ഹദീസ്: ആരെങ്കിലും ഒരു നന്മ അറിയിച്ചു നൽകിയാൽ അവന് അത് പ്രവർത്തിച്ചവരുടേതിന് സമാനമായ പ്രതിഫലമുണ്ട്.

عن أبي مسعود البدري رضي الله عنه عن النبي صلى الله عليه وسلم قال: «من دلَّ على خير، فله مثلُ أجرِ فاعلِه».
[صحيح] - [رواه مسلم]

അബൂ മസ്ഊദ് അൽ ബദ്രി -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും ഒരു നന്മ അറിയിച്ചു നൽകിയാൽ അവന് അത് പ്രവർത്തിച്ചവരുടേതിന് സമാനമായ പ്രതിഫലമുണ്ട്."
സ്വഹീഹ് - മുസ്ലിം ഉദ്ധരിച്ചത്

വിശദീകരണം

ഇത് മഹത്തരമായ ഒരു ഹദീഥാണ്. ആരെങ്കിലും ഒരാളെ നന്മയിലേക്ക് വഴികാട്ടിയാൽ അത് പ്രവർത്തിച്ചവൻ്റെ പ്രതിഫലത്തിന് സമാനമായത് അതിലേക്ക് വഴികാണിച്ചവനും ഉണ്ടായിരിക്കുന്നതാണ്. ഈ പറഞ്ഞതിൽ വാക്ക് കൊണ്ടും പ്രവർത്തനം കൊണ്ടുമുള്ള മാർഗദർശനം ഉൾപ്പെടും. അദ്ധ്യാപനം വാക്ക് കൊണ്ടാണെങ്കിൽ, നല്ല മാതൃക കാണിച്ചു നൽകുക എന്നത് പ്രവർത്തിയിലൂടെയാണ്.