عن أبي هريرة رضي الله عنه قال: قال رسول الله صلى الله عليه وسلم : «لا تجعلوا بيوتكم قبورا، ولا تجعلوا قبري عيدا، وصلوا عليّ فإن صلاتكم تبلغني حيث كنتم».
[صحيح] - [رواه أبو داود]
المزيــد ...
အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်ဟိဝစလ္လမ်)က မိန့်ကြားတော်မူသည်။ အသင်တို့၏ နေအိမ်များကို ကဗရ်သင်္ချိုင်းများအဖြစ် မပြုလုပ်ကြနှင့်၊ ငါကိုယ်တော်၏ကဗရ်ကိုလည်း အီးဒ်မပြုလုပ်ကြနှင့် ငါကိုယ်တော်အပေါ်သို့ ဆွလာသ်မေတ္တာ ပို့သကြလေကုန်၊ ဧကန်မုချ အသင်တို့၏ ဆွလာသ်မေတ္တာ ပို့သမှုသည် အသင်တို့မည်သည့်နေရာတွင်ရှိသည်ဖြစ်စေ ငါကိုယ်တော်ထံ ရောက်ရှိလေသည်။
ဤဟဒီးဆ်သည် ဆွဟီးဟ် အဆင့်ရှိသည်။ - အဗူဒါဝူဒ်ကျမ်း။
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)သည် အိမ်များတွင် နဖ်လ်ဆွလာသ်များ၊ ဒုအာဆုတောင်းခြင်း၊ ကုရ်အာန်ဖတ်ရွတ်ခြင်းစသည့် အမလ်ကောင်းမှုများ မပြုလုပ်ဘဲ အိမ်များကို သင်္ချိုင်းများကဲ့သို့ ပြုလုပ်လိုက်ခြင်းမှ တားမြစ်တော်မူခဲ့သည်။ အဘယ်ကြောင့်ဆိုသော် သင်္ချိုင်းများတွင် ဆွလာသ်ဆောက်တည်ခြင်းကို တားမြစ်ထားကြောင်း ၎င်းတို့ သိရှိပြီးဖြစ်သဖြင့် ၎င်းတို့၏ နေအိမ်များကို ထိုကဲ့သို့ ပြုလုပ်ခြင်းမှ တားမြစ်ထားခြင်းဖြစ်သည်။ ကိုယ်တော်မြတ်သည် မိမိ၏ ကဗရ်အား အဖန်တလဲလဲ လာရောက်ဇိယာရသ်ပြုခြင်းနှင့် အီးဒ်(နေ့ရက်၊ အချိန်အခါသတ်မှတ်ပြီး) ထုံးတမ်းစဉ်လာအဖြစ် စုရုံးကြခြင်းမျိုး မပြုလုပ်ကြရန်တားမြစ်ခဲ့သည်။ အဘယ်ကြောင့်ဆိုသော် ထိုသို့ပြုလုပ်ခြင်းသည် (ရှိရ်က်)ယှဉ်တွဲကိုးကွယ်မှု ကျူးလွန်ရန်အကြောင်းခံဖြစ်စေသည်။ ထိုအစား ကိုယ်တော်သည် ကမ္ဘာပေါ်ရှိ မည်သည့်နေရာမှပင်ဖြစ်စေ မိမိအပေါ် (ဆွလာသ်) ကောင်းချီးမင်္ဂလာနှင့် (စလာမ်)မေတ္တာ များစွာပို့သခြင်းဖြင့် ပြည့်စုံလုံလောက်ကြောင်း မှာကြားတော်မူခဲ့သည်။ ထိုသို့ပို့သခြင်းသည် အနီးမှဖြစ်စေ၊အဝေးမှဖြစ်စေ ကိုယ်တော့်ထံ ရောက်ရှိရာတွင် အတူတူပင်ဖြစ်သောကြောင့် ကိုယ်တော်၏ ကဗရ်သို့ အကြိမ်ကြိမ်သွားရောက်နေရန် မလိုအပ်ပေ။