عن عمر بن الخطاب -رضي الله عنه- عن النبي -صلى الله عليه وسلم- أنه قال: «لو أنكم كنتم توَكَّلُون على الله حق توَكُّلِهِ لرزقكم كما يرزق الطير، تَغْدُو خِمَاصَاً، وتَرُوحُ بِطَاناَ».
[صحيح.] - [رواه الترمذي وابن ماجه وأحمد.]
المزيــد ...

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت: «ئەگەر ئێوە تەوەکولتان هەبێت بە خوای گەورە وەکو پێویست، ئەوا ڕزقتان دەدات هەروەکو چۆن ڕزقی باڵندەکان دەدات، بەیانیان بە سکی بەتاڵ دەچنە دەرەوە وئێواران بە سکی تێر دێنەوە».
صەحیحە - ئیبنو ماجه گێڕاویەتیەوە

شیکردنەوە

ئەم فەرموودەیە ڕێنمایی ئەوە دەکات کە دەبێت لە هەموو کاروبارەکانماندا پشت بە خوای گەورە ببەستین وتەوەکولمان تەنها بە ئەو بێت، حەقیقەت وڕاستی تەوەکول: پشت بەستن بە خوای گەورە لە هێنانی سوود ولابردنی زیان لە کاروبارەکانی ئاین ودونیا، چونکە ئەوەی دەبەخشێ ودەگرێتەوە وزیان وسوود دەگەیەنێت تەنها خوای گەورەیە، و لە سەر مرۆڤ پێویستە ئەو هۆکارانە بگرێتە بەر کە سوودی بۆ دەهێنێت وزیانی لە سەر لا دەدات لە گەڵ پشت بەستن وتەوەکول تەنها بە خوای گەورە، خودا دەفەرموێت: {وَمَنْ يَتَوَكَّلْ عَلَى اللَّهِ فَهُوَ حَسْبُهُ} واته: {وھەر کەسێك پشت بەخودا ببەستێت ئەوە خودای بەسە،}، {وَعَلَيْهِ فَلْيَتَوَكَّلِ الْمُتَوَكِّلُونَ} واته: {دەبا خۆسپێران پشت ھەر بە خوا ببەستن}, هەر کاتێک مرۆڤ بەم شێوەیە بوو ئەوا خوای گەورە ڕزقی دەدات هەروەکو چۆن ڕزقی باڵندە دەدات کە بەیانیان دەردەچێت بە سکی برسیەوە وئێواران دەگەڕێتەوە بە سکی تێرەوە.

وه‌رگێڕانی ماناكان: ئینگلیزی فەڕەنسی ئیسپانی تورکی ئۆردی ئەندەنوسی بۆسنی ڕووسی بەنگالی چینی هیندی هوسا پورتوغالی میلیالیم تلغۆ سه‌واحیلی
پیشاندانی وەرگێڕانەکان
1: فەزڵی تەوەکول (پشت بەستن بە خودا)، کە یەکێکە لە گەورەترین هۆکارەکانی هێنانی ڕزق.
2: تەوەکول کردن بە خودای گەورە واتای ئەوە نییە کە هیچ هۆکارێک بەکارنەهێنێت، چونکە پێغەمبەر -صلى اللە علیە وسلم- باسی ئەوەی کردووە کە تەوەکولی ڕاستەقینە پێچەوانەی دەرچوونی بەیانیان وئێوارانی مرۆڤ نییە بۆ داواکردنی ڕزق.
3: گرنگیدانی شەریعەت بە کردەوەکانی دڵ، چونکە تەوەکول کردن بە خودای گەورە کرداری دڵە.
4: تەوەکول کردن بە خودای گەورە هۆکارێکی واتاییە (مەعنەوییە) بۆ هێنانی ڕزق، وئەمەش پێچەوانەی ئەنجامدانی هۆکارە هەستپێکراوەکان نییە.
5: تەوەکول کردن بە خوای گەورە لە هەموو داوا کردنەکاندا ڕێگەپێدراوە، وئەمە لە واجباتەکانی ئیمانە، خوای گەورە دەفەرموێت: {وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ} واتە: {وھەر تەوەکول بکەن وپشت ببەستن بە خودا، ئەگەر ئێوە باوەڕِدارن}.