hadiisa: Nabiyyiin -Rabbiin rahmataa fi nageenya isaan irratti haa buusu- saa'ii tokkoo hanga muddii shaniitiin dhiqu yookaan dhiqatu ture, akkasumas muddii tokkoon wuduu'a godhatu ture

عَنْ أَنَسٍ رضي الله عنه قَالَ:
كَانَ النَّبِيُّ صَلَّى اللهُ عَلَيْهِ وَسَلَّمَ يَغْسِلُ، أَوْ كَانَ يَغْتَسِلُ، بِالصَّاعِ إِلَى خَمْسَةِ أَمْدَادٍ، وَيَتَوَضَّأُ بِالْمُدِّ.
[صحيح] - [متفق عليه] - [صحيح البخاري: 201]

Anas ibnu Maalik irraa akka odeeffametti -Rabbiin isa irraa haa jaallatu- ni jedhe:
Nabiyyiin -Rabbiin rahmataa fi nageenya isaan irratti haa buusu- saa'ii tokkoo hanga muddii shaniitiin dhiqu yookaan dhiqatu ture, akkasumas muddii tokkoon wuduu'a godhatu ture.
[sirrii] - [Bukharif muslim irratti waliigalan] - [Sahiiha bukhaarii - 201]

Ibsaa

Nabiyyiin -Rabbiin rahmataa fi nageenya isaan irratti haa buusu- saa'ii tokko irraa hanga muddii shaniitiin janaabaa irraa dhiqatu ture, akkasumas muddii tokkoon wuduu'a godhatu ture. saa'iin tokko, muddii afur ta'a, muddiin tokko: guutuu ganaa lameenii kan nama uumaan isa giddu galeessa ta'eeti.

bu.aa hadiisa irraa

1. Bishaan wuduu'aatii fi dhiqannaa keessatti qusannaa fi qisaasessuu dhabuun karaa godhamuu isaa, argachuun isaa laafaa yoo ta'ellee .
2. Bishaan wuduu'aatii fi dhiqannaa keessatti hanga haajaatiin xiqqeessuun jaallatamaa ta'uu isaa, kun karaa nabiyyiiti -Rabbiin rahmataa fi nageenya isaan irratti haa buusu-.
3. Kan itti fedhame dhiqannaa fi wuduu'a keessatti sunnaa fi namuusa isaa eeguu woliin qisaasessuu fi sassatuun maletti woliin ga'uudha, yeroo, hedduummatina bishaaniitii fi xinneenya isaa akkasuma kan biroo eeguu woliin.
4. Janaabaan hunda nama bishaan sanyii gannaqe yookaan wolqunnamtii saalaa raawwateetu ittiin waamama, hanga isa irraa qulqullaa'utti namni janaabome salaataa fi ibaadaa irraa waan fagaatuuf akkas jedhamee waamame.
5. Saa'iin: hanga safaraa beekamaadha, kan itti fedhame saa'ii nabiyyiiti, ulfaatinni isaa qamadii bareedaa irraa misqaala (480) ta'a, litriidhaan(litrii3) ta'a.
6. Muddiin: mala safara shari'aa irraati, inni ganaa lameen nama giddu galeessa ta'ee diriirsee yeroo guute, muddiin tokko woliigaltee fuquhaa'aatiin tokko afraffaa saa'iiti, hangi isaa miili litra(750).