Ḥadīth: {Kapag nagising ang isa sa inyo mula sa pagkatulog niya, suminghot siya ng tubig at magsinga nito nang tatlong ulit sapagkat tunay na ang demonyo ay nagpapagabi sa mga butas-ilong niya.}

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«إِذَا اسْتَيْقَظَ أَحَدُكُمْ مِنْ مَنَامِهِ فَلْيَسْتَنْثِرْ ثَلَاثَ مَرَّاتٍ، فَإِنَّ الشَّيْطَانَ يَبِيتُ عَلَى خَيَاشِيمِهِ».
[صحيح] - [متفق عليه] - [صحيح مسلم: 238]

Ayon kay Abū Hurayrah (malugod si Allāh sa kanya): {Ang Propeta (basbasan siya ni Allāh at pangalagaan) ay nagsabi:
{Kapag nagising ang isa sa inyo mula sa pagkatulog niya, suminghot siya ng tubig at magsinga nito nang tatlong ulit sapagkat tunay na ang demonyo ay nagpapagabi sa mga butas-ilong niya.}
[Tumpak] - [Nagkasang-ayon sa katumpakan nito] - [Ṣaḥīḥ Muslim - 238]

Ang Pagbibigay-linaw

Humihimok ang Propeta (basbasan siya ni Allāh at pangalagaan) sa sinumang gumising mula sa pagkatulog niya na suminghot siya ng tubig at magsinga nito nang tatlong ulit. Tinatawag ito na istinthār: ang pagpapalabas ng tubig mula sa ilong matapos ng pagpapasok nito. Iyon ay dahil ang demonyo ay nagpapagabi sa butas-ilong niya, na ilong sa kabuuan nito.

Ang mga Katuturan ng Ḥadīth

1. Isinasabatas sa bawat sinumang nagising mula sa pagkatulog na magsagawa ng istinthār bilang pag-aalis ng bakas ng demonyo mula sa ilong niya. Kapag naman siya ay magsasagawa ng wuḍū’, ang utos ng pagsasagawa ng istinthār sa sandaling iyon ay higit na tiyak.
2. Ang istinthār ay bahagi ng kalubusan ng katuturan ng pagsasagawa ng istinshāq dahil ang istinshāq ay paglilinis ng ilong at ang istinthār ay nagpapalabas ng karumihang iyon kasama ng tubig.
3. Ang pagkalimita nito sa pagkatulog sa gabi ay dala ng pagbatay mula sa pananalitang "nagpapagabi" sapagkat tunay na ang pagpapakagabi ay hindi nangyayari kundi sa pagtulog sa gabi at dahil ito ay pinagpapalagayan ng kahabaan at pagkahimbing.
4. Sa ḥadīth ay may isang patunay sa pakikipagniig ng demonyo sa tao habang siya ay hindi nakararamdam niyon.