Ҳадис: Ҳар вақт Паёмбар (саллаллоҳу алайҳи ва саллам) аз ҳоҷатхона берун меомаданд, мегуфтанд: "Ғуфронака" (Парвардигоро, маро биёмурз)

عَنْ عَائِشَةَ أُمِّ المؤْمنينَ رَضيَ اللهُ عنها:
أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ إِذَا خَرَجَ مِنَ الغَائِطِ قَالَ: «غُفْرَانَكَ».
[صحيح] - [رواه أبو داود والترمذي وابن ماجه وأحمد] - [سنن أبي داود: 30]

Аз Оиша Модари муъминон (разияллоҳу анҳо) ривоят аст:
Ҳар вақт Паёмбар (саллаллоҳу алайҳи ва саллам) аз ҳоҷатхона берун меомаданд, мегуфтанд: "Ғуфронака" (Парвардигоро, маро биёмурз).
[Саҳеҳ] - [رواه أبو داود والترمذي وابن ماجه وأحمد] - [Сунани Абудовуд - 30]

Шарҳ

Паёмбари Худо (саллаллоҳу алайҳи ва саллам) вақте ки аз ҳоҷатхона мебаромад, мегуфт: "Асъалука ғуфронака, ё Аллоҳ". (Эй Аллоҳ, аз Ту мағфирататро мехоҳам).

Аз фоидаҳои ҳадис

1. Гуфтани "Ғуфронака" баъд аз ҳоҷатхона баромадан, мустаҳаб аст.
2. Паёмбари акрам (саллаллоҳу алайҳи ва саллам) дар ҳама ҳолатҳо аз Парвардигораш омурзиш мехостанд.
3. Дар бораи сабаби дархости мағфирати Худованд пас аз қазои ҳоҷат, чунин гуфтаанд, ки инсон шояд дар шукри неъматҳои бузурги Парвардигор, аз ҷумла ба осонӣ баромадани он чи ӯро озор мерасонад, кӯтоҳӣ кардааст. Бинобар ин мегӯяд: Илоҳо, мағфирати Туро мехоҳам, ки ҳангоми қазои ҳоҷат аз ёди Ту ғофил шудам.