हदीस: जब मानिसको मृत्यु हुन्छ, उसका सबै कर्महरू बन्द हुन्छन्, सिवाय तीन चीजका: निरन्तर चलिरहने दान, ज्ञान जसबाट लाभ उठाइन्छ, र आस्थावान सन्तान जसले उसको लागि प्रार्थना गर्छ।
عَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ:
«إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ».
[صحيح] - [رواه مسلم] - [صحيح مسلم: 1631]
المزيــد ...
अबू-हुरैरह (रजियल्लाहु अन्हु) ले बयान गरेका छन्, रसूल (सल्लल्लाहु अलैहि वसल्लम) ले भन्नु भयो :
"जब मानिसको मृत्यु हुन्छ, उसका सबै कर्महरू बन्द हुन्छन्, सिवाय तीन चीजका: निरन्तर चलिरहने दान, ज्ञान जसबाट लाभ उठाइन्छ, र आस्थावान सन्तान जसले उसको लागि प्रार्थना गर्छ।"
[सही] - [मुस्लिमले वर्णन गरेका छन्] - [सही मुस्लिम - 1631]
नबी (सल्लल्लाहु अलैहि वसल्लम) ले भन्नुभयो, मृत व्यक्तिको कर्म उसको मृत्यु संगै समाप्त हुन्छ, त्यसैले उसले मृत्युपछि यी तीन चीजहरू बाहेक अरुमा पुण्य प्राप्त गर्नेछैन; किनभने यो उसको कारणले भएको थियो:
पहिलो: दान (सदका जारियह) जसको पुण्य बिना कुनै अवरोध निरन्तर प्राप्त भइरहेको हुन्छ, जस्तै: वक्फ (अल्लाहको खातिर सदाको लागि दान गरिएको), मस्जिद निर्माण, इनार खन्नु आदि ।
दोस्रो: ज्ञान जसले मानिसहरूलाई फाइदा पुर्याउँछ, जस्तै ज्ञानका पुस्तकहरू लेख्ने वा विद्यार्थीलाई सिकाउने र उसको मृत्युपछि त्यो विद्यार्थीले यो ज्ञान फैलाउँछन् ।
तेस्रो: एक मुमिन र धर्मी बच्चा, जसले आफ्ना आमाबाबुको लागि दुआ (प्रार्थना) गर्दछ ।
हदीसका केही फाइदाहरू
- मानिसले मृत्युपछि प्राप्त गर्ने पुण्य : सदकह जारिया (दान), लाभकारी ज्ञान र दुआ (प्रार्थना) हो भन्ने कुरामा विद्वानहरूको सर्वसम्मत रहेको छ । अन्य हदीसहरूमा : हज पनि उल्लेख गरिएको छ ।
- यस हदीसमा तीनकुराहरु उल्लेख गरिएको छ; किनभने यी कुराहरू भलाइका आधारहरू हुन् र धेरैजसो असल मानिसहरूको चाहना हुन् ।
- यसमा हरेक उपयोगी ज्ञानहरू समावेश छन्, तर यसको शीर्ष र शिखरमा शरियतको ज्ञान र यसलाई समर्थन गर्ने ज्ञानहरू छन् ।
- यी तीनमध्ये ज्ञान सबैभन्दा लाभदायक छ; किनभने ज्ञानले सिक्ने व्यक्तिलाई फाइदा पुर्याउँछ, यसमा शरियतको संरक्षण समावेश छ, यसले आम जनतालाई फाइदा पुर्याउँछ र यो अझ व्यापक र सामान्य छ, किनभने यसले जीवित हुँदा र मृत्युपछि दुवै अवस्थामा फाइदा पुर्याउँछ ।
- आफ्नो सन्तानलाई आस्थावान बनाउन प्रोत्साहन; किनभने तिनीहरूले आफ्नो आमाबुवालाई पछिको जीवनमा फाइदा पुर्याउने छन्, जस्तैः उनीहरुको लागि दुआ (प्रार्थना) गर्नु ।
- आमाबुवाको मृत्युपछि उनीहरूसँग राम्रो व्यवहार गर्ने प्रोत्साहन र यो पनि एक प्रकारको पुण्य हो जसबाट बच्चा लाभान्वित हुन्छ ।
- सन्तान बाहेक अरूले पनि दुआ गर्छ भने मृतकलाई फाइदा गर्छ, तर सन्तानलाई किन उल्लेख गरिएको छ भने ऊ आफैं मृत्यु नहुन्जेल आमाबुवाको लागि दुआ गरिरहेको हुन्छ ।
वर्गीकरण
- फिकह र उसूले फिकह . लेनदेनको न्यायशास्त्र . वक्फ
- सद्गुण र आचरण . गुणहरू . दुआका सद्गुणहरू
- फिकह र उसूले फिकह . इबादत (उपासना) को न्यायशास्त्र . जनाजह (अन्त्येष्टि) . Doing Good Deeds on behalf of the Deceased and Gifting them the Reward
- सद्गुण र आचरण . गुणहरू . ज्ञानको विशेषता . Merit and Significance of Knowledge
थप
- हदीस: दैनिक पाँच नमाज, र एक शुक्रवारदेखि अर्को शुक्रबार (सम्मको प्रार्थना) र एक रमजानदेखि अर्को रमजान (सम्मको उपवास) ले ती दिनहरु बीच भएका पापहरू लाई मेटाई दिन्छ, यस शर्त साथ कि व्यक्तिले ठूला पापहरूबाट आफूलाई जोगाइ रहोस् ।
- हदीस: निस्सन्देह, अल्लाहको सम्पत्ति दुरुपयोग गर्नेहरुको परिणाम कयामतको दिन नरक हो ।
- हदीस: मृतकलाई गालीगलौज नगर, किनकि उनीहरू पहिले गरेका (राम्रा वा नराम्रा) कर्मतर्फ फर्किसकेका छन् ।”
- हदीस: “कुनै मान्छेको लागी आफ्नो भाइसँग तीन दिनभन्दा बढी कुरा नगर्नु जायज छैन । दुबै एक अर्कालाई भेट्छन् तर अर्कोतिर मुख फर्काएर फर्कन्छन् भने दुई मध्ये सबैभन्दा राम्रो त्यो हो जसले सलाममा पहल गर्छ ।
- हदीस: सम्बन्ध तोड्ने व्यक्ति स्वर्गमा प्रवेश गर्नेछैन ।
- हदीस: अल्लाहको नजरमा सबैभन्दा घृणित व्यक्ति त्यो हो जो अत्यन्त झगडालु र सधैं विवादमा रहन्छ ।
- हदीस: दुआ (प्रार्थना) नै उपासना हो