عن عمر بن الخطاب رضي الله عنه مرفوعاً: «إنما الأعمال بِالنيَّات، وإنما لكل امرئ ما نوى، فمن كانت هجرتُه إلى الله ورسوله فهجرتُه إلى الله ورسوله، ومن كانت هجرتُه لدنيا يصيبها أو امرأةٍ ينكِحها فهجرته إلى ما هاجر إليه».
[صحيح] - [متفق عليه]
المزيــد ...
උමර් ඉබ්නු අල් කත්තාබ් (රළියල්ලාහු අන්හු) තුමා විසින් වාර්තා කරන ලදී. මෙය මර්ෆූඃ ගණයට අයත් හදීසයකි. “ක්රියාවන් පිහිටනුයේ චේතනාවන් අනුවය. සෑම පුද්ගලයකුටම ඔහු පතන දෑ ඇත. එබැවින් කවරෙකුගේ නික්ම යෑම අල්ලාහ් හා ඔහුගේ දූතයා වෙත පිහිටියේ ද ඔහුගේ නික්ම යෑම අල්ලාහ් හා ඔහුගේ දූතයාණන් වෙතම පිහිටනු ඇත. කවරෙකුගේ නික්ම යෑම මෙලොව හිමි කර ගැනීම සඳහා හෝ කාන්තාවක් විවාහ කර ගැනීම සඳහා පිහිටියේ ද ඔහුගේ නික්ම යෑම ඔහු කවර දෙයක් වෙත නික්ම ගියේ ද ඒ සඳහා පිහිටනු ඇත.
පූර්ව සාධක සහිත හදීසයකි. - බුහාරි හා මුස්ලිම් හි වාර්තා වී ඇත.
මෙය වඩාත් වැදගත් හදීසයකි. ඇතැම් විද්වතුන් මෙය ඉස්ලාමයේ තුනෙන් එකක් බව සලකති. දේවත්වය විශ්වාස කරන්නාට කුසල් හිමි වනුයේ ඔහුගේ චේතනාවට අනුව හා එහි වලංගුභාවයේ ප්රමාණයට අනුවය. කවරෙකුගේ ක්රියාවන් අල්ලාහ් වෙනුවෙන් අවංකව පිහිටියේ ද සැබැවින්ම එය නබි තුමාණන්ගේ පිළිවෙතට අනුගත වීමේ කොන්දේසිය මත එය ස්වල්පයක් වුව ද පිළිගනු ලබන්නක් වන්නේය. කවරෙකුගේ ක්රියාවන් ජනයාට ප්රදර්ශනය කිරීමක් වශයෙන් සිදු කර එය අල්ලාහ් වෙනුවෙන් අවංකව සිදු නොකළ කටයුත්තක් වන්නේ ද එය කෙතරම් විශාල වූව ද ප්රතික්ෂේප කරනු ලබන්නක් වන්නේය. අල්ලාහ්ගේ තෘප්තිය හැර වෙනත් කරුණක අපේක්ෂාවෙන් සිදු කරන සෑම ක්රියාවක්ම එසේ අපේක්ෂා කරන්නා කාන්තාවක් හෝ ධනය හෝ නිලය හෝ වෙනත් මෙලොව කටයුත්තක් හෝ පැතුව ද එය එක සමානය. සැබැවින්ම එය අදාළ පුද්ගලයාට ප්රතික්ෂේප කිරීමක් වන්නේය. අල්ලාහ් ඔහුගෙන් එය පිළිගන්නේ නැත. එනම් දැහැමි ක්රියාවන් පිළිගනු ලැබීමේ කොන්දේසිය වනුයේ: ක්රියාව අල්ලාහ් වෙනුවෙන් සිදු කරන අවංක ක්රියාවක් වීම හා එය ධර්ම දූතයාණන්ගේ මඟ පෙන්වීමට අනුකූලව පිහිටීමය.