হাদীছ: মিছওৱাক কৰাটো হৈছে মুখৰ পৱিত্ৰতা আৰু প্ৰতিপালকৰ সন্তষ্টি লাভৰ উপায়।
عن عائشة رضي الله عنها : أن النبي صلى الله عليه وسلم قال: «السِّواك مَطْهَرَةٌ للْفَم مَرْضَاةٌ لِلرَّبِّ».
[صحيح] - [رواه النسائي وأحمد والدارمي]
المزيــد ...
আইশ্বা ৰাদ্বিয়াল্লাহু ‘আনহাৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ "c2">“মিছওৱাক কৰাটো হৈছে মুখৰ পৱিত্ৰতা আৰু প্ৰতিপালকৰ সন্তষ্টি লাভৰ উপায়।” ছহীহ – এই হাদীছটোক নাছাঈয়ে বর্ণনা কৰিছে।
ছহীহ - ইয়াক নাছায়ীয়ে বৰ্ণনা কৰিছে
মিছওৱাকে ময়লা, দুর্গন্ধ আৰু অন্যান্য ক্ষতিকৰ বস্তুৰ পৰা মুখক পৰিস্কাৰ ৰাখে। দৰাচলতে মুখৰ বিকৃতিক দূৰ কৰিব পৰা যিকোনো বস্তুৰ দ্বাৰা দাতন কৰিলেই মিছওৱাকৰ ছুন্নত আদায় হৈ যাব। উদাহৰণস্বৰূপে টুথ ব্রাশ্ব, পেষ্ট আৰু ময়লা দূৰকাৰী অন্যান্য বস্তুৰে যদি দাঁত পৰিস্কাৰ কৰা হয় তথাপিও সেইটো আদায় হৈ যাব। "c2">“সেইটো হৈছে প্ৰতিপালকৰ সন্তুষ্টি লাভৰ কাৰণ” অৰ্থাৎ, দাঁতন কৰাটো হৈছে আল্লাহৰ সন্তুষ্টি লাভৰ এটা অন্যতম মাধ্যম। আলিমসকলে মিছওৱাক কৰাৰ বহুতো উপকাৰ উল্লেখ কৰিছে। যেনে, মুখ পৱিত্ৰ থাকে, দাঁতৰ গুৰি মজবুত কৰে, দৃষ্টি শক্তি বৃদ্ধি পায়, কফ দূৰ কৰে, ছুন্নত পালন হয়, ফিৰিস্তাসকল আনন্দিত হয়, আল্লাহ সন্তুষ্ট হয়, নেকী বৃদ্ধি কৰে আৰু পেট ঠিক থাকে।
হাদীছৰ পৰা সংগৃহীত উপকাৰিতাসমূহ
- মিছওৱাক হৈছে মুখৰ পৱিত্ৰতাৰ মাধ্যম।
- আল্লাহ তা‘আলাই পৱিত্ৰতাক পছন্দ কৰে আৰু পৱিত্ৰতা অৱলম্বনকাৰীসকলকো পছন্দ কৰে। এই কাৰণেই তেওঁলোকৰ বাবে তেওঁ এনেকুৱা আমল প্ৰৱৰ্তন কৰিছে যিটো তেওঁৰ সন্তুষ্টি লাভৰ বাবে সহযোগী হ’ব।
- মিছওৱাকৰ ফজিলত।
- নবী চাল্লাল্লাহু আলাইহি অছাল্লামে তেওঁৰ উম্মতক বেছি বেছি মিছওৱাক কৰাৰ প্ৰতি উৎসাহ প্ৰদান কৰিছে।
- দিনৰ আৰম্ভণিতে হওক অথবা শেষৰফালে হাদীছৰ ব্যাপকতাই প্ৰমাণ কৰে যে, ছিয়ামপালনকাৰীৰ বাবে মিছওৱাক কৰা বৈধ।
- মিছওৱাক কৰাটো হৈছে বান্দাৰ প্ৰতি আল্লাহৰ সন্তুষ্টি লাভৰ অন্যতম কাৰণ।
- আল্লাহৰ বাবে ৰিজা বা সন্তুষ্টিৰ গুণ সাব্যস্ত।