حدیث: إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ». "کله چې انسان مړ شي نو عمل یې قطع کیږي پرته له درېو څېزونو څخه: جاریه صدقه، علم چې ګټه ترې اخېستل کیږي، او صالح اولاد چې دعا ورته وکړي
عَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ:
«إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ».
[صحيح] - [رواه مسلم] - [صحيح مسلم: 1631]
المزيــد ...
له ابو هریرة رضي الله عنه څخه روایت دی چې رسول الله صلی الله علیه وسلم فرمایلي دي:
«إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ».
"کله چې انسان مړ شي نو عمل یې قطع کیږي پرته له درېو څېزونو څخه: جاریه صدقه، علم چې ګټه ترې اخېستل کیږي، او صالح اولاد چې دعا ورته وکړي".
[صحيح] - [مسلم روايت کړی دی] - [صحیح مسلم - 1631]
رسول الله صلی الله علیه وسلم فرمایلي دي چې د مړي عمل د هغه په مرګ سره پرې کیږي نو له مرګ وروسته ورته نیکي نه رسیږي مګر په دې درېو څیزونو: ځکه چې دی د همدې درې واړو لامل و:
لومړی: صدقه چې ثواب يې دوامداره وي او نه پرې کېږي لکه وقف، جومات جوړول، د څاګانو کېندل او داسې نور.
دوهم: هغه علم چې خلکو ته یې ګټه رسیږي لکه: د علمي کتابونو تالیف، یا دا چې یو چاته یې علم ښوده، نو هغه شخص یې له مرګ وروسته علم نشروي.
دریم: مؤمن او صالح اولاد، چې خپل مور او پلار ته دعا کوي.
د حديث له ګټو څخه
- علماوو په دې خبره اجماع کړې چې انسان ته د هغه له مرګ نه وروسته د ځینو کارونو ثواب رسیږي لکه: جاریه صدقه، هغه علم چې نور ترې ګټه اخلي، دعا او په نورو حدیثونو کې د: حج یادونه هم شوې ده.
- پدې حدیث کې یې دا درې په ځانګړې توګه یاد کړي دي؛ ځکه چې دا د ښېګڼو بنسټونه دي، او د خیر د خاوندانو موخه هم همدا وي چې له مرګ نه وروسته یې پاتې شي.
- هر هغه علم چې ګټه ترې اخیستل کیږي هغه ته یې ثواب رسیږي، خو د ټولو په سر کې شرعي علم او مرستندویه علوم دي.
- علم د دې درې واړو څیزونو ګټور یو دی؛ ځکه چې په علم سره هغه چاته ګټه رسیږي چې زده کوي یې، په علم کې د شریعت ساتنه ده، پدې سره خلکو ته عامه ګټه رسیږي، او دا تر ټولو زیات عام او شامل دی، ځکه چې هغه ستا له شته علم څخه ستا په ژوند او ستا له مرګ نه وروسته زده کړه کوي.
- د صالحه اولادونو په روزنه ټینګار؛ ځکه همدوی دي چې په اخرت کې مور او پلار ته ګټه رسوي، او له ګټو څخه یې دا ده چې له مرګ نه وروسته ورته دعا کوي.
- له مرګ نه وروسته د مور او پلار سره په نیکۍ کولو ټینګار، او دا هغه نیکي ده چې اولاد ترې ګټه اخلي.
- دعا مړي ته ګټه رسوي، اګر که له اولاد پرته د بل چا لخوا وي، خو اولاد ځکه په ځانګړې توګه یاد شوی چې هغه تر مرګه پورې په دوامداره توګه دعا کوي.
ډلبندیانې
نور
- حدیث: پنځه ګوني لمونځونه، یوه جمعه تر بلې او یو رمضان تر بل پورې هغه ګناهونه بخښي چې د دوی تر منځه شوي وي پدې شرط چې له کبیره ګناهونو ځان وساتل شي.
- حدیث: ځینې خلک د الله په مال کې په ناحقه ناوړه لګښت کوي، نو د قیامت په ورځ د دوی لپاره اور (دوزخ) دی.
- حدیث: مړو ته ښکنځل مه کوئ؛ ځکه هغوی هغه څه ته وروسېدل چې وړاندې یې لیږلې و.
- حدیث: د مسلمان لپاره روا نه دي چې خپل ورور له دریو شپو څخه زیات پریږدي، کله چې دوی سره مخ کیږي: نو دا ترې مخ اړوي، او هغه هم ترې مخ اړوي، او په دې دواړو کې غوره هغه څوک دی چې په سلام پیل وکړي.
- حدیث: جنت ته رحم (خپلوي) پرې کوونکی نه داخلیږي.
- حدیث: د الله تعالی په وړاندې تر ټولو مبغوض انسان هغه دی چې تل د خلکو سره سختې جګړي کوي.
- حدیث: یقینا دعاء عبادت دی.