ਗੱਲ ਜਾਂ ਬਾਤਾਂ: ਅੱਲਾਹ ਦੇ ਨਬੀ ﷺ ਹਰ ਨਮਾਜ਼ ਲਈ ਵੁਜ਼ੂ ਕਰਿਆ ਕਰਦੇ ਸਨ

عن عَمْرُو بْنُ عَامِرٍ عَنْ ‌أَنَس بن مالك قَالَ:
كَانَ النَّبِيُّ صَلَّى اللهُ عَلَيْهِ وَسَلَّمَ يَتَوَضَّأُ عِنْدَ كُلِّ صَلَاةٍ، قُلْتُ: كَيْفَ كُنْتُمْ تَصْنَعُونَ؟ قَالَ: يُجْزِئُ أَحَدَنَا الْوُضُوءُ مَا لَمْ يُحْدِثْ.
[صحيح] - [رواه البخاري] - [صحيح البخاري: 214]

ਅਮਰ ਬਿਨ ਆਮਿਰ ਅਨਸ ਬਿਨ ਮਾਲਿਕ ਤੋਂ ਰਿਵਾਇਤ ਕਰਦੇ ਹਨ ਕਿ ਉਨ੍ਹਾਂ ਨੇ ਕਿਹਾ:
ਅੱਲਾਹ ਦੇ ਨਬੀ ﷺ ਹਰ ਨਮਾਜ਼ ਲਈ ਵੁਜ਼ੂ ਕਰਿਆ ਕਰਦੇ ਸਨ। ਮੈਂ ਪੁੱਛਿਆ: ਤੁਸੀਂ ਕੀ ਕਰਦੇ ਸੀ? ਤਾਂ ਉਨ੍ਹਾਂ ਨੇ ਜਵਾਬ ਦਿੱਤਾ: ਸਾਡੇ ਲਈ ਵੁਜ਼ੂ ਉਦੋਂ ਤੱਕ ਕਾਫੀ ਹੋ ਜਾਂਦਾ ਸੀ, ਜਦੋਂ ਤੱਕ ਵੁਜ਼ੂ ਟੁੱਟ ਨਾ ਜਾਵੇ।
[صحيح] - [رواه البخاري] - [صحيح البخاري - 214]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਹਰ ਫਰਜ਼ ਨਮਾਜ਼ ਲਈ ਵੁਜ਼ੂ ਕਰਿਆ ਕਰਦੇ ਸਨ, ਭਾਵੇਂ ਵੁਜ਼ੂ ਨਾ ਵੀ ਟੁੱਟਿਆ ਹੋਵੇ। ਇਹ ਆਪ ﷺ ਅਜਰੋ-ਸਵਾਬ (ਇਨਾਮ) ਹਾਸਲ ਕਰਨ ਲਈ ਕਰਦੇ ਸਨ।
ਇਨਸਾਨ ਜਦੋਂ ਤੱਕ ਵੁਜ਼ੂ ਦੀ ਹਾਲਤ ਵਿੱਚ ਰਹੇ, ਉਸੇ ਵੁਜ਼ੂ ਨਾਲ ਇੱਕ ਤੋਂ ਵੱਧ ਨਮਾਜ਼ਾਂ ਪੜ੍ਹ ਸਕਦਾ ਹੈ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਅੱਲਾਹ ਦੇ ਨਬੀ ﷺ ਜ਼ਿਆਦਾਤਰ ਹਰ ਨਮਾਜ਼ ਲਈ ਵੁਜ਼ੂ ਕਰ ਲਿਆ ਕਰਦੇ ਸਨ। ਕਿਉਂਕਿ ਇਹ ਸਭ ਤੋਂ ਸੰਪੂਰਨ ਤਰੀਕਾ ਹੈ।
2. ਹਰ ਨਮਾਜ਼ ਲਈ ਵੁਜ਼ੂ ਕਰਨਾ ਮੁਸਤਹੱਬ (ਪਸੰਦੀਦਾ/ਵਧੇਰੇ ਚੰਗਾ) ਹੈ।
3. ਇੱਕ ਵੁਜ਼ੂ ਨਾਲ ਇੱਕ ਤੋਂ ਵੱਧ ਨਮਾਜ਼ਾਂ ਪੜ੍ਹਨਾ ਜਾਇਜ਼ ਹੈ।