Hadith: ((ئێك ژ هه‌وه‌ باوه‌رییێ نائینیت هه‌تا ئه‌ز ل ده‌ڤ وی خۆشتڤیتر نه‌بم ژ دایبابێن وی و زارۆكێن وی و خه‌لكی هه‌مییێ))

عن أنس رضي الله عنه قال: قال النبي صلى الله عليه وسلم:
«لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ».
[صحيح] - [متفق عليه] - [صحيح البخاري: 15]

ژ ئەنەسی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((ئێك ژ هه‌وه‌ باوه‌رییێ نائینیت هه‌تا ئه‌ز ل ده‌ڤ وی خۆشتڤیتر نه‌بم ژ دایبابێن وی و زارۆكێن وی و خه‌لكی هه‌مییێ)).
[صحيح] - [متفق عليه] - [صحيح البخاري - 15]

Explanation

پێغەمبەرێ خودێ (صەلات و سەلامێن خودێ ل سەر بن) بۆ مه‌ دیار دكه‌ت کو باوەرییا موسلمانی تەمام نابیت هەتا ڤیان و حه‌زژێكرنا پێغەمبەرێ خودێ (صەلات و سەلامێن خودێ ل سەر بن) ل سەر ڤیان و حه‌زژێكرنا دایکا وی و بابێ وی و کوڕێ وی و کچا وی و هەمی خەلکی نه‌ئێخیت، ئەڤ ڤیان و حه‌زژێكرنه‌ ژی گوهداری و سه‌رئێخستن و پشته‌ڤانیكرن و سه‌رپێچینه‌كرنا وی ل سه‌ر خودانی فه‌ر دكه‌ت.

Benefits from the Hadith

1. فه‌ربوونا ڤیان و حه‌زژێكرنا پێغەمبەری (صەلات و سەلامێن خودێ ل سەر بن)، و پێشئێخستنا وێ ل سەر ڤیان و حه‌زژێكرنا هەمی چێكرییان.
2. ژ نیشانێن تەمامه‌تییا ڤیان و حه‌زژێكرنێ: پشتەڤانیكرن و سه‌رئێخستنا سوننەتا پێغەمبەرێ خودێیه‌ (صەلات و سەلامێن خودێ ل سەر بن) و گوریكرنا نه‌فسێ و مه‌زاختنا مالییه‌ ل سه‌ر ڤێ چه‌ندێ.
3. ڤیان و حه‌زژێكرنا پێغەمبەری (صەلات و سەلامێن خودێ ل سەر بن) دخوازیته‌ هندێ خودان گوهدارییا وی بكه‌ت د وێ چەندێدا یا کو وی فەرمان پێ کری و ب ڕاست ده‌رئێخستنا وی د وان ده‌نگ و باسان دا يێن وى گۆتين و دویرکەڤتنا ژ وێ چەندێ یا کو وی پاشڤه‌برن ژێ كری و حه‌رام كری و دویڤچوونا سوننه‌ت و ڕێبازا وی و هێلانا بیدعه‌ و داهێنانان د دینیدا.
4. مافێ پێغەمبەری (صەلات و سەلامێن خودێ ل سەر بن) مەزنتر و فه‌رتره‌ ژ مافێ هەمی مرۆڤان، چونكی ئەو ئەگەرێ ڕاسته‌ڕێبوونا مه‌یه‌ ژ سه‌رداچوونێ و ئه‌گه‌رێ ڕزگاربوونا مه‌یه‌ ژ ئاگرێ جه‌هنه‌مێ و سه‌ركه‌ڤتنا ب به‌هه‌شتێ.