Hadiis: Soabã sẽn wat n yɩɩd pẽnegr ne Yambã yaa yʋn-sʋka

عَن أَبِي أُمَامَةَ قَالَ: حَدَّثَنِي عَمْرُو بْنُ عَبَسَةَ رضي الله عنه أَنَّهُ سَمِعَ النَّبِيَّ صَلَّى اللَّهُ عَلَيْهِ وَسَلَّمَ يَقُولُ:
«أَقْرَبُ مَا يَكُونُ الرَّبُّ مِنَ العَبْدِ فِي جَوْفِ اللَّيْلِ الآخِرِ، فَإِنْ اسْتَطَعْتَ أَنْ تَكُونَ مِمَّنْ يَذْكُرُ اللَّهَ فِي تِلْكَ السَّاعَةِ فَكُنْ».
[صحيح] - [رواه أبو داود والترمذي والنسائي] - [سنن الترمذي: 3579]

Yii a Abɩɩ Ʋmaama nengẽ t'a yeelame: a ʿAmr ɭbn ʿAbasa (Wẽnd yard be a yĩnga) yeelame t'a wʋma Nabiyaamã (Wẽnd pʋʋsg la A tɩlgr be a yĩnga) t'a yetẽ:
«Soabã sẽn wat n yɩɩd pẽnegr ne Yambã yaa yʋn-sʋka, rẽnd ned ning sẽn tõoga n na n yɩ neb nins sẽn tẽegd Wẽnd yʋʋrã wakat-kãngã, bɩ a yɩ».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd la a At-tirmiiziy la a An-nasaa'ɩy n togs-a] - [Sunan At-tirmiiziy - 3579]

bilgrã

Nabiyaamã kõta kibare (Wẽnd pʋʋsg la A tɩlgr be a yĩnga): tɩ ad Soabã (A Naam yɩlgame) sẽn wat n yɩɩd pẽnegr ne Yambã yaa yʋngã sẽn pʋɩ tãab baasgẽ wã; rẽnd Wẽnd sã n sõng foom tɩ f tõoge -yaa foom a muumini- n na n yɩ tũudbã, la pʋʋsdbã la (Wẽnd yʋʋrã) tẽegdbã, la tuubdbã zamã pʋgẽ, wakat-kãngã, ad a yaa yell b sẽn tog n zεεg-a, la b maan modgr a pʋgẽ.

Sẽn be Hɑdiisã yõod-rãmbẽ

1. Yaa pirsg ne lɩslaama sẽn na yɩlẽ t'a tẽeg Wẽnd yʋʋrã yʋngã baasgẽ.
2. Wilgda wakat-rãmbã sẽn yɩɩd taaba, sẽn kẽed ne Wẽnd yʋʋrã tẽegr la doaag la Pʋʋsgo.
3. A Mirk yeelame: welgr sẽn be koεεgã: Soabã sẽn wat n yɩɩd pẽnegr ne Yambã" la a koεεgã "Yamb sẽn tʋg n yɩɩd pẽem ne a Soabã, yaa a sẽn wat n be suguudẽ" sʋka: yaa tɩ raabã kaanẽ wã, yaa sẽn na n vẽneg Soabã sẽn wat n yɩɩd pẽnegr ne yambã, la yẽ yaa yʋng sʋka, la raabã zĩig a to wã, yaa sẽn na n vẽneg yambã pẽnegr halhaal ne a Soabã, la yẽ yaa a sẽn wat n be suguudẽ.