فەرموودە: ئەگەر کەسێکتان چووە سەرئاو بۆ میز یان پاشەڕۆ فڕێدان؛ ئەوا با پشت و ڕوو لە قیبلە نەکات، بەڵکو با ڕوو ڕۆژھەڵات یان ڕۆژئاوا بکات

عن أبي أيوب الانصاري رضي الله عنه مرفوعاً: "إذا أَتَيتُم الغَائِط، فَلاَ تَستَقبِلُوا القِبلَة بِغَائِط ولا بَول، ولا تَسْتَدْبِرُوهَا، ولكن شَرِّقُوا أو غَرِّبُوا". قال أبو أيوب: «فَقَدِمنَا الشَّام، فَوَجَدنَا مَرَاحِيض قد بُنِيَت نَحوَ الكَّعبَة، فَنَنحَرِف عَنها، ونَستَغفِر الله عز وجل» .
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی ئەیوبی ئەنساڕیەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «ئەگەر کەسێکتان چووە سەرئاو بۆ میز یان پاشەڕۆ فڕێدان؛ ئەوا با پشت و ڕوو لە قیبلە نەکات، بەڵکو با ڕوو ڕۆژھەڵات یان ڕۆژئاوا بکات». ئەبو ئەیوب دەڵێت: «کاتێک هاتین بۆ شام، بینیمان سەرئاوەکان بەرەو ڕووی کەعبە دروستکراوە، بۆیە خۆمان لە ڕووکردنە کەعبە لادەدا، وداوای لێخۆشبوونمان لە خوای گەورە دەکرد».
صەحیحە - بوخاری و موسلیم هاوڕان لەسەری

شیکردنەوە

پێغەمبەر -صلى اللە علیە وسلم- ڕێنموێنی دەکات سەبارەت بە هەندێک لە ئادابەکانی سەرئاوکردن: ڕوونەکردنە قیبلە مەبەستی (کەعبەی پیرۆزە)، وهەروەها پشتی لێنەکەن لە کاتی سەرئاو کردن، چونکە قیبلەی نوێژکردنە ودەبێت ڕێزی لێبگیرێت وبە پیرۆز دابنرێت، بەڵکو بە ئاراستەی ڕۆژهەڵات یان ڕۆژئاوای دابنیشتن ئەگەر ڕۆژئاوا وڕۆژهەڵات بەرەو ڕووی قیبلە نەبێت، وەکو بۆ نمونە قیبلەی ئەهلی مەدینە، بەڵام بۆ نمونە ئەگەر کەسێک نیشتەجێی مۆریتانیا بێت کە دەکەوێتە ڕۆژئاوای مەککەوە ئەوا لێرەدا پێویستە ڕوو لە ڕۆژهەڵات وڕۆژئاوا نەکات لە کاتى سەرئاو کردن، بەڵکو پێویستە ڕوو لە باکوور یان باشوور بکات، وبەو شێوەیە. چونکە هاوەڵان زۆر خێرا فەرمانەکانی پێغەمبەر -صلى اللە علیە وسلم- یان جێبەجێدەکرد، کە فەرمانەکانی هەقن، ئەبو ئەیوب -ڕەزای خوای لێبێت- باسی ئەوە دەکات کاتێک ئەوان هاتن بۆ شام لە پاش فەتح وڕزگارکردنی، بینیان کە سەرئاوەکان بەرەو ئاراستەی قیبلە دروستکراون، بۆیە ئەوان لە کاتی سەرئاو کردن بەرەو ئاراستەیەکی تر دادەنیشتن وداوای لێخۆشبوونیان لە خوای گەورە دەکرد.