ဟဒီးဆ်: အသင်တို့အနက် မည်သူမဆို မိမိ၏ သားသမီး၊ မိမိ၏ မိဘနှင့် လူသားအားလုံးထက် ငါကိုယ်တော်အား ပိုမချစ်သမျှ ကာလပတ်လုံး ပြည့်ဝသည့် မုအ်မင်န် မဖြစ်နိုင်ပေ။

عن أنس وأبي هريرة رضي الله عنهما مرفوعاً: «لا يُؤْمِنُ أحدُكم حتى أَكُونَ أَحَبَّ إليه مِن وَلَدِه، ووالِدِه، والناس أجمعين».
[صحيح] - [حديث أنس -رضي الله عنه-: متفق عليه. حديث أبي هريرة -رضي الله عنه-: رواه البخاري]

အနတ်စ်နှင့် အဗူဟုရိုင်ရဟ် (ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ အသင်တို့အနက် မည်သူမဆို မိမိ၏ သားသမီး၊ မိမိ၏ မိဘနှင့် လူသားအားလုံးထက် ငါကိုယ်တော်အား ပိုမချစ်သမျှ ကာလပတ်လုံး ပြည့်ဝသည့် မုအ်မင်န် မဖြစ်နိုင်ပေ။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်း။

ရှင်းလင်းချက်

ဤဩဝါဒတော်၌ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)က ကျွန်တော်တို့အား အသိပေးမိန့်ကြားထားသည်မှာ မွတ်စ်လင်မ်တစ်ဦးသည် မိမိ၏ သားသမီး၊မိဘနှင့် လူသားအားလုံး၏ အချစ်ထက် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)အား ပိုမချစ်သေးသမျှ ၎င်း၏ အီမာန်ယုံကြည်မှုသည် ပြည့်စုံမည်မဟုတ်သလို၊ အပြစ်ဒဏ်ပေးခြင်းမခံရဘဲ ဂျန္နသ်သုခဘုံသို့ တိုက်ရိုက်ဝင်ရောက်နိုင်မည့် အီမာန်ယုံကြည်မှုမျိုးလည်း ရရှိနိုင်မည်မဟုတ်ပေ။ အလ္လာဟ်အရှင်မြတ်၏ ရစူလ်တမန်တော်အားချစ်ခြင်းသည် အလ္လာဟ်အရှင်မြတ်ကို ချစ်ခြင်းပင်ဖြစ်သည်။ အဘယ်ကြောင့်ဆိုသော် တမန်တော်မြတ်သည် အလ္လာဟ်အရှင်မြတ်ဘက်တော်မှ ပို့ချသူ၊ အရှင်မြတ်၏ သာသနာတော်ဘက်သို့ လမ်းညွှန်ပြသူပင်ဖြစ်သည်။ အလ္လာဟ်အရှင်မြတ်နှင့် အရှင်မြတ်၏ ရစူလ်တမန်တော်အား ချစ်မြတ်နိုးခြင်းသည် ရှရီအဟ် တရားတော်၏ အမိန့်များကို နာခံပြီး၊ ၎င်း၏တားမြစ်ချက်များကို ရှောင်ကြဉ်မှသာ စစ်မှန်မည်ဖြစ်ပြီး ကဗျာများ သီကုံးဖွဲ့ဆိုခြင်း၊ အခမ်းအနားများ ကျင်းပခြင်း၊ တေးသီချင်းများ သီဆိုခြင်းတို့ကို အချစ်ဟုခေါ်ဆိုခြင်း မဟုတ်ပေ။