ഹദീസ്: നിങ്ങളിൽ ആരെങ്കിലും ഉറക്കത്തിൽ നിന്ന് എഴുന്നേറ്റാൽ അവൻ മൂന്ന് തവണ മൂക്ക് ചീറ്റിക്കൊള്ളട്ടെ. കാരണം പിശാച് അവൻ്റെ നാസാരന്ധ്രങ്ങളിൽ രാത്രി കഴിച്ചു കൂട്ടിയിരിക്കുന്നു

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«إِذَا اسْتَيْقَظَ أَحَدُكُمْ مِنْ مَنَامِهِ فَلْيَسْتَنْثِرْ ثَلَاثَ مَرَّاتٍ، فَإِنَّ الشَّيْطَانَ يَبِيتُ عَلَى خَيَاشِيمِهِ».
[صحيح] - [متفق عليه] - [صحيح مسلم: 238]

അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"നിങ്ങളിൽ ആരെങ്കിലും ഉറക്കത്തിൽ നിന്ന് എഴുന്നേറ്റാൽ അവൻ മൂന്ന് തവണ മൂക്ക് ചീറ്റിക്കൊള്ളട്ടെ. കാരണം പിശാച് അവൻ്റെ നാസാരന്ധ്രങ്ങളിൽ രാത്രി കഴിച്ചു കൂട്ടിയിരിക്കുന്നു."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح مسلم - 238]

വിശദീകരണം

ഉറക്കത്തിൽ നിന്ന് എഴുന്നേറ്റാൽ മൂന്ന് തവണ മൂക്കിൽ വെള്ളം കയറ്റി ചീറ്റാൻ നബി -ﷺ- ഓർമ്മപ്പെടുത്തുന്നു. വെള്ളം മൂക്കിലേക്ക് പ്രവേശിപ്പിച്ചതിന് ശേഷം ചീറ്റിക്കളയുക എന്നതാണ് ഹദീഥിൽ വന്ന 'ഇസ്തിന്ഥാർ' എന്ന പദത്തിൻ്റെ ഉദ്ദേശ്യം. പിശാച് മനുഷ്യൻ്റെ മൂക്കിനുള്ളിൽ രാത്രി കഴിച്ചു കൂട്ടുന്നു എന്നതാണ് അതിൻ്റെ കാരണമായി നബി -ﷺ- അറിയിച്ചത്.

ഹദീഥിൻ്റെ പാഠങ്ങളിൽ നിന്ന്

1. ഉറക്കത്തിൽ നിന്ന് എഴുന്നേറ്റാൽ മൂക്ക് ചീറ്റുക എന്നത് ദീനിൽ പഠിപ്പിക്കപ്പെട്ട കാര്യമാണ്. മൂക്കിൽ പിശാച് കഴിച്ചു കൂട്ടിയതിൻ്റെ അടയാളം നീക്കം ചെയ്യുന്നതിന് വേണ്ടിയാണത്. ഒരാൾ വുദൂഅ് ചെയ്യുന്ന സന്ദർഭത്തിലാണെങ്കിൽ (മൂക്കു ചീറ്റണമെന്ന) ഈ കൽപ്പന കൂടുതൽ ശക്തമാണ്.
2. (വുദൂഇൻ്റെ സന്ദർഭത്തിലും മറ്റും) മൂക്കിൽ വെള്ളം കയറ്റുന്നതിൻ്റെ പ്രയോജനം മുഴുവനായി ലഭിക്കാൻ വെള്ളം ചീറ്റിക്കളയുക എന്നത് കൂടെ ആവശ്യമാണ്. കാരണം മൂക്കിൽ വെള്ളം കയറ്റുമ്പോൾ മൂക്കിൻ്റെ ഉൾഭാഗം വൃത്തിയാകുന്നുണ്ടെങ്കിലും അത് ചീറ്റിക്കളയുമ്പോഴാണ് ആ വൃത്തികേടുകൾ പുറത്തേക്ക് പോകുന്നത്.
3. രാത്രിയിൽ ഉറക്കത്തിൽ നിന്ന് എഴുന്നേറ്റാലാണ് ഈ കൽപ്പന ബാധകമാവുക. ഹദീഥിലെ 'യബീതു' എന്ന പദം ഇക്കാര്യം അറിയിക്കുന്നുണ്ട്. മാത്രമല്ല, ഉറക്കം ഏറ്റവും ആഴത്തിലുള്ളതും നീണ്ടുനിൽക്കുന്നതും ഈ സന്ദർഭത്തിലാണ്.
4. മനുഷ്യൻ അറിയാത്ത രൂപത്തിൽ പിശാച് അവനോട് ചേർന്നിരിക്കാം എന്ന് ഈ ഹദീഥിൽ നിന്ന് മനസ്സിലാക്കാം.