হাদীছ: তোমালোকৰ মাজৰ কোনেও সেই সময় পৰ্যন্ত প্রকৃত মুমিন হ’ব নোৱাৰিব যেতিয়ালৈকে মই তাৰ ওচৰত তাৰ সন্তান, তাৰ পিতা আৰু সকলো মানুহতকৈ অধিক প্রিয়পাত্র নহওঁ।

عن أنس وأبي هريرة رضي الله عنهما مرفوعاً: «لا يُؤْمِنُ أحدُكم حتى أَكُونَ أَحَبَّ إليه مِن وَلَدِه، ووالِدِه، والناس أجمعين».
[صحيح] - [حديث أنس -رضي الله عنه-: متفق عليه. حديث أبي هريرة -رضي الله عنه-: رواه البخاري]

আনাছ আৰু আবু হুৰাইৰাহ ৰাদ্বিয়াল্লাহু ‘আনহুমাৰ পৰা মাৰফূ‘ হিচাপে বৰ্ণিত, "c2">“তোমালোকৰ মাজৰ কোনেও সেই সময় পৰ্যন্ত প্রকৃত মুমিন হ’ব নোৱাৰিব যেতিয়ালৈকে মই তাৰ ওচৰত তাৰ সন্তান, তাৰ পিতা আৰু সকলো মানুহতকৈ অধিক প্রিয়পাত্র নহওঁ।”
ছহীহ - বুখাৰীয়ে বৰ্ণনা কৰিছে।

ব্যাখ্যা

এই হাদীছত ৰাছুলুল্লাহ চাল্লাল্লাহু আলাইহি অছাল্লামে আমাক জনাইছে যে, কোনো মুছলিমেই তেতিয়ালৈকে পৰিপূৰ্ণ ঈমান লাভ কৰিব নোৱাৰিব তথা এনেকুৱা ঈমান অর্জন কৰিব নোৱাৰিব, যি ঈমানে শাস্তি নোহোৱাকৈয়ে জান্নাতত প্ৰৱেশ কৰাব পাৰে, যেতিয়ালৈকে তেওঁ ৰাছুলুল্লাহ চাল্লাল্লাহু আলাইহি অছাল্লামক তেওঁৰ সন্তান-সন্ততি, পিতা-মাতা আৰু সকলো মানুহতকৈ বেছি মুহাব্বত নকৰিব। এইকাৰণে যে, ৰাছুলুল্লাহ চাল্লাল্লাহু ‘আলাহি অছাল্লামৰ মুহাব্বত মানেই হৈছে আল্লাহৰ মুহাব্বত। কাৰণ ৰাছুলুল্লাহ চাল্লাল্লাহু আলাইহি অছাল্লাম হৈছে আল্লাহৰ ফালৰ পৰা দ্বীন প্ৰচাৰক আৰু দ্বীনৰ পথপ্ৰদৰ্শক। চৰীয়তৰ আদেশসমূহ পালন নকৰাকৈ আৰু ইয়াৰ নিষেধকৃত বিষয়সমূহৰ পৰা বিৰত নথকাকৈ কেতিয়াও আল্লাহ আৰু তেওঁৰ ৰাছুলক সঁচা মুহাব্বত কৰিব নোৱাৰি। কেৱল কবিতা আবৃত্তি কৰি নাইবা অনুষ্ঠান আয়োজন কৰি অথবা বিভিন্ন সুৰত নাত-গজল গাই কেতিয়াও মুহাব্বত সাব্যস্ত নহয়।