Ab Adiis: bu kenn ci yeen yeewoo ci ay nelawam na fiiru ñatti yoon, ndaxte Saytaane day fanaan ci paxi bakkanam

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«إِذَا اسْتَيْقَظَ أَحَدُكُمْ مِنْ مَنَامِهِ فَلْيَسْتَنْثِرْ ثَلَاثَ مَرَّاتٍ، فَإِنَّ الشَّيْطَانَ يَبِيتُ عَلَى خَيَاشِيمِهِ».
[صحيح] - [متفق عليه] - [صحيح مسلم: 238]

Jële nañu ci Abuu Hurayrata yal na ko Yàlla dollee gërëm mu jële ci Yonnente bi yal na ko Yàlla dolli xéewal ak mucc mu wax ne:
"bu kenn ci yeen yeewoo ci ay nelawam na fiiru ñatti yoon, ndaxte Saytaane day fanaan ci paxi bakkanam".
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Muslim bi gën a wér - 238]

Leeral

Yonnente bi yal na ko Yàlla dolli xéewal ak mucc day ñaax ki yeewu ci ay nelawam mu fiiru ñatti yoon; fiiru mooy génne ndox mi ci bakkan bi ginnaaw ba ñu ko ca dugalee, loolu nag ndaxte Saytaane day fanaan ci paxi bakkan bi.

Bokk na ci njariñi Adiis bi

1. Yoonalees na ci képp ku yewwu ci ay nelaw mu fiiru ngir dindi saytaane ci ay bakkanam, bu dee day jàppu, kon digleg fiiru gi jamono yooyu day gën a feddaliku.
2. Fiiru dafa bokk ci liy mottali njariñu saraxndiku bi; ndaxte saraxndiku mooy setal biir bakkan bi, fiiru mooy génne tilim jooju mu ànd ak ndox mi.
3. Ag tënkam ci nelawi guddi, ngir jële ko ci baatu "day fanaan"; ndax fanaan du nekk ci lu dul nelawi guddi, niki noonu ci la nelaw yi di yàggee cilay xóote itam.
4. Hadiis bi tegtal la ci jaxasoo gi saytaane jaxasoo ak nit ki fekk ne moom du yég loolu.