হাদীছ: তোমালোকে নিজৰ ঘৰবোৰক কবৰত পৰিণত নকৰিবা আৰু মোৰ কবৰকো মেলাৰ স্থল নবনাবা। তোমালোকে মোৰ ওপৰত দুৰূদ পাঠ কৰা। তোমালোকে য’তেই নাথাকা কিয় তোমালোকৰ দুৰূদ মোৰ ওচৰলৈ পৌঁচাই দিয়া হয়।

عن أبي هريرة رضي الله عنه قال: قال رسول الله صلى الله عليه وسلم : «لا تجعلوا بيوتكم قبورا، ولا تجعلوا قبري عيدا، وصلوا عليّ فإن صلاتكم تبلغني حيث كنتم».
[صحيح] - [رواه أبو داود]

আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু ‘আলাইহি অছাল্লামে কৈছেঃ "c2">“তোমালোকে নিজৰ ঘৰবোৰক কবৰত পৰিণত নকৰিবা আৰু মোৰ কবৰকো মেলাৰ স্থল নবনাবা। তোমালোকে মোৰ ওপৰত দুৰূদ পাঠ কৰা। তোমালোকে য’তেই নাথাকা কিয় তোমালোকৰ দুৰূদ মোৰ ওচৰলৈ পৌঁচাই দিয়া হয়।” ছহীহ - এইটো আবু দাঊদে বর্ণনা কৰিছে।
ছহীহ - ইয়াক আবু দাউদে বৰ্ণনা কৰিছে

ব্যাখ্যা

নবী চাল্লাল্লাহু আলাইহি অছাল্লামে নফল চালাত পঢ়াৰ পৰা, দু‘আ কৰা আৰু কোৰআন তিলাৱতৰ পৰা ঘৰসমূহক শূণ্য ৰাখিবলৈ নিষেধ কৰিছে। অন্যথা সেইবোৰ কবৰৰ পর্যায়ত গুচি যাব। কিয়নো কবৰৰ ওচৰত চালাত আদায় কৰিবলৈ নিষেধাজ্ঞা প্ৰদান কৰা হৈছিল, সেয়ে তেওঁলোকৰ ঘৰসমূহক চালাত শূণ্য কৰি কবৰৰ দৰে কৰিবলৈ নিষেধ কৰিছে। আৰু তেখেতৰ কবৰক বাৰে বাৰে জিয়াৰত কৰিবলৈ আৰু অভ্যাসগতভাৱে তাত একত্রিত হ’বলৈ নিষেধ কৰিছে। কিয়নো এইটো হৈছে শ্বিৰ্কৰ মাধ্যম। ইয়াৰ বিপৰীতে তেখেতে পৃথিৱীৰ যিকোনো স্থানৰ পৰা তেখেতৰ ওপৰত বেছি বেছি চালাত আৰু ছালাম (অৰ্থাৎ দৰূদ) প্রেৰণ কৰাৰ আদেশ দিছে। কিয়নো ওচৰতেই হওক বা দূৰত সমানভাৱে তেখেতৰ ওচৰলৈ সেয়া পৌঁচাই দিয়া হয়। গতিকে তেখেতৰ কবৰৰ ওচৰত বাৰে বাৰে অহা-যোৱা কৰাৰ প্ৰয়োজন নাই।