1. Дома
  2. Категории
  3. Доблести и манири

Хадис Ако ги видиш тие што ги следат нејасните ајети, тоа се тие кои Аллах ги споменал, па добро вардете се од нив

عَنْ ‌عَائِشَةَ رَضِيَ اللهُ عَنْهَا قَالَتْ:
تَلَا رَسُولُ اللهِ صَلَّى اللهُ عَلَيْهِ وَسَلَّمَ هَذِهِ الْآيَةَ: {هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ، وَمَا يَعْلَمُ تَأْوِيلَهُ إِلَّا اللَّهُ، وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا وَمَا يَذَّكَّرُ إِلَّا أُولُو الْأَلْبَابِ} [آل عمران: 7]. قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «فَإِذَا رَأَيْتِ الَّذِينَ يَتَّبِعُونَ مَا تَشَابَهَ مِنْهُ فَأُولَئِكَ الَّذِينَ سَمَّى اللهُ، فَاحْذَرُوهُمْ».

Аиша, Аллах нека е задоволен од неа, пренесува дека
Божјиот пратеник, салаллаху алејхи ве селем, го цитирал следниот ајет: „Тој ти ја објавува Книгата во која се јасните ајети; тие се темели на Книгата, а останатите се помалку јасни. Тие во чиишто срца е скршнувањето ги следат нејасните ајети тежнеејќи за интриги и сопствено толкување. А толкувањето нивно го знае само Аллах! Тие што се упатени во науката, велат: ,Ние веруваме во нив, сите тие се од Господарот наш!‘ А само разумните сфаќаат!“ (Али Имран, 7) Потоа рече: ,,Ако ги видиш тие што ги следат нејасните ајети, тоа се тие кои Аллах ги споменал, па добро вардете се од нив.“

صحيح متفق عليه صحيح البخاري - 4547

Објаснување

Божјиот пратеник, салаллаху алејхи ве селем, го рецитираше следниов ајет: ,,Тој ти ја објавува Книгата во која се јасните ајети; тие се темели на Книгата, а останатите се помалку јасни. Тие во чиишто срца е скршнувањето ги следат нејасните ајети тежнеејќи за интриги и сопствено толкување. А толкувањето нивно го знае само Аллах! Тие што се упатени во науката, велат: „Ние веруваме во нив, сите тие се од Господарот наш!“ А само разумните сфаќаат!" (Али Имран, 7) Во овој ајет, Возвишениот Аллах известува дека Тој, на Својот пратеник, му го објавил Куранот, кој содржи јасни ајети со недвосмислени значења, што претставуваат основа и мерило на Книгата. Овие јасни ајети служат како референца при разликите во толкувањето. Меѓутоа, постојат и други ајети чие значење може да биде двосмислено и различно разбрано од луѓето, кои можат да помислат дека меѓу нив има противречност. Аллах ги објаснува различните начини на кои луѓето се однесуваат кон овие ајети. Оние чии срца се наклонети кон заблуда ги занемаруваат јасните ајети и се насочуваат кон двосмислените, со цел да внесат сомнеж и да ги заведат луѓето, обидувајќи се да ги толкуваат според своите страсти. Од друга страна, оние кои се цврсти во знаењето ги разбираат двосмислените ајети и ги поврзуваат со јасните, верувајќи дека сето тоа е од Аллах и дека нема противречност. Потоа, Божјиот пратеник, салаллаху алејхи ве селем, ѝ рече на мајката на верниците, Аиша, Аллах нека е задоволен со неа, дека ако ги види оние што ги следат двосмислените ајети, тие се токму тие за кои Аллах рекол: „Оние во чииш то срца има заблуда.“ Па, вардете се од нив и не им обрнувајте внимание.“

Од придобивките на хадисот

  1. Јасните (мухкем) ајети од Куранот се оние чие значење е јасно и недвосмислено, додека двосмислените (муташабих) ајети се тие кои можат да имаат повеќе значења и бараат подлабоко размислување и толкување.
  2. Предупредување од дружењето со оние кои се наклонети кон заблуда, кои се новотари во верата и оние кои шират сомнежи за да ги одведат луѓето во заблуда и да ги разнишаат во нивната вера.
  3. Во завршетокот на ајетот, каде Возвишениот Аллах вели: „А само разумните сфаќаат!", се има укор за оние кои се во заблуда и пофалба за оние кои се цврсти во знаењето. Ова значи дека оној кој не прима поука и не го прифаќа потестувањето, туку ги следи своите страсти, не припаѓа во редот на разумните.
  4. Следењето на двосмислените ајети е причина за скршнувањето на срцето.
  5. Задолжително е двосмислените ајети, чијашто смисла не е секогаш јасна, да се реферираат на јасните ајети за да се разберат правилно.
  6. Возвишениот Аллах дал дел од Куранот да биде јасен, а дел двосмислен, како искушение за луѓето, за да се разликуваат верниците од оние кои се во заблуда.
  7. Присуството на двосмислени ајети во Куранот ја истакнува важноста на учените луѓе во споредба со другите и нè потсетува на ограниченоста на човечкиот разум, за да се потчиниме на Создателот и да ја признаеме својата слабост.
  8. Вредноста на темелното познавање на знаењето и неопходноста да се биде цврст во него.
  9. Муфесирите (толкувачите на Куранот) имаат две мислења во врска со застанувањето кај зборот „Аллах“ при цитирањето на ајетот: „А толкувањето нивно го знае само Аллах! Тие што се упатени во науката…“. Доколку се застане кај „Аллах“, значењето се однесува на знаењето за вистинската природа и суштината на одредени прашања, како што се душата и Судниот ден, за кои само Аллах го поседува знаењето. Тие што се упатени во науката веруваат во тие работи и ги препуштаат нивните вистински значења на Аллах, прифаќајќи ги со покорност. Меѓутоа, ако не се застане кај „Аллах“ и се продолжи, тогаш толкувањето се однесува на објаснувањето и разјаснувањето на ајетите. Во овој случај, и Аллах и оние кои се упатени во знаењето го разбираат толкувањето на ајетите. Тие веруваат во тие ајети и нивните значења ги поврзуваат со јасните и недвосмислените ајети.

Преглед на преводи

67 Јазик
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
EL Ελληνικά اليونانية
UZ O‘zbek الأوزبكية
UK Українська الأوكرانية
KA ქართული الجورجية
LN Lingala اللينجالا
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
KMR Kurmancî الكرمنجية
MS Bahasa Melayu الملايو