Ab Adiis: Benn waay dafa jàppu daal di bàyyi barab buy tollook aw weh ci ay ndëggoom Yonnente bi-yal na ko Yàlla dolli xéewal akmucc- gis ko ne ko:"dellul te rafetal sa njàppu mi" mu dellusi,daal di julli
عَنْ جَابِرٍ رضي الله عنه قال: أَخْبَرَنِي عُمَرُ بْنُ الْخَطَّابِ:
أَنَّ رَجُلًا تَوَضَّأَ فَتَرَكَ مَوْضِعَ ظُفُرٍ عَلَى قَدَمِهِ فَأَبْصَرَهُ النَّبِيُّ صَلَّى اللهُ عَلَيْهِ وَسَلَّمَ فَقَالَ: «ارْجِعْ فَأَحْسِنْ وُضُوءَكَ» فَرَجَعَ، ثُمَّ صَلَّى.
[صحيح بشواهده] - [رواه مسلم] - [صحيح مسلم: 243]
المزيــد ...
Jële nañu ci Jaabir -yal na ko Yàlla dollee gërëm- mu wax ne: Umar Ibnul Xattaab xibaar na ma ne:
Benn waay dafa jàppu daal di bàyyi barab buy tollook aw weh ci ay ndëggoom Yonnente bi-yal na ko Yàlla dolli xéewal akmucc- gis ko ne ko:"dellul te rafetal sa njàppu mi" mu dellusi,daal di julli.
[Wér na bees sukkandikoo ci yeneen yi koy dëggal] - [Muslim soloo na ko] - [Téere Muslim bi gën a wér - 243]
Umar -yal na ko Yàlla dollee gërëm- day xibaare ne Yonnente bi -yal na ko Yàlla dolli xéewal ak mucc- dafa gis benn waay bu jàppu ba noppi,fekk dafa bàyyi luy tollook aw weh ci ay ndëggoom te ndoxum njàppu mi laalu ko. Mu joxoñ barab boobu mu bàyyi ne ko: dellul te rafetal sa njàppu mi te matal ko jox cér bu nekk àqam ci ndox mi, Waa ji dellu matal njàppam mi daal di julli.
Bokk na ci njariñi Adiis bi
- Dañoo war a gaaw ci digle lu baax, ak gindi ki xamul ak ki sàggan, rawatina bu fekkee ne njuumte li la cay tege mooy ag jaamoom yàqu.
- War na ñu matale céri njàppu yi ci ndox, ak ne ku bàyyi dara ci cër bi -doonte lu ndaw la- njàppam du wér te da koo war a bàmmtu bu dee diggante bi dafa soree.
- Yoonalees na rafetal njàppu mi, ci matale ko ak jotale ko kem ni ñu ko diglee ci sariiha.
- Ñaari ndëggu yi ci cëri njàppu mi lañu bokk, kon masaa ko dong du ca doy, waaye fàww ñu raxas ko.
- Dañoo war a toftale diggante cëri njàppu mi, di raxas cër bu ne balaa bi ko jiitu di wow.
- Ñàkk a xam ak fàtte du tax li war di wàcci nit ki, waaye bàkkaar bi lay rotal, góor gii nga xam ne jotalul njàppam ngir ag ñàkk a xamam Yonnente bi teggilu ko li war ci moom, te mooy jàppu, waaye da koo digal mu bàmtu ko.