حدیث: چا چې د مازدیګر لمونځ پرېښود نو عمل یې برباد شو.
عن بريدة بن الحصيب رضي الله عنه قال: قال رسول الله صلى الله عليه وسلم : «من تَرَكَ صلاةَ العصرِ فقد حَبِطَ عَمَلُهُ».
[صحيح] - [رواه البخاري]
المزيــد ...
له بریدة بن الحصیب - رضي الله عنه - څخه روایت دی فرمایي چې رسول الله صلی الله علیه وسلم فرمایلي دي: « چا چې د مازدیګر لمونځ پرېښود نو عمل یې برباد شو».
صحيح - بخاري روايت کړی دی
له حدیث څخه دا - حکم - اخیستل کیږي چې څوک په قصدي توګه د مازدیګر لمونځ پریږدي، او مازدیګر یې په ځانګړې توګه لدې امله یاد کړ چې د ورځې له کار څخه د ستړتیا له امله وروسته والی پکې راځي؛ او ځکه چې قضا کول یې د نورو په پرتله ډیر بد دی، ځکه چې منځنی لمونځ دی چې الله تعالی یې پدې وینا سره په ځانګړې توګه د ساتنې امر کړی: (حافظوا على الصلوات والصلاة الوسطى) [البقرة: 238] د لمونځونو ساتنه كوئ او (خصوصًا) د منځني لمونځ، او الله ته ودرېږئ اطاعت كوونكي. او کومه سزا چې پرې مرتبیږي دا ده چې چا پریښود نو عمل یې د ثواب په باطلیدلو سره بربادیږي، او ویل شوي: له: (من ترکها ) څخه موخه هغه څوک دی چې پرېښودل یې روا ګڼي، او یا یې له فرضیت څخه منکر وي، نو بیا به د عمل له بربادیدو څخه موخه کفر وي، ځینو علماوو استدلال کړی پر دې چې چا د مازدیګر لمونځ پرېښود نو کافر شو، ځکه له مرتد کیدو پرته بل څه عمل نه بربادوي. او ویل شوي: دا د غلظت او شدت لمخې ذکر شوی دی؛ یعني: چا چې پرېښود پدې معنا چې د هغه عمل برباد شو، او دا د مازدیګر د لمانځه ځانګړتيا ده، که چا پرېښود نو د هغه عمل برباد شو، ځکه ددې لمونځ مقام ډیر لوی دی.
د حديث له ګټو څخه
- د مازدیګر لمونځ په خپل وخت(وقت مستحب) ادا کولو باندې ټینګار.
- د لمانځه د پرېښودلو حرمت، په تېره بيا د مازدیګر لمونځ.
- چا چې د مازیګر لمونځ په قصدي توګه پرېښود نو ثواب یې باطل شو، او په قصدي توګه قید په صحیح روایت کې راغلی (متعمدا ) یعنې په قصدي توګه.
ډلبندیانې
نور
- حدیث: اسلام پر پنځو (بنسټونو) جوړ شوی دی
- حدیث: ?مَنْ نَسِيَ صَلَاةً فَلْيُصَلِّ إِذَا ذَكَرَهَا، لَا كَفَّارَةَ لَهَا إِلَّا ذَلِكَ
- حدیث: ?إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكَ الصَّلَاةِ». «د انسان، شرک او کفر تر منځه توپير: د لمانځه پرېښودل دي
- حدیث: ?إِنَّ الْعَهْدَ الَّذِي بَيْنَنَا وَبَيْنَهُمُ الصَّلَاةُ، فَمَنْ تَرَكَهَا فَقَدْ كَفَرَ». «یقینا چې زموږ او د دوی تر منځ تړون لمونځ دی، نو چا چې دا پرېښود، هغه كافر شو
- حدیث: ?خپلو اولادونو ته په اووه کلنۍ کې په لمانځه امر وکړئ، او (د نه کولو په صورت کې یې پرې ووهئ) کله چې لسو کلونو ته ورسیږي، او خوب ځایونه یې سره جلا کړئ
- حدیث: او زه ضمام بن ثعلبه د بنو سعد بن بکر له قبیلې څخه یم