عن عثمان بن عفان رضي الله عنه عن النبي صلى الله عليه وسلم قال: «من توضَّأ فَأَحْسَن الوُضُوءَ، خَرَجَتْ خَطَايَاهُ مِنْ جَسَدِهِ حَتَّى تَخْرُج مِنْ تَحْتِ أَظْفَارِه».
[صحيح] - [رواه مسلم]
المزيــد ...
Othman ibn Afani (Allahu qoftë i kënaqur me të!) tregon se Profeti ﷺ ka thënë: "Atij që merr abdes dhe e përsos atë, mëkatet do t'i dalin prej trupit të tij, saqë i dalin edhe ato nën thonjtë e tij."
Ky hadith është sahih. - E shënon Muslimi.
Hadithi tregon se abdesi është një nga ibadetet më të mira. Nga virtytet e tij që kanë ardhur në këtë hadith është se kushdo që merr abdes dhe e përsos atë, respektivisht është i kujdesshëm ndaj suneteve dhe normave të tij, atëherë ky abdes do të jetë shkak për t'u pastruar nga gjynahet e vogla që i ka bërë lidhur me të drejtën e Allahut të Lartësuar, derisa këto mëkate të dalin nga vendi më i hollë, pra, nën thonj. Andaj, njeriu duhet ta bëjë nijet që përmes abdesit të synojë të afrohet tek Allahut i Lartmadhëruar, si dhe ta ndiejë se është duke e jetësuar urdhrin e Allahut në thënien e Tij: "O besimtarë! Kur doni të falni namaz, lani fytyrën..." (El Maide, 6) Gjithashtu, ta ndiejë se është duke e ndjekur të Dërguarin e Allahut ﷺ në abdesin e tij. Po ashtu ta ketë parasysh se ai dëshiron shpërblim dhe se do të shpërblehet për këtë vepër derisa ta përsosë.