Hadith: “ម្នាក់ៗនៃពួកអ្នកមិនទាន់មានជំនឿពេញលេញនោះទេ លុះត្រាតែគេស្រលាញ់មកចំពោះខ្ញុំជាងឪពុកម្តាយរបស់គេ កូនចៅរបស់គេ និងជាងមនុស្សលោកទាំងអស់”។

عن أنس رضي الله عنه قال: قال النبي صلى الله عليه وسلم:
«لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ».
[صحيح] - [متفق عليه] - [صحيح البخاري: 15]

អំពី អាណាស رضي الله عنه បាននិយាយថា៖ ណាពី ﷺ លោកបានមានប្រសាសន៍ថា៖
“ម្នាក់ៗនៃពួកអ្នកមិនទាន់មានជំនឿពេញលេញនោះទេ លុះត្រាតែគេស្រលាញ់មកចំពោះខ្ញុំជាងឪពុកម្តាយរបស់គេ កូនចៅរបស់គេ និងជាងមនុស្សលោកទាំងអស់”។
[صحيح] - [متفق عليه] - [صحيح البخاري - 15]

Explanation

រ៉ស៊ូលុលឡោះ ﷺ លោកបានប្រាប់ថា ជាការពិតណាស់ ជនមូស្លីមម្នាក់ៗមិនទាន់ក្លាយជាអ្នកដែលមានជំនឿពេញលេញនោះឡើយ លុះត្រាតែរូបគេផ្តល់អាទិភាពលើក្តីស្រឡាញ់ចំពោះរ៉ស៊ូលុលឡោះ ﷺ ជាងក្តីស្រឡាញ់ចំពោះឪពុកម្តាយរបស់ខ្លួន កូនប្រុសកូនស្រីរបស់ខ្លួន និងមនុស្សលោកទាំងអស់។ ហើយក្តីស្រឡាញ់នេះ គឺទាមទារឲ្យមានការគោរពប្រតិបត្តិចំពោះលោក ជួយដល់លោក និងបោះបង់អំពើល្មើសចំពោះលោក។

Benefits from the Hadith

1. ចាំបាច់ត្រូវមានក្តីស្រឡាញ់ចំពោះរ៉ស៊ូលុលឡោះ ﷺ ហើយត្រូវផ្តល់អាទិភាពលើក្តីស្រឡាញ់ចំពោះលោកជាងនរណាៗទាំងអស់។
2. ក្នុងចំណោមសញ្ញាដែលបង្ហាញពីក្តីស្រឡាញ់ដ៏ពេញលេញចំពោះរ៉ស៊ូលុលឡោះ ﷺ គឺការជួយដល់ស៊ុណ្ណះ(មាគ៌ា)របស់លោក ហើយត្រូវលះបង់ខ្លួនប្រាណ និងទ្រព្យសម្បត្តិក្នុងបុព្វហេតុនេះ។
3. ក្តីស្រឡាញ់ចំពោះរ៉ស៊ូលុលឡោះ ﷺ គឺទាមទារឲ្យមានការគោរពប្រតិបត្តិចំពោះលោកនូវអ្វីដែលលោកបង្គាប់ប្រើ ជឿជាក់ចំពោះលោកនូវអ្វីដែលលោកបានប្រាប់ ចៀសវាងពីប្រការទាំងឡាយដែលលោកហាមឃាត់ ហើយត្រូវដើរតាមលោក និងបោះបង់ការបង្កើតថ្មីក្នុងសាសនា(ប្រការពិទអះ)។
4. សិទ្ធិរបស់ណាពី ﷺ គឺធំធេង និងសង្កត់ធ្ងន់ជាងសិទ្ធិនរណាៗទាំងអស់ ព្រោះលោកគឺជាមូលហេតុនៃការដែលពួកយើងទទួលបាននូវការចង្អុលបង្ហាញចេញពីភាពវង្វេង រួចផុតពីឋាននរក និងទទួលបានឋានសួគ៌។