عن عثمان بن عفان رضي الله عنه عن النبي صلى الله عليه وسلم قال: «من توضَّأ فَأَحْسَن الوُضُوءَ، خَرَجَتْ خَطَايَاهُ مِنْ جَسَدِهِ حَتَّى تَخْرُج مِنْ تَحْتِ أَظْفَارِه».
[صحيح] - [رواه مسلم]
المزيــد ...
عثمان بن عفان - رضي الله عنه - له نبي - صلی الله علیه وسلم - څخه روایت کوي فرمایي: «چا چې په ښه ډول اودس وکړ، ګناهونه یې له بدن څخه وځي، تر دې د نوکانو له لاندې برخې څخه یې ووځي».
صحيح - مسلم روايت کړی دی
حدیث پر دې دلیل دی چې اودس له غوره عبادتونو څخه دی، او له فضایلو څخه یې چې پدې حدیث کې راغلي دا دي چې چا اودس وکړ او ښایسته اودس یې وکړ، داسې چې د اوداسه سنتونه او آداب یې مراعت کړل، نو دا اودس یې د هغه وړو ګناهونو د بخښلو لامل ګرځي چې د الله د حقونو اړوند یې کړي دي، تر دې چې دا ګناهونه یې له تر ټولو باریک ځای څخه چې د نوکانو لاندې برخه ده راووځي، لدې امله انسان ته په کار دي چې په اوداسه سره الله تعالی ته د نږدې کیدو نیت ولري، او دا حس کړي چې د الله تعالی د امر پیروي کوي، د الله تعالی پدې وینا کې "إذا قمتم إلى الصلاة، فاغسلوا وجوهكم" المائدة: 6 . یعنې: اى هغو كسانو چې ایمان يې راوړى ! كله چې تاسو لمانځه ته پاڅېږئ، نو تاسو خپل مخونه ووینځئ. او دا حس کړي چې په اودس سره د الله د رسول - صلی الله علیه وسلم - پیروي کوي، او دا هم حس کړي چې په اودس سره - د الله تعالی څخه - اجر غواړئ، او پدې عمل سره اجر ورکول کیږي چې په ماهرانه او ښه توګه یې ادا کړي.