rɩk m ba wã la m ma wã n yao n fãag fo yõorã, kõ maam kibare; fo sĩndgã Allaahʋ Akbarʋ wã la f karengã sʋka, yaa bõe la f yeta? T'a yeele: "Mam yetame: «M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuutɩ wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuutɩ wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 598]

bilgrã

Nabiyaamã ra yɩɩme (Wẽnd pʋʋsg lɑ A tɩlgr be ɑ yĩngɑ), a sã n yeel Allaahʋ akbarʋ, n na n pʋʋse, a sĩndida bilfu, taoor t'a na n ka sɩng kareng ye, a pakda Pʋʋsgã rẽ poorẽ ne doos sãnda, la sẽn wa tɩ be do-kãensã pʋgẽ, yaa a sẽn yeele: «M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka, m Soab a Wẽnde, yɩlg-ma n yi m tʋʋm-tuutɩ wã, wala b sẽn yɩlgd fu-pεεlga n yi rẽgdã, m Soab a Wẽnde pεk-ma n yi m tʋʋm-tuutɩ wã ne koom la sa-pɩlma la maasga= Allahuma baa'ʿɩd baynɩɩ wa bayna ẖataayaaya kamaa baa'ʿadta bayna l-mašrɩƙɩ wal-maġrɩb; Allahumma naƙɩnɩɩ min ẖataayaaya kamaa yʋnaƙƙaɑ Aṯ -ṯawbʋ al-abyaḍu min ad-danas; Allahumma ġsɩlnɩɩ min ẖataayaaya bil maa'ɩ wa ṯ-ṯalǧɩ wal-barad», rẽnd Nabiyaamã kota Wẽnde, (A Naam yɩ wagell n zẽke) t'A zãag yẽndã ne a tʋʋm-tuutɩ wã, tɩ yẽnda ra wa lʋɩ a pʋgẽ ye, zãagr ning yekr sẽn ka na n tol n zĩnd ne a sʋka, wala yek taab sẽn ka be wĩndgã sẽn pukdẽ la a sẽn lʋɩtẽ wã lae. La yẽ sã n lʋɩ a pʋgẽ, bɩ b yẽes-a n bas yẽ wala b sẽn yẽesd rẽgd fu-peellã n bas fuugã t'a yaa pεεlgã, la a pek-a n yi a tʋʋm-tuutɩ wã la A maag a widbã la a tʋʋlmã ne tʋʋm-kãensã sẽn yɩlgd zũnuub-rãmbã, bõn-yɩlem-kãensã sẽn yaa maasgã la koomã la sa-pɩlmã.