ഹദീസ്: നിങ്ങളിൽ ആരുടെയെങ്കിലും പാത്രത്തിൽ നിന്ന് നായ കുടിച്ചാൽ അവൻ ഏഴു തവണ അത് കഴുകട്ടെ
عَنْ أَبِي هُرَيْرَةَ رضي الله عنه قَالَ: إِنَّ رَسُولَ اللهِ صلى الله عليه وسلم قَالَ:
«إِذَا شَرِبَ الْكَلْبُ فِي إِنَاءِ أَحَدِكُمْ فَلْيَغْسِلْهُ سَبْعًا».
ولمسلم: « أولاهُنَّ بالتُراب».
[صحيح] - [متفق عليه] - [صحيح البخاري: 172]
المزيــد ...
അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറയുന്നു:
"നിങ്ങളിൽ ആരുടെയെങ്കിലും പാത്രത്തിൽ നിന്ന് നായ കുടിച്ചാൽ അവൻ ഏഴു തവണ അത് കഴുകട്ടെ."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 172]
നായ ഒരു പാത്രത്തിലേക്ക് അതിൻ്റെ നാവ് പ്രവേശിപ്പിച്ചാൽ ആ പാത്രം ഏഴു തവണ കഴുകാനും, അതിൽ ആദ്യത്തെ തവണ മണ്ണ് കൊണ്ടായിരിക്കാനും നബി -ﷺ- കൽപ്പിക്കുന്നു. ആദ്യത്തെ തവണ മണ്ണ് കൊണ്ട് കഴുകുകയും പിന്നീട് വെള്ളം കൊണ്ട് കഴുകുകയും ചെയ്യുന്നതിലൂടെ പാത്രം നജസിൽ നിന്നും അതിൻ്റെ ഉപദ്രവങ്ങളിൽ നിന്നും പൂർണ്ണമായും ശുദ്ധമാകുന്നതാണ്.
ഹദീഥിൻ്റെ പാഠങ്ങളിൽ നിന്ന്
- നായയുടെ ഉമിനീർ നജസുകളുടെ കൂട്ടത്തിൽ ഏറ്റവും കടുത്ത നജസാണ്.
- നായ പാത്രത്തിൽ തലയിടുന്നത് കൊണ്ട് പാത്രം നജസാകുന്നതാണ്; അതിലുള്ള വെള്ളവും അതോടെ നജസാകും.
- മണ്ണു കൊണ്ട് കഴുകലും, ഏഴു തവണ ആവർത്തിക്കലും നായ നാവിട്ടാൽ മാത്രമേ ചെയ്യേണ്ടതുള്ളൂ. എന്നാൽ നായ മൂത്രമൊഴിക്കുകയോ കാഷ്ഠിക്കുകയോ മറ്റേതെങ്കിലും നിലക്ക് നായ സ്പർശിക്കുകയോ ചെയ്തവക്ക് ഈ നിയമമില്ല.
- പാത്രം മണ്ണു കൊണ്ട് കഴുകേണ്ട രൂപം ഇപ്രകാരമാണ്: പാത്രത്തിൽ വെള്ളം ഒഴിച്ചതിന് ശേഷം അതിലേക്ക് മണ്ണ് ചേർക്കുകയും, പിന്നീട് മണ്ണും വെള്ളവും കലർന്ന ആ മിശ്രിതം കൊണ്ട് പാത്രം കഴുകുകയും ചെയ്യുക.
- ഹദീഥിൻ്റെ പൊതുവായ പ്രയോഗത്തിൽ നിന്ന് മനസ്സിലാകുന്നത് ഈ വിധി എല്ലാ നായകൾക്കും ബാധകമാണെന്ന് തന്നെയാണ്. വളർത്താൻ അനുവദിക്കപ്പെട്ടിട്ടുള്ള വേട്ടനായ, കാവൽ നായ, മേച്ചിൽനായ പോലുള്ളവയുടെ കാര്യവും അതിൽ ഉൾപ്പെടുമെന്ന് ചുരുക്കം.
- സോപ്പ് പോലുള്ള ശുദ്ധീകരണ വസ്തുക്കൾ മണ്ണിന് പകരം ഉപയോഗിക്കാവതല്ല. കാരണം, നബി -ﷺ- മണ്ണ് എന്നത് പ്രത്യേകം എടുത്തു പറഞ്ഞിരിക്കുന്നു.
വിഭാഗങ്ങൾ
കൂടുതൽ
- ഹദീസ്: നിങ്ങൾ വിസർജന സ്ഥലത്ത് വന്നെത്തിയാൽ ഖിബ്ലക്ക് നേരെയോ, ഖിബ്ലക്ക് പിന്തിരിഞ്ഞു കൊണ്ടോ ഇരിക്കരുത്. മറിച്ച് നിങ്ങൾ കിഴക്ക് ഭാഗത്തേക്കോ പടിഞ്ഞാറ് ഭാഗത്തേക്കോ തിരിഞ്ഞിരിക്കുക
- ഹദീസ്: ഞാൻ ധാരാളമായി മദ്യ് (രേതസ്സ്) വന്നിരുന്ന വ്യക്തിയായിരുന്നു. നബി -ﷺ- യുടെ മകളുമായുള്ള എൻ്റെ (വിവാഹ)ബന്ധം കാരണത്താൽ അവിടുത്തോട് ഇക്കാര്യത്തെ കുറിച്ച് ചോദിക്കാൻ എനിക്ക് ലജ്ജയായിരുന്നു. അതിനാൽ മിഖ്ദാദ് ബ്നു അസ്വദിനോട് ഞാൻ പറഞ്ഞതു പ്രകാരം അദ്ദേഹം ഇക്കാര്യം ചോദിച്ചപ്പോൾ നബി -ﷺ- പറഞ്ഞു: “അവൻ തൻ്റെ ലൈംഗികാവയവം കഴുകുകയും വുദൂഅ് എടുക്കുകയും ചെയ്യട്ടെ.”