Hadithi: “Kur dikush zgjohet nga gjumi, le t'i shpërlajë hundët tri herë, ngase shejtani futet në zgavrat e hundës së tij.”

عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«إِذَا اسْتَيْقَظَ أَحَدُكُمْ مِنْ مَنَامِهِ فَلْيَسْتَنْثِرْ ثَلَاثَ مَرَّاتٍ، فَإِنَّ الشَّيْطَانَ يَبِيتُ عَلَى خَيَاشِيمِهِ».
[صحيح] - [متفق عليه] - [صحيح مسلم: 238]

Ebu Hurejra (Allahu qoftë i kënaqur me të!) transmeton se Profeti ﷺ ka thënë:
“Kur dikush zgjohet nga gjumi, le t'i shpërlajë hundët tri herë, ngase shejtani futet në zgavrat e hundës së tij.”
[Ky hadith është sahih] - [Muttefek alejhi] - [Sahihu i Muslimit - 238]

Shpjegimi

Profeti ﷺ në këtë hadith inkurajon atë që zgjohet nga gjumi ta shpërlajë hundën tri herë. Shpërlarja nënkupton nxjerrjen e ujit nga hunda pas futjes së tij, sepse shejtani kalon natën në zgavrat e hundës.

Mësime nga hadithi

1. Është e përligjur që çdo person që zgjohet nga gjumi të nxjerrë ujë nga hunda, për të hequr ndikimin e shejtanit nga hunda e tij. E nëse do të marrë abdest, atëherë urdhri për shpërlajen e hundës është më i theksuar.
2. Istinthari (nxjerrja e ujit nga hunda) plotëson dobinë e Istinshakut (futjes së ujit në hundë), sepse Istinshaku pastron hundën nga brenda, ndërsa Istinthari e nxjerr atë papastërti së bashku me ujin.
3. Fakti që është kufizuar në hadith gjumi i natës, kjo është marrë nga folja "jebitu", sepse njeriu ka më shumë mundësi të fle thellë dhe për një periudhë të gjatë gjatë natës.
4. Në hadith ka argument se shejtani e shoqëron njeriun, por njeriu nuk e ndjen atë.