ဟဒီးဆ်: အစားအသောက် အသင့်ရောက်ရှိနေသောအခါ ဆွလာသ်မဆောက်တည်ရ၊ကျင်ကြီး၊ ကျင်ငယ်ကို ချုပ်တည်း၍ ဆွလာသ် မဆောက်တည်ရ။
عن عائِشَة رضي الله عنها مرفوعاً: «لا صلاة بِحَضرَة طَعَام، وَلا وهو يُدَافِعُه الأَخبَثَان».
[صحيح] - [رواه مسلم]
المزيــد ...
အာအိရှဟ်(ရဿွိယလ္လာဟုအန်ဟာ)က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံမှ ဆင့်ပြန်ခဲ့သည်။ အစားအသောက် အသင့်ရောက်ရှိနေသောအခါဆွလာသ်မဆောက်တည်ရ၊ ကျင်ကြီး၊ ကျင်ငယ်ကို ချုပ်တည်း၍ ဆွလာသ်မဆောက်တည်ရ။
[ဤဟဒီးဆ်သည် ဆွဟီးဟ် အဆင့်ရှိသည်။] - [မွတ်စ်လင်မ်ကျမ်း။]
မွတ်စ်လင်မ်တစ်ဦးသည် မိမိအရှင်သခင်၏ ရှေ့မှောက်၌ ဆွလာသ်ဆောက်တည်သည့်အခါ စိတ်ပါဝင်စားမှုရှိရန် အရှင်မြတ်က လိုလားကြောင်း ဤဟဒီးဆ်တော်က အလေးအနက်ထား တင်ပြထားသည်။ ထို့ကြောင့် စိတ်တည်ငြိမ်မှုနှင့် ကျိုးနွံမှုတို့ကို အဟန့်အတားဖြစ်စေသော အလုပ်များအား ဖြတ်တောက်လိုက်မှသာ စိတ်ပါဝင်စားမှု ရှိလာလိမ့်မည်။ ဤအတွက်ကြောင့်ပင်အစားအသောက်များ အသင့်ရောက်ရှိနေပြီး ဆွလာသ်ဆောက်တည်သူ၏ စိတ်၌ ထိုအစားအသောက်အပေါ် လိုလားတောင့်တမှုဖြစ်ပေါ်နေသည့်အခါတွင် ဆွလာသ်ဆောက်တည်ခြင်းအား အရှင်မြတ်က တားမြစ်ထားသည်။ ထို့အတူ ဆီးနှင့်ဝမ်းကိုချုပ်တည်း၍ ဆွလာသ်ဝတ်ပြုခြင်းကိုလည်း တားမြစ်ထားသည်။ အဘယ်ကြောင့်ဆိုသော ထိုသို့ ကျင်ကြီး၊ကျင်ငယ်ကို ချုပ်တည်းနေခြင်းကြောင့်အာရုံပျံ့လွင့်မှုဖြစ်စေသည်။
ဟဒီးဆ်မှ သိမှတ်ဖွယ်ရာများ
- ဆွလာသ်အချိန်ကျန်ရှိပါလျက် ကျင်ကြီး၊ကျင်ငယ်ချုပ်တည်း၍ ဆွလာသ်ဆောက်တည်ခြင်းသည် မက်ရူဟ် မနှစ်သက်ဖွယ်ရာဖြစ်ပြီး ဆွလာသ်အချိန်ကုန်ဆုံးခါနီးဖြစ်မူ ဆွလာသ်ကိုသာ ဦးစားပေးရမည်။ အကယ်၍ ထိုသို့ချုပ်တည်းလျှက်ဆောက်တည်ခဲ့သော် ထိုသူ၏ ဆွလာသ်သည် အထမြောက်သော်လည်းတင်ပြပါ ဟဒီးဆ်တော်အရ ကုသိုလ်ပိုင်းတွင် လျော့နည်းသွားပြီး အပြည့်အဝ မရရှိတော့ပေ။ ၎င်းဆွလာသ်အား ပြန်လည်ဆောက်တည်ရန် မလိုအပ်ပေ။ ဆွလာသ်ကို စတင်ဆောက်တည်သည့်အခါတွင် ကျင်ကြီး၊ကျင်ငယ်ကို ချုပ်တည်းထားခြင်းမရှိဘဲ ဆွလာသ်ဆောက်တည်နေစဥ် အတွင်း၌သာ ချုပ်တည်းခြင်းဖြစ်ပေါ်လာပါက ထိုသို့ချုပ်တည်းမှုသည် ဆွလာသ်ပြီးမြောက်မှုကို အတားဆီးမဖြစ်လျှင် ဆွလာသ်သည် မက္ကရူဟ်မဖြစ်ဘဲ အထမြောက်သွားမည်။
- ဆွလာသ်အတွင်း စိတ်ပါဝင်စားမှုနှင့် ရိုကျိုးမှုရှိရန် လိုအပ်သည်။
- ဆွလာသ်ဆောက်တည်သူသည် မိမိ၏ ဆွလာသ်အား အနှောက်အယှက်ဖြစ်စေမည့် အရာအားလုံးကို ဖယ်ရှားထားသင့်သည်။
- ကျင်ကြီး၊ကျင်ငယ်စွန့်ရန် လိုအပ်သောအခါ ဂျုမုအဟ်နှင့် ဂျမာအသ်စုပေါင်းဝတ်ပြုမှုကို လွှတ်ရန်ခြွင်းချက်ရှိသည်။ သို့သော် ဆွာလာသ်ဝတ်ပြုချိန်များကိုကျင်ကြီး၊ကျင်ငယ်စွန့်ချိန်အဖြစ် သတ်မှတ်မထားရပေ။