නබි වදන: “ෆිත්රා යන කරුණු පහකි: ලිංග චර්ම ඡේදනය, ලිංගාශ්‍රිත රෝම කැපීම, උඩු රැවුල කැපීම, නියපොතු කැපීම, කිහිලි රෝම ඉවත් කිරීම.”

عن أبِي هريرة رضي اللَّه عنه: سمعتُ النبِيّ صلى الله عليه وسلم يقول:
«الفِطْرَةُ خمسٌ: الخِتَانُ والاستحدادُ وقصُّ الشَّارِبِ وتقليمُ الأظفارِ وَنَتْفُ الآبَاطِ».
[صحيح] - [متفق عليه] - [صحيح البخاري: 5891]

අල්ලාහ්ගේ දූතයාණන් (සල්ලල්ලාහු අලයිහි වසල්ලම්) තුමාණන් කරමින් සිටි ප්‍රකාශයකට මම සවන් දී ඇත්තෙමි යැයි පවසා අබූ හුරෙයිරා (රළියල්ලාහු අන්හු) තුමා විසින් මෙසේ වාර්තා කරන ලදී:
"c2">“ෆිත්රා යන කරුණු පහකි: ලිංග චර්ම ඡේදනය, ලිංගාශ්‍රිත රෝම කැපීම, උඩු රැවුල කැපීම, නියපොතු කැපීම, කිහිලි රෝම ඉවත් කිරීම.”
පූර්ව සාධක සහිත හදීසයකි. - බුහාරි හා මුස්ලිම් හි වාර්තා වී ඇත.

විවරණය

ඉස්ලාම් දහමින් වූ හා දූතවරුන්ගේ පිළිවෙත් අතරින් වූ කරුණු පහක් සම්බන්ධයෙන් නබි (සල්ලල්ලාහු අලයිහි වසල්ලම්) තුමාණෝ පැහැදිලි කළහ:
ඒවායින් පළමුවැන්න: චර්මඡේදනයයි. එනම් පුරුෂ ලිංගයේ මුණ්ඩයට ඉහළින් වැසී ඇති අමතර හම් කොටස කපා හැරීම හා කාන්තාවගේ යෝනි මාර්ගයට ඉහළින් වැසී ඇති හම් කොටස ඉවත් කිරීමය.
දෙවැන්න: ලිංගාශ්‍රිත රෝම බෑම. එනම්, ලිංගය අවට වැවී ඇති රෝම බෑමය.
ඒවායින් තුන්වැන්න: උඩු රැවුල කැපීම, එනම්: පිරිමියකුගේ උඩු තොලට ඉහළින් වැවී ඇති රැවුල, තොල පෙනෙන සේ කපා හැරීමය.
සිව්වැන්න: නියපොතු කැපීම.
පස්වැන්න: කිහිලි රෝම ඉවත් කිරීම.