Хадис: „Кога ќе умре човекот, неговите дела престануваат, освен во три случаи: трајната садака, знаењето од кое луѓето имаат корист по него или добродетелното дете кое прави дова за него.“

عَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ:
«إِذَا مَاتَ الْإِنْسَانُ انْقَطَعَ عَنْهُ عَمَلُهُ إِلَّا مِنْ ثَلَاثَةٍ: إِلَّا مِنْ صَدَقَةٍ جَارِيَةٍ، أَوْ عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ».
[صحيح] - [رواه مسلم] - [صحيح مسلم: 1631]

Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„Кога ќе умре човекот, неговите дела престануваат, освен во три случаи: трајната садака, знаењето од кое луѓето имаат корист по него или добродетелното дете кое прави дова за него.“
[صحيح] - [رواه مسلم] - [صحيح مسلم - 1631]

Објаснување

Божјиот пратеник, салаллаху алејхи ве селем, известил дека делата на починатиот престануваат со неговата смрт, па така повеќе не му се запишуваат добрите дела, освен во овие три случаи, бидејќи тој бил нивен причинител:
1. Трајната садака која носи постојана награда и не се прекинува, како што се вакафот, градењето џамии, копањето бунари и слично.
2. Знаење од кое луѓето имаат корист, како што е пишувањето корисни книги или поучувањето некого, па тој да го пренесува тоа знаење и по неговата смрт.
3. Добродетелно дете кое е верник, што прави дова за своите родители.

من فوائد الحديث

1. Учените се едногласни дека делата што му носат награда на човекот по неговата смрт се: трајната садака, знаењето од кое луѓето имаат корист и довата. А во други хадиси се спомнува и хаџот.
2. Во овој хадис посебно се издвоени овие три дела, бидејќи тие се основа на доброто и најчесто оние што се стремат кон добри дела сакаат да остават нешто од тоа што е спомнато во хадисот, за да продолжи и по нивната смрт.
3. Секое знаење од кое луѓето имаат корист му носи награда на оној што го оставил, но на највисоко место меѓу сите науки се наоѓа шеријатската наука и науките кои ја поткрепуваат.
4. Знаењето е најкорисно од овие три дела, бидејќи од него има полза и оној што го изучува. Преку знаењето се зачувува шеријатот, им користи на луѓето воопшто, а неговата корист е најсеопфатна, бидејќи луѓето учат и од знаењето што било распространето за време на животот на оној што го пренесувал, како и од она што останало по неговата смрт.
5. Поттик за воспитување деца добротвори, бидејќи тие им користат на своите родители и на Ахирет, а една од нивните најголеми добрини е што ќе прават дова за нив.
6. Поттик за добродетелство кон родителите и по нивната смрт, што исто така е форма на почитување и добрина од која и детето има корист.
7. Довата му користи на починатиот дури и ако не е од неговото дете, но детето е посебно спомнато, бидејќи најчесто продолжува да прави дова за родителот сè до својата смрт.