فەرموودە: پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت

عَنْ ‌وَرَّادٍ كَاتِبِ الْمُغِيرَةِ بْنِ شُعْبَةَ قَالَ: أَمْلَى عَلَيَّ الْمُغِيرَةُ بْنُ شُعْبَةَ فِي كِتَابٍ إِلَى مُعَاوِيَةَ:
أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يَقُولُ فِي دُبُرِ كُلِّ صَلَاةٍ مَكْتُوبَةٍ: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ».
[صحيح] - [متفق عليه] - [صحيح البخاري: 844]

وه‌رڕادێ نڤیسكارێ موغیره‌یێ كوڕێ شوعبه‌ی دبێژیت: موغيره‌یێ كوڕێ شوعبه‌ى نامه‌یه‌ك ل سه‌ر من دخواند دا كو بنڤیسم و بۆ موعاویه‌ی فڕێكه‌ت:
پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ»، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، مولك و ده‌ستهه‌لات و حه‌مد و سوپاسی هه‌می بۆ وینه‌، ئه‌و ل سه‌ر هه‌ر تشته‌كی یێ خودان شیانه‌، خودایێ من؛ چ ڕێگر نینن بۆ تشته‌كێ ته‌ دابیت و بۆ تشته‌كێ ته‌ قه‌ده‌غه‌ كربیت كه‌سه‌ك نه‌شێت بده‌ت، مال و سامان و مه‌زناهی (ل ڕۆژا قیامه‌تێ) مفای ناگه‌هیننه‌ خودانێ خۆ ل هه‌مبه‌ر ته‌)).
[صحيح] - [متفق عليه] - [صحيح البخاري - 844]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت: " لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ، اللَّهُمَّ لَا مَانِعَ لِمَا أَعْطَيْتَ، وَلَا مُعْطِيَ لِمَا مَنَعْتَ، وَلَا يَنْفَعُ ذَا الْجَدِّ مِنْكَ الْجَدُّ".
ئانكو: ئه‌ز دانپێدانێ ب په‌یڤا ته‌وحیدێ دكه‌م (لا إله إلا الله)، ڤێجا ئه‌ز په‌رستنا ب حه‌ق ب تنێ بۆ خودێ بنه‌جھ دكه‌م و ژ هه‌ر ئێكێ دی ژ بلی وی ڕه‌د دكه‌م، ژ خودێ پێڤەتر چ تشتێن دی ژ هەژی نینن کو عیبادەت بۆ بهێتە کرن و ئه‌ز دانپێدانێ دكه‌م كو مولك و ده‌ستهه‌لاتا ڕاست و ته‌مام ب تنێ بۆ خودێیه‌، هه‌می حه‌مد و سوپاسییێن خه‌لكێ ئه‌سمانی و یێ ئه‌ردی ب تنێ ژ هه‌ژی خودایێ مه‌زنن، چونكی ئه‌و یێ خودان شیانه‌ ل سه‌ر هه‌می تشتان، ئه‌و تشتێ خودێ بڕیارا دانا وی دابیت یان بڕیارا قه‌ده‌غه‌كرنا وی دابیت كه‌س نه‌شێت ڕێ لێ بگریت و ل ده‌ڤ خودێ مال و سامان و مه‌زناهییا چ كه‌سان مفای ناگه‌هینیته‌ وی، به‌لكو ب تنێ كارێ باش مفای دگه‌هینیت.

لە سوودەکانی فەرموودەکە

1. سوننه‌ته‌ ئه‌ڤ زكره‌ پشتی نڤێژان بهێته‌ كرن، ژ به‌ر كو په‌یڤێن ته‌وحیدێ و حه‌مد و سوپاسیكرنێ ب خۆڤه‌ دگریت.
2. له‌زكرن بۆ ب جهئینانا سوننه‌تان و به‌لاڤكرنا وان.