عَنْ مَعْدَانَ بْنِ أَبِي طَلْحَةَ الْيَعْمَرِيُّ قَالَ:
لَقِيتُ ثَوْبَانَ مَوْلَى رَسُولِ اللهِ صَلَّى اللهُ عَلَيْهِ وَسَلَّمَ، فَقُلْتُ: أَخْبِرْنِي بِعَمَلٍ أَعْمَلُهُ يُدْخِلُنِي اللهُ بِهِ الْجَنَّةَ؟ أَوْ قَالَ قُلْتُ: بِأَحَبِّ الْأَعْمَالِ إِلَى اللهِ، فَسَكَتَ. ثُمَّ سَأَلْتُهُ فَسَكَتَ. ثُمَّ سَأَلْتُهُ الثَّالِثَةَ فَقَالَ: سَأَلْتُ عَنْ ذَلِكَ رَسُولَ اللهِ صَلَّى اللهُ عَلَيْهِ وَسَلَّمَ، فَقَالَ: «عَلَيْكَ بِكَثْرَةِ السُّجُودِ لِلَّهِ، فَإِنَّكَ لَا تَسْجُدُ لِلَّهِ سَجْدَةً، إِلَّا رَفَعَكَ اللهُ بِهَا دَرَجَةً، وَحَطَّ عَنْكَ بِهَا خَطِيئَةً» قَالَ مَعْدَانُ: ثُمَّ لَقِيتُ أَبَا الدَّرْدَاءِ فَسَأَلْتُهُ فَقَالَ لِي: مِثْلَ مَا قَالَ لِي: ثَوْبَانُ.
المزيد
ਮਾਅਦਾਨ ਬਿਨ ਅਬੀ ਤਲਹਾ ਯਾਅਮਰੀ ਤੋਂ ਰਿਵਾਇਤ ਹੈ, ਉਹ ਕਹਿੰਦੇ ਹਨ:
ਮੈਂ ਅੱਲਾਹ ਦੇ ਰਸੂਲ ﷺ ਦੇ ਆਜ਼ਾਦ ਕੀਤੇ ਗੁਲਾਮ ਸੌਬਾਨ (ਰਜ਼ੀਅੱਲਾਹੁ ਅਨਹੁ) ਨੂੰ ਮਿਲਿਆ ਤੇ ਆਖਿਆ ਕਿ ਮੈਨੂੰ ਕੋਈ ਅਜਿਹਾ ਕੰਮ ਦੱਸੋ, ਜਿਸ ਨੂੰ ਕਰਨ 'ਤੇ ਅੱਲਾਹ ਤਆਲਾ ਮੈਨੂੰ ਜੰਨਤ ਵਿੱਚ ਦਾਖਲ ਕਰ ਦੇਵੇ? ਜਾਂ ਫੇਰ ਇਹ ਕਿਹਾ ਕਿ ਮੈਨੂੰ ਕੋਈ ਅਜਿਹਾ ਕੰਮ ਦੱਸੋ, ਜੋ ਅੱਲਾਹ ਨੂੰ ਸਭ ਤੋਂ ਵੱਧ ਪਿਆਰਾ ਹੋਵੇ। ਇਹ ਸੁਣ ਕੇ ਸੌਬਾਨ (ਰਜ਼ੀਅੱਲਾਹੁ ਅਨਹੁ) ਚੁੱਪ ਰਹੇ। ਮੈਂ ਉਨ੍ਹਾਂ ਕੋਲੋਂ ਦੁਬਾਰਾ ਪੁੱਛਿਆ, ਫਿਰ ਵੀ ਉਹ ਚੁੱਪ ਰਹੇ। ਤੀਜੀ ਵਾਰੀ ਪੁੱਛਿਆ ਤਾਂ ਫਰਮਾਇਆ: ਮੈਂ ਵੀ ਰਸੂਲੁੱਲਾਹ ﷺ ਕੋਲੋਂ ਇਹੋ ਸਵਾਲ ਪੁੱਛਿਆ ਸੀ, ਤਾਂ ਆਪ ﷺ ਨੇ ਫਰਮਾਇਆ: "ਤੂੰ ਵੱਧ ਤੋਂ ਵੱਧ ਸਜਦੇ ਕਰ, ਇਸ ਲਈ ਕਿ ਹਰ ਸਜਦੇ ਦੇ ਬਦਲੇ ਅੱਲਾਹ ਤਆਲਾ ਤੇਰਾ ਇੱਕ ਦਰਜਾ ਉੱਚਾ ਕਰੇਗਾ ਅਤੇ ਤੇਰਾ ਇੱਕ ਗੁਨਾਹ ਮਾਫ਼ ਕਰੇਗਾ।" ਮਾਅਦਾਨ ਕਹਿੰਦੇ ਹਨ: ਫੇਰ ਮੈਂ ਅਬੁ-ਦੁਰਦਾ ਨੂੰ ਮਿਲਿਆ ਅਤੇ ਉਨ੍ਹਾਂ ਕੋਲੋਂ ਵੀ ਇਹੋ ਸਵਾਲ ਕੀਤਾ, ਤਾਂ ਉਨ੍ਹਾਂ ਨੇ ਵੀ ਮੈਨੂੰ ਇਹੋ ਗੱਲ ਕਹੀ, ਜੋ ਸੌਬਾਨ ਨੇ ਕਹੀ ਸੀ।