فەرموودە: ((ب تنێ بهس بوو تو ب دهستێن خۆ ئهڤێ بكهی))، پاشی ههردوو دهستێن خۆ ئێك جار ل ئهردی دان و مهسحا دهستێ چهپێ ل سهر یێ ڕاست كر و پشتا دهستێن خۆ و سهروچاڤێن خۆ پێ مهسح كرن
عَنْ عَمَّارِ بنِ ياسِرٍ رضي الله عنه قال:
بَعَثَنِي رَسُولُ اللهِ صَلَّى اللهُ عَلَيْهِ وَسَلَّمَ فِي حَاجَةٍ، فَأَجْنَبْتُ فَلَمْ أَجِدِ الْمَاءَ، فَتَمَرَّغْتُ فِي الصَّعِيدِ كَمَا تَمَرَّغُ الدَّابَّةُ ثُمَّ أَتَيْتُ النَّبِيَّ صَلَّى اللهُ عَلَيْهِ وَسَلَّمَ، فَذَكَرْتُ ذَلِكَ لَهُ فَقَالَ: «إِنَّمَا كَانَ يَكْفِيكَ أَنْ تَقُولَ بِيَدَيْكَ هَكَذَا» ثُمَّ ضَرَبَ بِيَدَيْهِ الْأَرْضَ ضَرْبَةً وَاحِدَةً، ثُمَّ مَسَحَ الشِّمَالَ عَلَى الْيَمِينِ، وَظَاهِرَ كَفَّيْهِ وَوَجْهَهُ.
[صحيح] - [متفق عليه] - [صحيح مسلم: 368]
المزيــد ...
عهممارێ كوڕێ یاسری (خودێ ژێ ڕازی بیت) دبێژیت:
پێغهمبهرێ خودێ (صهلات و سهلامێن خودێ ل سهر بن) ئهز بۆ كارهكی فرێكرم و ئهز تووشی جهنابهتێ بووم و من ئاڤ نهدیت، ڤێجا من خۆ د ناڤ ئاخا سهر ئهردیدا وهركر، ههروهكی كا چاوا گیانهوهر خۆ تێدا وهردكهن، پاشی ئهز هاتمه دهڤ پێغهمبهری (صهلات و سهلامێن خودێ ل سهر بن) و من ئهڤ چهنده بۆ وی گۆت، گۆت: ((ب تنێ بهس بوو تو ب دهستێن خۆ ئهڤێ بكهی))، پاشی ههردوو دهستێن خۆ ئێك جار ل ئهردی دان و مهسحا دهستێ چهپێ ل سهر یێ ڕاست كر و پشتا دهستێن خۆ و سهروچاڤێن خۆ پێ مهسح كرن.
[صحيح] - [متفق عليه] - [صحيح مسلم - 368]
پێغهمبهری (صهلات و سهلامێن خودێ ل سهر بن) بۆ كارهكێ خۆ یێ تایبهت عهممارێ كوڕێ یاسری فرێكربوو گهشتهكێ و ئهو تووشی جهنابهتێ بوو، ڤێجا چ ب جووتبوونێ بیت یان ههتا ب ڕێكا شههوهتێ ئاڤا وی هاتبیته خوار، و ئاڤ نهدیت دا سهرێ خۆ پێ بشۆت، و وی نهدزانی كو تهیهمموم بۆ جهنابهتێ ژی دروست، بهلكی هزر دكر ئهو ب تنێ بۆ دهستنڤێژا بچویكه و ئهڤ چهنده نهدزانی، ڤێجا وی ب هزرا خۆ كر (ئیجتیهاد كر) و وهسا زانی كا چاوا مرۆڤ هندهك ئهندامێن لهشێ خۆ یێن كو بۆ دهستنڤێژا بچویك دشووت ب ئاخێ مهسح دكهت، هنگی بۆ گرتنا تهیهمموم بۆ ڕاكرنا جهنابهتێ ژی دڤێت ئاخێ ل ههمی لهشێ خۆ بدهت، ئهڤه ژی وهك قیاسكرن ل سهر ئاڤێ، لهوا ئهوی ژی خۆ د ئاخێ وهركر ههتا ئاخێ ههمی لهشێ وی ڤهگرتی و پاشی نڤێژ كر دهمێ هاته دهڤ پێغهمبهری (صهلات و سهلامێن خودێ ل سهر بن) ئهڤه بۆ گۆت، دا بزانیت كا ئهرێ وی كارهكێ دروست كرییه یان نه؟ پێغهمبهری ژی شێوازێ پاقژبوونا ژ بێدهستنڤێژییا بچویك و یا مهزن بۆ دیار كر: كو ئهو ژی ب تنێ ب هندێ دبیت مرۆڤ ئێك جار دهستێن خۆ ل ئاخا سهرڤههییا ئهردی بدەت، پاشی مهسحا دهستێ چهپێ ل سهر یێ ڕاست بكهت و پاشی ههردوو دهستان و سهروچاڤێن خۆ پێ مهسح بكهت.
لە سوودەکانی فەرموودەکە
- فهربوونا ل دویڤ گهڕیانا ئاڤێ بهری تهیهممومێ.
- دروستییا تهیهممومێ بۆ وی كهسێ جهنابهت ل سهر بیت و ئاڤێ نهبینیت.
- شێوازێ گرتنا تهیهممومێ بۆ بێدهستنڤێژییا مهزن (وهكی جهنابهتێ) ههمان شێوازێ تهیهممومێیه بۆ بێدهستنڤێژییا بچویك.