فەرموودە: ((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ پشتا خۆ ژ ڕكوعێ ڕاست دكر دگۆت: (سَمِعَ اللهُ لِمَنْ حَمِدَهُ

عَنِ ‌ابْنِ أَبِي أَوْفَى رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا رَفَعَ ظَهْرَهُ مِنَ الرُّكُوعِ قَالَ: «سَمِعَ اللهُ لِمَنْ حَمِدَهُ، اللَّهُمَّ رَبَّنَا لَكَ الْحَمْدُ، مِلْءَ السَّمَاوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ».
[صحيح] - [رواه مسلم] - [صحيح مسلم: 476]

ئبن ئه‌بو ئه‌وفا (خودێ ژێ ڕازی بیت) دبێژیت:
((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ پشتا خۆ ژ ڕكوعێ ڕاست دكر دگۆت: (سَمِعَ اللهُ لِمَنْ حَمِدَهُ) ئانكو: خودێ گوھ ل وی بوو یێ حه‌مد و سوپاسییا وی كری، یا خودێ؛ خودایێ مه‌، حه‌مد و سوپاسی هه‌می بۆ ته‌نه‌، پڕی ئه‌سمانان و پڕی ئه‌ردی و پڕی هه‌ر تشته‌كێ دی یێ پاشی ته‌ بڤێت)).
[صحيح] - [رواه مسلم] - [صحيح مسلم - 476]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) ده‌مێ د نڤێژێدا پشتا خۆ ژ ڕكوعێ ڕاست دكر دگۆت: "سمع الله لمن حمده"، ئانكو: هه‌ر كه‌سێ حه‌مد و سوپاسییا خودایێ مه‌زن بكه‌ت، خودێ دێ به‌رسڤا وی ده‌ت و دێ حه‌مد و سوپاسیكرنا وی ژ وی قه‌بویل كه‌ت و خه‌لاتكه‌ت، پاشی حه‌مد و سوپاسییا خودێ دكر ب گۆتنا: " اللَّهُمَّ رَبَّنَا لَكَ الْحَمْدُ، مِلْءَ السَّمَاوَاتِ وَمِلْءَ الْأَرْضِ وَمِلْءَ مَا شِئْتَ مِنْ شَيْءٍ بَعْدُ "، ئانكو حه‌مدكرنه‌كا وه‌سا كو ئه‌سمان و ئه‌ردان و د ناڤبه‌را واندا پڕ بكه‌ت، و هه‌ر تشته‌كێ دی یێ خودێ بڤێت پڕ بكه‌ت.

لە سوودەکانی فەرموودەکە

1. دیاركرنا وێ گۆتنا سوننه‌ته‌ نڤێژكه‌ر بێژیت ده‌مێ سه‌رێ خۆ ژ ڕكوعێ ڕادكه‌ت.
2. دروستبوونا ڕاستكرنا پشتێ و ئارامبوونێ (طمأنينة) پشتی ڕابوونا ژ ڕكوعێ؛ چونكی مرۆڤ نه‌شێت ڤی زكری بێژیت ئه‌گه‌ر ب ته‌مامی ڕاست نه‌بیت و ئارام نه‌بیت.
3. ئه‌ڤ زیكره‌ د هه‌می نڤێژاندا یێ دروسته‌، چ نڤێژێن فه‌ڕز بن یان یێن سوننه‌ت.