Hadiis: Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã
عَنْ أَبِي مُوسَى رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ اللهَ عَزَّ وَجَلَّ يَبْسُطُ يَدَهُ بِاللَّيْلِ لِيَتُوبَ مُسِيءُ النَّهَارِ، وَيَبْسُطُ يَدَهُ بِالنَّهَارِ لِيَتُوبَ مُسِيءُ اللَّيْلِ، حَتَّى تَطْلُعَ الشَّمْسُ مِنْ مَغْرِبِهَا».
[صحيح] - [رواه مسلم] - [صحيح مسلم: 2759]
المزيــد ...
Yii a Abɩɩ Muusa nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame:
«Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2759]
Nabiyaamã (Wẽnd pʋʋsg lɑ A tɩlgr be ɑ yĩngɑ) kõta kibare, tɩ Wẽnde, (A Naam zẽk yã) A reegda A yembsã tuubgu, rẽnd yamb sã n maan zũnuub wĩndga n tuub yʋngo, Wẽnd reegda a tuubgã, la a sã n maan zũnuub yʋngo n tuub wĩndga, Wẽnd reegda a tuubgã, La A tẽegda A nugã, (A Naam yɩlgame) tuubgã sabab yĩnga, tɩ yaa sũ-noogr ne tuubgã n leb n yaa tuubgã reegre, la tuubgã ragnoor ka bak n pake halɩ tɩ wĩndga wa tʋg n puk a sẽn lʋɩtẽ wã, n wilgd dũni sεεbo, rẽnd a sã n puk beenẽ tuubg ragnoor pagame.
Sẽn be Hɑdiisã yõod-rãmbẽ
- Tuubgã reegr yaa bũmb sẽn ket n kẽngdẽ, t'a ragnoorã sã n ket n pakame, la a ragnoorã pagdame tɩ wĩntoogã sã n wa puk a sẽn lʋɩtẽ wã, la ninsaal sẽn na n wa tuubi taoor tɩ kũumã gʋgsg na n ka ta ye, yẽ me la yõorã sẽn wat n ta kokolondẽ wã.
- Yaa b ra maan tẽeb wãagre zũnuubã sabab ye, bala Wẽnd yaafã wã (A Naam yɩlgame) la A yolsgã, a yalmame, tuubgã ragnoor me pakame.
- Tuubgã sart-rãmbã: rẽenem: yaa võog n yi Wẽn-kɩɩsgã pʋgɑ, yiib soabã: yaa a maan mimsa ne a sẽn tʋmã, tãab soaba: yaa a loe n wãag t'a ka na n leb n kẽng beenẽ lae, woto yaa sẽn na n mik tɩ yaa Wẽnd haakε-rãmbã, la sã n mik tɩ hakε-rãmb sẽn yag ne yembsã, b maanda sarto sẽn na yɩl t'a tuubgã manege, a kõ hakε wã b rãmba, maa hakε wã soab yaaf-a.
Pɑɑgã
- Hadiis: Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã
- Hadiis: Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare
- Hadiis: Ra tʋ-y kiidbã ye, ad b loogame n kẽng b sẽn tʋm tɩ reng taoorẽ wã
- Hadiis: Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã
- Hadiis: Rog wãas ka kẽed arzãn ye
- Hadiis: Ad nebã sẽn yɩɩd gẽeg Wẽnd nengẽ, yaa zab-to neda
- Hadiis: Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã