Hadiis: Tɩ ned n yõk koom n bas nu-yẽeg zĩiga a na-kãdmẽ wã, tɩ Nabiyaamã (Wẽnd pʋʋsg la A tɩlgr be a yĩnga) yeel-a: «lebg n tɩ maneg f koomã yõgbo» t'a lebg n tɩ manege, rẽ poorẽ t'a pʋʋse

عَنْ جَابِرٍ رضي الله عنه قال: أَخْبَرَنِي عُمَرُ بْنُ الْخَطَّابِ:
أَنَّ رَجُلًا تَوَضَّأَ فَتَرَكَ مَوْضِعَ ظُفُرٍ عَلَى قَدَمِهِ فَأَبْصَرَهُ النَّبِيُّ صَلَّى اللهُ عَلَيْهِ وَسَلَّمَ فَقَالَ: «ارْجِعْ فَأَحْسِنْ وُضُوءَكَ» فَرَجَعَ، ثُمَّ صَلَّى.
[صحيح بشواهده] - [رواه مسلم] - [صحيح مسلم: 243]

Yii a Gεεbr nengẽ (Wẽnd yard be a yĩnga), t'a yeelame: a ʿƲmar ɭbn Al-Haṭṭaab kõo maam kibare:
Tɩ ned n yõk koom n bas nu-yẽeg zĩiga a na-kãdmẽ wã, tɩ Nabiyaamã (Wẽnd pʋʋsg la A tɩlgr be a yĩnga) yeel-a: «lebg n tɩ maneg f koomã yõgbo» t'a lebg n tɩ manege, rẽ poorẽ t'a pʋʋse.
[Ṣahɩɩhʋn bɩ Šawaahɩdɩhɩɩ (A manegame tɩ b sã n ges hadiis-rãmb nins sẽn wõnd-a wã)] - [A Muslim n togs-a] - [Ṣahɩɩh Muslim - 243]

bilgrã

A ʿƲmar kõo kibare (Wẽnd yard be a yĩnga) tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) a yãa ned sẽn yõk koom n sε, n bas wadr sẽn zems wala nu-yẽega a naoorẽ wã, koomã yõgb koom ka ta beenẽ ye, tɩ Nabiyaamã tees maan-n-kʋʋgã zĩigã, n yeel-a: lebg n tʋg n maneg n yõk f koomã n pidsi la f kõ yĩn-will fãa a hakε koomẽ wã, tɩ nedã lebg n pids a kõomã yõgbo, rẽ poorẽ t'a pʋʋse.

Sẽn be Hɑdiisã yõod-rãmbẽ

1. A wilgdame tɩ b yãg n tʋg saglg ne manegre la f togl zɩta la yam yaal-yaal soaba togl sõngo, sẽn tʋg n yɩɩda, sã n mikame tɩ yel-kitg ning a sẽn maandã, a tũudmã sãamda a zugu.
2. Yaa tɩlae tɩ b gũbg koomã yõgb yĩn-wilã fãa ne koom la ned ning sẽn wa n tʋg n basa wεdga sẽn yi yĩn-wilẽ wã -baa tɩ yaa bilfu- ka maneg ye, yaa tɩlae ne-a t'a yɩlme sã n mikame tɩ welgrã woglame.
3. Sãri wã kõo sor tɩ maneg koomã yõgbo, la rẽnda yaa b sẽn na n pids-a la b yõg-a tɩ ta wala yalε ning sãri wã sẽn saglã.
4. Nao-tagd a yiibã naaga koomã yõgb yĩn-wilẽ, la saagr ka sekd b yiibã pʋgẽ, yaa tɩlae tɩ b pek-ba.
5. Sõmbame tɩ b tũnug koomã yõgb yĩn-wilã, ne b sẽn na n pek yĩn-will fãa taoor tɩ yĩn-will sẽn rengã na n ka kʋɩ ye.
6. Zɩɩlem la yĩmbu, b yiibã ka lubd waagib ye, b ka sεεsd bũmb sẽn yaa tɩlae ye, la a zũnuubã la b lubda, rẽnd rao-kãngã sẽn ka yõk koomã tɩ ta wã, a zɩɩlmã sababã, Nabiyaamã (Wẽnd pʋʋsg la A tɩlgr be a yĩnga) ka lub koomã yõgb manegr sẽn yaa waagibã a zug ye, la a sagl-a lame t'a yɩlme.