فەرموودە: هه‌ر كه‌سێ پشتی هەر نڤێژەکێ سیھ و سێ جاران بێژیت (سبحان الله) و سیھ و سێ جاران بێژیت (الحمد لله) و سیھ و سێ جاران بێژیت (الله أكبر)، ئه‌ڤه‌ دێ بنه‌ نۆت و نه‌هـ، و بۆ ته‌مامكرنا سه‌دێ بێژیت: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)؛ هنگی گونه‌هێن وی دێ هێنه‌ ژێبرن ئه‌گه‌ر هندی كه‌فا سه‌ر ده‌ریایێ ژی بن

عَنْ أَبِي هُرَيْرَةَ رضي الله عنه عَنْ رَسُولِ اللهِ صَلَّى اللهُ عَلَيْهِ وَسَلَّمَ:
«مَنْ سَبَّحَ اللهَ فِي دُبُرِ كُلِّ صَلَاةٍ ثَلَاثًا وَثَلَاثِينَ، وَحَمِدَ اللهَ ثَلَاثًا وَثَلَاثِينَ، وَكَبَّرَ اللهَ ثَلَاثًا وَثَلَاثِينَ، فَتْلِكَ تِسْعَةٌ وَتِسْعُونَ، وَقَالَ: تَمَامَ الْمِائَةِ: لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ غُفِرَتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ».
[صحيح] - [رواه مسلم] - [صحيح مسلم: 597]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
«هه‌ر كه‌سێ پشتی هەر نڤێژەکێ سیھ و سێ جاران بێژیت (سبحان الله) و سیھ و سێ جاران بێژیت (الحمد لله) و سیھ و سێ جاران بێژیت (الله أكبر)، ئه‌ڤه‌ دێ بنه‌ نۆت و نه‌هـ، و بۆ ته‌مامكرنا سه‌دێ بێژیت: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)؛ هنگی گونه‌هێن وی دێ هێنه‌ ژێبرن ئه‌گه‌ر هندی كه‌فا سه‌ر ده‌ریایێ ژی بن».
[صحيح] - [رواه مسلم] - [صحيح مسلم - 597]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو هه‌ر كه‌سێ پشتی ب دویماهیك هاتنا نڤێژێن فه‌ڕز بێژیت:
سیهـ و سێ جاران: (سبحان الله) كو ڕامانا وێ پاقژدانانا خودێیه‌ ژ هه‌می كێماسییان.
و سیهـ و سێ جاران: (الحمد لله) كو ڕامانا وێ په‌سنكرنا خودێیه‌ ب سالۆخه‌تێن ته‌مام د گه‌ل حه‌زژێكرن و مه‌زنڕاگرتنا وی.
و سیهـ و سێ جاران: (الله أكبر) كو ڕامانا وێ ئه‌ڤه‌یه‌ خودایێ مه‌زن ژ هه‌می تشتان مه‌زنتر و بلندتره‌.
و بۆ ته‌مامكرنا ژمارا سه‌دێ ژی بێژیت: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)، و ڕامانا وێ ئه‌ڤه‌یه‌‌: ژ ئه‌للاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن و ئه‌و ب تنێ خودانێ ده‌ستهه‌لات و شاهاتییا ته‌مامه‌ و یێ هه‌ژی په‌سن و مه‌دحكرنێیه‌ د گه‌ل حه‌زژێكرن و مه‌زنڕاگرتنێ و ئه‌و یێ خودان شیانه‌ و چ تشت وی بێزار ناكه‌ن.
ڤێجا هه‌ر كه‌سێ ڤی زكری بێژیت؛ گونه‌هێن وی دێ هێنه‌ ژێبرن، ئه‌گه‌ر خۆ گه‌له‌ك ژی بن وه‌كی وێ كه‌فا سپی یا ل سه‌ر ده‌ریایێ په‌یدا دبیت ده‌مێ پێل دكه‌ڤنێ.

لە سوودەکانی فەرموودەکە

1. سوننه‌ته‌ مرۆڤ ڤی زكری پشتی نڤێژێن فه‌ڕز ئه‌نجام بده‌ت.
2. ئه‌ڤ زكره‌ ئه‌گه‌ره‌كه‌ بۆ ژێبرنا گونه‌هان.
3. مه‌زناهییا قه‌نجییا خودایێ مه‌زن و دلۆڤانی و لێبوورینا وی.
4. ئه‌ڤ زكره‌ دبیته‌ ئه‌گه‌رێ ژێبرنا گونه‌هان و مه‌ره‌م پێ گونه‌هێن بچویكن، به‌لێ گونه‌هێن مه‌زن پێدڤی ب ته‌وبه‌كرنێ هه‌یه‌.