हदीस: अल्लाहुम्म बाइद् बैनी व बैन खता-याय, कमा बाअत्त बैनल्-मश्रिकि वल्मग्रिब्

عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ، إِذَا كَبَّرَ فِي الصَّلَاةِ، سَكَتَ هُنَيَّةً قَبْلَ أَنْ يَقْرَأَ، فَقُلْتُ: يَا رَسُولَ اللهِ بِأَبِي أَنْتَ وَأُمِّي أَرَأَيْتَ سُكُوتَكَ بَيْنَ التَّكْبِيرِ وَالْقِرَاءَةِ، مَا تَقُولُ؟ قَالَ «أَقُولُ: اللهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ، اللهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالْبَرَدِ».
[صحيح] - [متفق عليه] - [صحيح مسلم: 598]

यस अनुवादलाई थप समीक्षा र जाँचको आवश्यकता छ.

अबू-हुरैरह (रजियल्लाहु अन्हु) ले बयान गरेका छन् :
जब नबी (सल्लल्लाहु अलैहि वसल्लम) नमाज आरम्भ गर्न तकबीर भन्नुहुन्थ्यो, तब किरात (अल्हम्दु..) गर्नु अघि केही बेर मौन रहनुहुन्थ्यो । मैले भने: हे अल्लाहका रसूल! मेरो आमाबुबा पनि हजुरको लागि बलिदान होस्! तपाईं तकबीर र (सूरह फातिहा) बीच मौनतामा के पढ्नुहुन्छ? उहाँले भन्नुभयो: "म भन्छु: "अल्लाहुम्म बाइद् बैनी व बैन खता-याय, कमा बाअत्त बैनल्-मश्रिकि वल्मग्रिब्, अल्लाहुम्म नक्किनी मिन् खता-याय, कमा युनक्क स्सौबुल्-अब्यजु मिनद् दनस्, अल्लाहुम्-मग्सिल्नी मिन् खता-याय बिस्सल्जि वल्-माइ वल्-बरद् ।"
[सही] - [मुत्तफकुन अलैहि] - [सही मुस्लिम - 598]

व्याख्या

जब नबी (सल्लल्लाहु अलैहि वसल्लम) नमाज आरम्भ गर्न तकबीर भन्नुहुन्थ्यो, सूरह फातिहा पढ्नु अघि केही बेर मौन रहनुहुन्थ्यो । यस अन्तरालमा उहाँले केही दुआ (प्रार्थना) हरूद्वारा आफ्नो नमाज सुरु गर्नुहुन्थ्यो । यी मध्ये एक हो: "अल्लाहुम्म बाइद् बैनी व बैन खता-याय, कमा बाअत्त बैनल्-मश्रिकि वल्मग्रिब्, अल्लाहुम्म नक्किनी मिन् खता-याय, कमा युनक्कस्सौबुल्-अब्यजु मिनद् दनस, अल्लाहुम्-मग्सिल्नी मिन् खता-याय बिस्सल्जि वल्-माइ वल्-बरद् ।" हे अल्लाह ! मलाई मेरा पापहरूबाट त्यत्तिकै टाढा राख्नुहोस् जसरी तपाईंले पूर्व र पश्चिमलाई टाढा राख्नुभएको छ । हे अल्लाह ! मलाई मेरो पापहरूबाट त्यसरी नै स्वच्छ र शुद्ध पार्नुहोस् जसरी सेतो कपडाबाट फोहर र दाग सफा गरिन्छ । हे अल्लाह ! मेरा पापहरूलाई हिउँ, पानी र असिनाले धोइदिनुहोस् ।

हदीसका केही फाइदाहरू

1. इस्तिफ्ताह (नमाज प्रारम्भ) गर्ने दुआ बिस्तारै पढ्नुपर्छ, यद्यपि जहरी (ठूलो स्वरमा पढिने) नमाज भए पनि ।
2. नबी (सल्लल्लाहु अलैहि वसल्लम) का सहाबा (साथी) हरू उहाँको दिनचर्या, अवस्थाहरू र के गर्नुहुन्छ र के गर्नुहुन्न जान्न उत्सुक हुन्थे ।
3. इस्तिफ्ताह (नमाज प्रारम्भ) गर्ने दुआका अन्य रूपहरु पनि नबी (सल्लल्लाहु अलैहि वसल्लम) बाट प्रमाणित छन् । त्यसैले कहिले यो दुआ र कहिले अर्को पढेर प्रमाणित सबै तरिकाहरूमाथि अमल गर्नु राम्रो हो ।