1. Li jiitu
  2. Ràññetle yi
  3. Dégg diine ak i cosaanam

Hadiis Yonnente bi -yal na ko Yàlla dolli xéewal ak mucc- xamal na ma taaya fekk samay ténq moo ngi ci diggante ñaari ténqam, kem ni mu ma xamale saaru Alxuraan

عَنِ ابْنَ مَسْعُودٍ رضي الله عنه قَالَ:
عَلَّمَنِي رَسُولُ اللَّهِ صَلَّى اللهُ عَلَيْهِ وَسَلَّمَ، وَكَفِّي بَيْنَ كَفَّيْهِ، التَّشَهُّدَ، كَمَا يُعَلِّمُنِي السُّورَةَ مِنَ القُرْآنِ: «التَّحِيَّاتُ لِلَّهِ، وَالصَّلَوَاتُ وَالطَّيِّبَاتُ، السَّلاَمُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُ، السَّلاَمُ عَلَيْنَا وَعَلَى عِبَادِ اللَّهِ الصَّالِحِينَ، أَشْهَدُ أَنْ لاَ إِلَهَ إِلَّا اللَّهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ». وفي لفظ لهما: «إِنَّ اللهَ هُوَ السَّلَامُ، فَإِذَا قَعَدَ أَحَدُكُمْ فِي الصَّلَاةِ فَلْيَقُلْ: التَّحِيَّاتُ لِلَّهِ وَالصَّلَوَاتُ وَالطَّيِّبَاتُ السَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ اللهِ الصَّالِحِينَ، فَإِذَا قَالَهَا أَصَابَتْ كُلَّ عَبْدٍ لِلَّهِ صَالِحٍ فِي السَّمَاءِ وَالْأَرْضِ، أَشْهَدُ أَنْ لَا إِلَهَ إِلَّا اللهُ، وَأَشْهَدُ أَنَّ مُحَمَّدًا عَبْدُهُ وَرَسُولُهُ، ثُمَّ يَتَخَيَّرُ مِنَ الْمَسْأَلَةِ مَا شَاءَ».

Jële na ñu ci Ibn Mashuud -yal na ko Yàlla dollee gërëm-, mu wax ne:
Yonnente bi -yal na ko Yàlla dolli xéewal ak mucc- xamal na ma taaya fekk samay ténq moo ngi ci diggante ñaari ténqam, kem ni mu ma xamale saaru Alxuraan: "Attahiyyaatu lil Laahi, assakiyyaatu lil Laahi, attayyibaatus salawaatu lil Laahi, assalaamu halayka ayyuhan nabiyu,wa rahmatul Laahi wa barakaatuhu, assalaamu halaynaa wa halaa hibaadil Laahis saalihiina,ashadu an laa ilaaha illal Laahu wa ashadu anna Muhammadan habduhu wa rasuuluhu". Nekk na ci yeneen baat: "Yàlla mooy jàmm, bu kenn ci yéen toogee ci julli na wax: "Attahiyyaatu lil Laahi, assakiyyaatu lil Laahi, attayyibaatus salawaatu lil Laahi, assalaamu halayka ayyuhan nabiyu, wa rahmatul Laahi wa barakaatuhu, assalaamu halaynaa wa halaa hibaadil Laahis saalihiina, bu ko waxee jot na dal na bépp jaam bu sell ci asamaan ak suuf, ashadu an laa ilaaha illal Laahu wa ashadu anna Muhammadan habduhu wa rasuuluhu, topp mu tànn ci ñaan yi lu ko soob".

Wér na Al-buxaariy ak Muslim dëppoo nañu ci génnee ko ci seen ñaari téere yi gën a wér Téere Al-buxaariy bi gën a wér - 6265

Leeral gi

Yonnente bi -yal na ko Yàlla dolli xéewal ak mucc-dafa xamal Ibn Mashuud -yal na ko Yàlla dollee gërëm-taaya ji ñuy wax ci julli,fekk mi ngi teg loxoom ci loxoom,ngir bàyyilloo Ibn Mashuud xel.Kem ni mu koy xamale saaru Alxuraan,loolu di tegtale ne Yonnente bi-yal na ko Yàlla dolli xéewal ak mucc- yittewoo taaya ci baat yi ak ci maanaa mi. Mu wax: "attahiyyaatu lil Laahi": Te mooy bépp wax mbaa jëf juy tegtale ag màgg, te lépp Yàlla mu màgg mi moo ko jagoo. "assalawaatu": Te mooy julli gi ñu xam, farata yi ak naafila yi Yàlla mu kawe mi la ñeel. "attayyibaatu": Ay wax ak i jëf ak i melo yu teey yuy tegtale ag mat, lépp Yàlla mu kawe mi moo ko jagoo. "assalaamu halayka ayyuhan Nabiyyu wa rahmatul Laahi wa barakaatuhu": Ñaan la ñeel ko ci mucc ci bépp gàkk-gàkk ak lu bon, ak ug dolliku ak yokkte ci wépp yiw. "assalaamu halaynaa wa halaa hibaadil Laahi assaalihiina": Ñaan jàmm la ñeel aji-julli ji ak bépp jaam bu sell ci asamaan ak suuf. "ashadu an laa iLaaha illa Laahu": Maanaam maa ngi saxal saxal gu dogu ci ne amul kenn ku ñuy jaamu cig dëgg ku dul Yàlla. "wa anna Muhammadan habduhu wa rasuuluhu": Maa ngi koy seedeel ag njaam ak ne mooy Yonnente bi mujj.
Yonnente bi -yal na ko Yàlla dolli xéewal ak mucc- daal di ñaaxe ci mu tànn ci ñaan lu ko soob .

Bokk na ci njariñi hadiis bi

  1. Bérabu taaya jii nag mooy bu nu toogee ginnaaw sujjóot gu mujj gi, ginnaaw ràkka bu ñaarel bi ci jullig ñatt ak ñenti ràkka.
  2. Attahiyyaatu dafa war ci taaya, dana dagan mu taaya ci bépp waat ci waati taaya yi sax jóge ci Yonnente bi -yal na ko Yàlla dolli xéewal ak mucc-.
  3. Ñaan loo bëgg fii ak nekkul bàkkaar dagan na ci julli.
  4. Sopp nañu booy ñaan nga tàmbalee ci sa bopp.

Gaaral firi yi

59 Làkk wi
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
KMR Kurmancî الكرمنجية