हदीस: जब तिमीहरू दिशा-पिसाब गर्न जान्छौ, तब किब्लातर्फ न मुख गर, न त पिठ्यूँ फर्काऊ, बरु पूर्व वा पश्चिमतर्फ फर्केर शौच गर
عَنْ أَبِي أَيُّوبَ الأَنْصَارِيِّ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«إِذَا أَتَيْتُمُ الغَائِطَ فَلاَ تَسْتَقْبِلُوا القِبْلَةَ، وَلاَ تَسْتَدْبِرُوهَا وَلَكِنْ شَرِّقُوا أَوْ غَرِّبُوا» قَالَ أَبُو أَيُّوبَ: فَقَدِمْنَا الشَّأْمَ فَوَجَدْنَا مَرَاحِيضَ بُنِيَتْ قِبَلَ القِبْلَةِ فَنَنْحَرِفُ، وَنَسْتَغْفِرُ اللَّهَ تَعَالَى.
[صحيح] - [متفق عليه] - [صحيح البخاري: 394]
المزيــد ...
अबू अय्यूब अल अन्सारी (रजियल्लाहु अन्हु) ले बयान गरेका छन् कि रसूल (सल्लल्लाहु अलैहि वसल्लम) ले भन्नुभयो :
"जब तिमीहरू दिशा-पिसाब गर्न जान्छौ, तब किब्लातर्फ न मुख गर, न त पिठ्यूँ फर्काऊ, बरु पूर्व वा पश्चिमतर्फ फर्केर शौच गर ।" अबू अय्यूब (रजियल्लाहु अन्हु) ले भन्नुहुन्छ कि, जब हामी सिरिया गयौं, त्यहाँ हामीले शौचालयहरू किब्लातर्फ फर्काएर बनाइएका पायौं। त्यसैले हामीले सकेसम्म अर्को दिशामा फर्केर शौच गर्ने गर्थ्यौं र अल्लाहसँग माफी माग्ने गर्दथ्यौं।"
[सही] - [मुत्तफकुन अलैहि] - [सही बुखारी - 394]
नबी (सल्लल्लाहु अलैहि वसल्लम) ले दिसापिसाब गर्ने व्यक्तिलाई किब्ला (काबा) तिर आफ्नो अनुहार वा पिठ्यूँ फर्काउन निषेध गर्नुभएको छ। यदि उसको किब्ला मदीनाका मानिसहरूको किब्ला जस्तै हो भने, उसले शौच गर्ने बेला पूर्व वा पश्चिमतिर फर्केर बस्नुपर्ने हुन्छ। त्यसपछि अबू अय्यूब (रजियल्लाहु अन्हु) ले बताउनुहुन्छ कि जब उहाँहरू शाम (सिरिया) जानुभयो, त्यहाँ उहाँहरूले शौच गर्न बनाइएका शौचालयहरू कअ्बातर्फ फर्काएर बनाइएका पाए। त्यसैले उहाँहरू आफ्नो शरीरलाई किब्लाको दिशाबाट सकेसम्म मोडेर बस्ने गर्थे, र तैपनि अल्लाहसँग क्षमायाचना गर्ने गर्थे।
हदीसका केही फाइदाहरू
- यस नियमको कारण पवित्र काबाको सम्मान र प्रतिष्ठा कायम रहोस् भन्ने कुरा हो ।
- शौचालयबाट निस्केपछि 'गुफ्रानक' (हे अल्लाह! म तिम्रो क्षमा याचना गर्छु)भन्नु पर्छ ।
- यसबाट नबी (सल्लल्लाहु अलैहि वसल्लम) को शिक्षाको सुन्दरता स्पष्ट हुन्छ; किनभने जब उहाँले कुनै कुरालाई निषेध गर्नुभयो, तब त्यसको जायज विकल्पतर्फ पनि मार्गदर्शन गर्नुभयो।
वर्गीकरण
थप
- हदीस: यदि कुकुरले तपाईहरूमध्ये कसैको भाँडोबाट पानी पिइहाल्यो भने, त्यसलाई सात पटक धुनुपर्छ।
- हदीस: मलाई अत्यधिक मज़ी (यौन इच्छा वा उत्तेजना हुँदा निस्कने पातलो र चिप्लो पदार्थ) निस्किन्थ्यो । रसूल (सल्लल्लाहु अलैहि वसल्लम) को ज्वाइँ भएको कारणले उहाँसंग यस बारेमा सोध्न मलाई लाज लाग्यो । त्यसैले मैले मिक्दाद बिन अस्वदलाई सोध्न लगाए र उनले सोधेपछि रसूल (सल्लल्लाहु अलैहि वसल्लम) ले भन्नुभयो: "यस्तो व्यक्तिले आफ्नो गुप्तांग धोएर वुजू गरे हुन्छ
- हदीस: “जब तिमीहरूमध्ये कसैले वुजू गर्छ, उसले नाकमा पानी हालेर राम्रोसँग सफा गरोस्। जसले इस्तिन्जा (ढुंगाद्वारा शुद्धता प्राप्त गर्नु) गर्छ, उसले विजोर सङ्ख्यामा ढुंगा प्रयोग गरोस्।
- हदीस: तिमीहरूमध्ये कसैले पनि पिसाब गर्दा दाहिने हातले आफ्नो गोप्यअंग नसमातोस्, न त शौचपछि दाहिने हातले इस्तिन्जा (पखाल्ने काम) गरोस्, र न त भाँडा (मा पानी पिउँदा) भाँडोभित्र सास फेरोस्।
- हदीस: जब नबी (सल्लल्लाहु अलैहि वसल्लम) शौचालयमा प्रवेश गर्नुहुन्थ्यो तब यो दुआ भन्नुहुन्थ्यो: "अल्लाहुम्म इन्नी अऊजु बिक मिनल्-खुबुसि वल्-खबाइस् ।
- हदीस: जब नबी (सल्लल्लाहु अलैहि वसल्लम) शौचालयबाट बाहिर निस्कनुहुन्थ्यो, उहाँ ‘गुफ्रानक’ भन्ने गर्नुहुन्थ्यो; जसको अर्थ हो— 'हे अल्लाह! म तपाईंसँग क्षमा याचना गर्दछु।'