हदीस: अल्लाह रातको अन्तिम प्रहरमा आफ्ना भक्तको सबैभन्दा नजिक हुनुहुन्छ

عَن أَبِي أُمَامَةَ قَالَ: حَدَّثَنِي عَمْرُو بْنُ عَبَسَةَ رضي الله عنه أَنَّهُ سَمِعَ النَّبِيَّ صَلَّى اللَّهُ عَلَيْهِ وَسَلَّمَ يَقُولُ:
«أَقْرَبُ مَا يَكُونُ الرَّبُّ مِنَ العَبْدِ فِي جَوْفِ اللَّيْلِ الآخِرِ، فَإِنْ اسْتَطَعْتَ أَنْ تَكُونَ مِمَّنْ يَذْكُرُ اللَّهَ فِي تِلْكَ السَّاعَةِ فَكُنْ».
[صحيح] - [رواه أبو داود والترمذي والنسائي] - [سنن الترمذي: 3579]

अबू-उमामा (रजियल्लाहु अन्हु) ले बयान गरेका छन्, उनले भन्नुहुन्छ कि अम्र बिन अबसह (रजियल्लाहु अन्हु) ले मलाई बताउनुभयो, उनले नबी (सल्लल्लाहु अलैहि वसल्लम) ले भन्दै गरेको सुने:
"अल्लाह रातको अन्तिम प्रहरमा आफ्ना भक्तको सबैभन्दा नजिक हुनुहुन्छ। तसर्थ, यदि तिमी त्यस समयमा अल्लाहको स्मरण गर्नेहरूमध्ये हुन सक्नुहुन्छ भने, अवश्य त्यसो गर्नु।"
[सही] - [अबू दाउद, तिर्मीजी र निसाईले वर्णन गरेका छन्] - [सुनन् तिर्मिजी - 3579]

व्याख्या

नबी (सल्लल्लाहु अलैहि वसल्लम) ले भन्नुभएको छ कि अल्लाह रातको अन्तिम तेस्रो प्रहरमा आफ्नो भक्तको सबैभन्दा नजिक हुनुहुन्छ। तसर्थ, यदि तिमी त्यस समयमा अल्लाहको उपासना, दुआ, स्मरण र पश्चात्ताप गर्नेहरूमध्ये बन्न सक्छौ भने, त्यसका लागि प्रयास गर्नु।

हदीसका केही फाइदाहरू

1. मुस्लिमलाई रातको अन्तिम प्रहरमा अल्लाहको स्मरण र स्तुति (जिक्र) गर्न प्रोत्साहित गरिएको छ।
2. यसमा अल्लाहको स्मरण, दुआ र नमाजका लागि विभिन्न समयहरूको भिन्न उत्कृष्टता स्पष्ट गरिएको छ ।
3. मीरक (शाह अल-हनफी) ले भन्नुभएको छ: यस हदीसमा उल्लेख छ कि अल्लाह आफ्नो भक्तसँग रातको अन्तिम प्रहरमा सबैभन्दा बढी नजिक हुनुहुन्छ, जबकि अर्को हदीसमा आएको छ कि भक्त सजदा गर्दा आफ्नो रब (अल्लाह) को सबैभन्दा धेरै नजिक हुन्छ। यसको तात्पर्य यो हो कि यस हदीसमा समयलाई संकेत गरिएको छ, जुन रातको अन्तिम प्रहर हो; जबकि अर्को हदीसमा अवस्थालाई बताइएको छ, जुन सजदाको अवस्था हो।