Hadithi: “Allahu i Lartësuar ka thënë: "Fatihanë e kam ndarë përgjysmë mes Meje dhe robit Tim, e robit Tim i takon ajo që e kërkon

عن أبي هريرة رضي الله عنه: سمعت رسول الله صلى الله عليه وسلم يقول:
«قَالَ اللهُ تَعَالَى: قَسَمْتُ الصَّلَاةَ بَيْنِي وَبَيْنَ عَبْدِي نِصْفَيْنِ، وَلِعَبْدِي مَا سَأَلَ، فَإِذَا قَالَ الْعَبْدُ: {الْحَمْدُ لِلهِ رَبِّ الْعَالَمِينَ}، قَالَ اللهُ تَعَالَى: حَمِدَنِي عَبْدِي، وَإِذَا قَالَ: {الرَّحْمَنِ الرَّحِيمِ}، قَالَ اللهُ تَعَالَى: أَثْنَى عَلَيَّ عَبْدِي، وَإِذَا قَالَ: {مَالِكِ يَوْمِ الدِّينِ}، قَالَ: مَجَّدَنِي عَبْدِي، -وَقَالَ مَرَّةً: فَوَّضَ إِلَيَّ عَبْدِي-، فَإِذَا قَالَ: {إِيَّاكَ نَعْبُدُ وَإِيَّاكَ نَسْتَعِينُ}، قَالَ: هَذَا بَيْنِي وَبَيْنَ عَبْدِي وَلِعَبْدِي مَا سَأَلَ، فَإِذَا قَالَ: {اهْدِنَا الصِّرَاطَ الْمُسْتَقِيمَ، صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ}، قَالَ: هَذَا لِعَبْدِي وَلِعَبْدِي مَا سَأَلَ».
[صحيح] - [رواه مسلم]

Ebu Hurejra (Allahu qoftë i kënaqur me të!) tregon se e ka dëgjuar të Dërguarin e Allahut ﷺ të thotë:
"c2">“Allahu i Lartësuar ka thënë: "Fatihanë e kam ndarë përgjysmë mes Meje dhe robit Tim, e robit Tim i takon ajo që e kërkon. Kur robi thotë: "Elhamdu lilahi rabil alemin", Allahu i Lartësuar thotë: "Robi Im më falënderoi." Kur thotë: "Errahmani rrahim", Allahu thotë: "Robi Im më lavdëroi." Kur ai thotë: "Maliki jevmi din", Allahu thotë: "Robi Im më madhëroi", - një herë pati thënë: "Robi Im ma besoi çdo gjë të tij." Kur robi thotë: "Ijake nabudu ve ijake nestein", Allahu thotë: "Kjo është mes Meje dhe robit Tim, e robit Tim i takon ajo që e kërkon." Kur robi thotë: "Ihdina siratal mustekim, sirataledhine enamte alejhim, gajril magdubi alejhim, vele dalin", Allahu thotë: "Kjo i përket robit Tim dhe atij i takon ajo që ka kërkuar.”
Ky hadith është sahih. - E shënon Muslimi.

Shpjegimi

Profeti ﷺ tregon se Allahu i Lartësuar në hadithin kudsij thotë: "E ndava suren el Fatiha në namaz mes Meje dhe robit Tim përgjysmë: gjysma është për Mua e gjysma është për të."
Gjysma e parë është: falënderim, lavdërim dhe madhërim kushtuar Allahut, për të cilin Allahu jep shërblim të madh.
Gjysma e dytë është përgjërim dhe lutje, të cilit Allahu i përgjigjet dhe i jep çfarë kërkon.
Kur namazliu të thotë: "Elhamdu lilahi rabil alemin", Allahu i Lartësuar thotë: "Robi Im më falënderoi." Kur thotë: "Errahmani rrahim", Allahu thotë: "Robi Im më lavdëroi" e më falëderoi dhe kjo njëherazi është miratim nga ana e tij për Mua se Unë i begatoj të gjitha krijesat. Kur ai thotë: "Maliki jevmi din", Allahu thotë: "Robi Im më madhëroi", e ky është nderim i gjerë.
Kur robi thotë: "Ijake nabudu ve ijake nestein", Allahu thotë: "Kjo është mes Meje dhe robit Tim."
Gjysma e parë e këtij ajeti është për Allahun, e cila është: "Ijake nabudu - Vetëm Ty të adhurojmë", që nënkupton veçimin e Allahut me adhurim dhe duke iu përgjigjur me ibadet, e me të përfundon gjysma që i takon Allahut.
Gjysma e dytë e ajetit është për robin: "ve ijake nestein - vetëm prej Teje ndihmë kërkojmë", që nënkupton kërkimin e ndihmës prej Allahut dhe është premtim prej Tij për ndihmë.
E, kur ai thotë: “Ihdina siratal mustekim, sirataledhine enamte alejhim, gajril magdubi alejhim, vele dalin - Në rrugën e atyre që u ke dhuruar mirësi e jo në të atyre që kanë shkaktuar zemërimin Tënd, as në të atyre që janë të humbur!", Allahu thotë: "Ky është përgjërim dhe lutje nga robi Im, e robit Tim i takon ajo që kërkoi, ndërsa Unë iu përgjigja lutjes së tij."