Hadiis: Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a

عَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ:
«إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ».
[صحيح] - [رواه مسلم] - [صحيح مسلم: 1631]

Yii a Abɩɩ Hʋrayrat nengẽ, (Wẽnd yard be a yĩnga), tɩ Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a»
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 1631]

bilgrã

Nabiyaamã kõo kibare (Wẽnd pʋʋsg la A tɩlgr be a yĩnga) tɩ ad kiid tʋʋmde wãagdame ne a kũumã, t'a ka paamd yel-sõmã a kũum poorẽ ye, rẽnda yεl bãmbã b tãabã, b sẽn yaa sababã yĩnga:
Rẽenemã: doaag yel-sõmd sẽn ket n zoetẽ la a duumdẽ, n ka wãag ye, wala waƙf la miisr meebo, la buls tuubu, la zẽng sẽn ka rẽnda.
Yiib soaba: maa bãngr nebã sẽn nafd ne-a, wala bãngr Gaf-rãmb gʋlsgo, maa wala a sẽn na n zams ned karengo, tɩ ned-kãng wa yik n sẽeg bãng-kãngã a kũumã poorẽ.
Tãab soaba: yaa bi-sõng sẽn yaa sɩd-kõt sẽn kot Wẽnd n kõt a roagbd a yiibã.

Sẽn be Hɑdiisã yõod-rãmbẽ

1. Bãngdbã tigima taaba tɩ bũmb ning sẽn tat ninsaalã, a kũumã poorẽ wã, sẽn yaa yel-sõmdã: yaa do-paadgã, la bãngr b sẽn nafd ne-a, la kosgo, la waa hadiis a to pʋgẽ: hagiimd yεsa.
2. Bãmba b tãabã welg n sõd hadiis-kãngã pʋgẽ wã, bala b yaa yel-sõmã yẽgre, la b yaa nin-sõmã wã wʋsg fãa sẽn rat b pa b kũumã poorẽ.
3. Bũmb ning fãa b sẽn nafd ne-a, a paamda a keoore, la ad be a zugu, sãri wã bãngre la bãngr ning sẽn sõngd-a wã.
4. Bãngrã n yɩɩd bãmba b tãabã ne nafa; bala bãngrã ninsaal sẽn zamsd a karengã nafda ne-a, bee bãngrã pʋga sãri gũubu, bee a pʋgẽ sẽn yaa bõn-naandsã nafg sẽn tigime, yẽ n yɩɩd gũbgr la tigingu, bala b karemdã fo bãngrã sẽn zĩnd fo vɩɩmã wakato la sẽn zĩnd fo kũumã poorẽ.
5. Yaa pirsg tɩ b wub kom-sõmã wã, rẽnd yaa bãmb n nafd roagdb a yiibã laahr raarã, la sẽn be b nafrã pʋgẽ, yaa b sẽn kot Wẽnd n kõt-ba.
6. Yaa pirsg tɩ b maneg n tʋg roagdb a yiibã b kũumã poorẽ, la yẽnda me naaga manegr ning biigã sẽn nafd a pʋgẽ wã.
7. Kũum nafda ne doaaga baa tɩ ka a biiga, la ad b welg n tẽega biigã, bala yaa yẽnda n na n kell n kot Wẽnd n kõt nedã noor wʋsg fãa, halɩ tɩ yẽ mengã wa maan kaalem.